Govinda Big Revelation / ମା’ଙ୍କ ପାଇଁ ନଦୀରେ ଆତ୍ମହତ୍ୟା କରିବାକୁ ଯାଉଥିଲେ… 'ହିରୋ ନମ୍ବର 1' …. ବର୍ଷ ବର୍ଷର ଯନ୍ତ୍ରଣାକୁ ପ୍ରକାଶ କଲେ

ବଲିଉଡର "ହିରୋ ନମ୍ବର 1" କହିଲେ ସମସ୍ତେ ଜାଣିଛନ୍ତି। ଆଉ ସମସ୍ତେ ତାଙ୍କର ଦିଓ୍ବାନା ମଧ୍ୟ। ଆଜିବି ଲୋକେ ତାଙ୍କ ମୁଭି ଦେଖିବାକୁ କ୍ରେଜି। ସେ ଆଉ କେହି ନୁହନ୍ତି ସେ ହେଲେ ଗୋବିନ୍ଦା। ଆଜି ବଲିଉଡର ଏହି ସୁପରଷ୍ଟାର ଚର୍ଚ୍ଚାରେ। ତାଙ୍କ ଜୀବନର ଏକ ପୁରୁଣା ଗୁପ୍ତ କଥା ସେୟାର କରିଛନ୍ତି। ଯାହା ସେ କେବେ କେଉଁଠି କହି ନଥିଲେ। ଏକ ସାକ୍ଷାତକାରରେ, ଗୋବିନ୍ଦା ପ୍ରକାଶ କରିଛନ୍ତି ଯେ ସେ ତାଙ୍କ ମାଆ ନିର୍ମଳା ଦେବୀଙ୍କ ମୃତ୍ୟୁରେ ପୂରାପୂରି ଭାଙ୍ଗି ପଡ଼ିଥିଲେ। ଆମେ ସମସ୍ତେ ଜାଣିଛେ ଯେ ଗୋବିନ୍ଦା ତାଙ୍କ ମା’ଙ୍କୁ ବହୁତ ଭଲ ପାଉଥିଲେ। ମା’ଙ୍କ ମୃତ୍ୟୁରେ ସେ ଏତେ ମର୍ମାହତ ହୋଇଥିଲେ ଯେ ସେ ନର୍ମଦା ନଦୀରେ ଡେଇଁ ଆତ୍ମହତ୍ୟା କରିବାକୁ ଯୋଜନା କରୁଥିଲେ। ପ୍ରଶଂସକମାନେ ମଧ୍ୟ ଏହି ଖବର ଶୁଣି ଦୁଃଖିତ ହୋଇଥିଲେ। ଅଭିନେତାଙ୍କ ବୟାନ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେଉଛି। ଆସନ୍ତୁ ଜାଣିବା ସେ କ'ଣ କହିଥିଲେ।

• ଗୋବିନ୍ଦା ତାଙ୍କ ଲାଇଫର ଗୁପ୍ତ କଥା ସେୟାର କରିଛନ୍ତି

ଗୋବିନ୍ଦା ଏକ ଇଣ୍ଟରଭ୍ୟୁରେ ତାଙ୍କ ବ୍ୟକ୍ତିଗତ ଜୀବନର ଏକ ବଡ଼ କଥା ଶେୟାର କରିଛନ୍ତି। ଅଭିନେତା କହିଛନ୍ତି ଯେ ଯେତେବେଳେ ତାଙ୍କ ମାଆ ନିର୍ମଳା ଦେବୀଙ୍କ ମୃତ୍ୟୁ ହୋଇଥିଲା, ସେ ଭାଙ୍ଗି ପଡ଼ିଥିଲେ। ଘଟଣାକୁ ମନେ ପକାଇ ଅଭିନେତା କହିଛନ୍ତି, "ମୁଁ ବହୁତ ଯନ୍ତ୍ରଣାରେ ଥିଲି। ମୋତେ ଲାଗୁଥିଲା ଯେ ସବୁକିଛି ଶେଷ ହୋଇଗଲା। ମୁଁ ବୁଝିପାରୁ ନଥିଲି ଯେ ଏହି ଦୁଃଖକୁ କିପରି ଦୂର କରିବି। ମୁଁ ନର୍ମଦା ନଦୀରେ ଥିଲି।" ମୁଁ ଭାବିଲି ଯଦି ମୁଁ ନଦୀ ଭିତରକୁ ଆଉ ଟିକିଏ ଯାଏ, ତେବେ ମୁଁ ମୋ ମାଆଙ୍କୁ ଭେଟିପାରିବି ଏବଂ ଏହା ଭାବି ମୁଁ ନଦୀ ଭିତରକୁ ପଶିଥିଲି।

• ଗୋବିନ୍ଦା ତାଙ୍କ ମାଆଙ୍କ ମୃତ୍ୟୁରେ ଭାଙ୍ଗି ପଡ଼ିଥିଲେ

ଅଭିନେତା ଆହୁରି କହିଛନ୍ତି, "ମୁଁ କିଛି ପରିମାଣରେ ଆତ୍ମହତ୍ୟା କରିବାକୁ ଚିନ୍ତା କରୁଥିଲି। ମୁଁ ମୋ ମାଆଙ୍କୁ ବହୁତ ଭଲ ପାଉଥିଲି ଏବଂ ତାଙ୍କ ପ୍ରତି ଗଭୀର ଭାବରେ ଆକର୍ଷିତ ଥିଲି।" ଅଭିନେତା କହିଛନ୍ତି ଯେ, “ଯେତେବେଳେ ମୁଁ ନଦୀ ଭିତରକୁ ଗଲି, ରାମ କୁଣ୍ଡଲ ନାମକ ଜଣେ ପୂଜାରୀ ମୋତେ ଦେଖିଲେ ଏବଂ ମୋତେ ବାହାର କରିବାରେ ସାହାଯ୍ୟ କଲେ।“ ଏହା ପରେ, ମୁଁ ଅନୁଭବ କଲି ଯେ ମୁଁ ଯାହା କରିବାକୁ ଯାଉଥିଲି ତାହା ଭୁଲ ଥିଲା। ଏହା ପରେ, ମୁଁ ପଛକୁ ହଟିଗଲି। ମୁଁ ଏଥିରୁ ଏକ ଶିକ୍ଷା ପାଇଲି ଏବଂ ନିଜକୁ ସେତିକି ଦୃଢ କରିଥିଲି ଆଉ ମୋ ପିଲାମାନଙ୍କ କଥା ଭାବି ସେମାନଙ୍କ ପାଇଁ ବଞ୍ଚିବାକୁ ପଡିବ ବୋଲି ନିଷ୍ପତ୍ତି ନେଇଥିଲି। କିନ୍ତୁ ସତରେ ମୋ ଅନ୍ତରଆତ୍ମାକୁ ବହୁତ କଷ୍ଟ ହୋଇଥିଲା

• ଅଭିନେତାଙ୍କ ମାଆଙ୍କର କେବେ ଦେହାନ୍ତ ହୋଇଥିଲା?

ଗୋବିନ୍ଦାଙ୍କ ଏହି ଖୁଲାସା ଶୁଣି ପ୍ରଶଂସକମାନେ ଆଶ୍ଚର୍ଯ୍ୟ ହୋଇଗଲେ। ଗୋବିନ୍ଦା ବହୁ ବର୍ଷ ଧରି ଏହି କଥା ନିଜ ଭିତରେ ରଖିଥିଲେ ଏବଂ ଏବେ ତାଙ୍କ ପ୍ରଶଂସକମାନଙ୍କ ସହ ସେୟାର କରିଛନ୍ତି। ଗୋବିନ୍ଦାଙ୍କ ମାଆ ନିର୍ମଳା ଦେବୀ ଜଣେ ପ୍ରସିଦ୍ଧ ଶାସ୍ତ୍ରୀୟ ଗାୟିକା ଏବଂ ଅଭିନେତ୍ରୀ ଥିଲେ। ତାଙ୍କର ୧୯୯୬ ମସିହାରେ ୬୯ ବର୍ଷ ବୟସରେ ଦେହାନ୍ତ ହୋଇଥିଲା। ତାଙ୍କ ମାଆଙ୍କ ପଦାଙ୍କ ଅନୁସରଣ କରି, ଗୋବିନ୍ଦା ବଲିଉଡରେ ଏପରି ସଫଳତା ହାସଲ କରିଥିଲେ ଯାହା ପ୍ରତ୍ୟେକ କଳାକାର ନିଶ୍ଚିତ ସ୍ୱପ୍ନ ଦେଖନ୍ତି।