ହାର୍ଦ୍ଦିକ ପାଣ୍ଡ୍ୟା ମାହିକା ଶର୍ମାଙ୍କୁ ବହୁତ ଭଲ ପାଆନ୍ତି । ଅନେକ ସମୟରେ ଦେଖିବାକୁ ମିଳୁଛି ମାହିକା ଯେଉଁଠାକୁ ଯାଆନ୍ତି ସେଠାରେ ତାଙ୍କ ସହିତ ହାର୍ଦ୍ଦିକ ପାଣ୍ଡ୍ୟା ମଧ୍ୟ ନଜର ଆସିଥାନ୍ତି । ସୋମବାର ଆୟଜିତ ହୋଇଥିବା ରିଲାଏନ୍ସ ଫାଉଣ୍ଡେସନର "ୟୁନାଇଟେଡ୍ ଇନ୍ ଟ୍ରାୟମ୍ଫ" କାର୍ଯ୍ୟକ୍ରମରେ ହାର୍ଦ୍ଦିକଙ୍କୁ ତାଙ୍କ ପ୍ରେମିକାଙ୍କ ସହିତ ମଧ୍ୟ ଦେଖିବାକୁ ମିଳିଥିଲେ । ଏହି କାର୍ଯ୍ୟକ୍ରମରେ ହାର୍ଦ୍ଦିକ ମାହିକାଙ୍କୁ ମେଗାଷ୍ଟାର ଅମିତାଭ ବଚ୍ଚନଙ୍କ ସହ ମଧ୍ୟ ପରିଚୟ କରାଇଥିଲେ ।

ସୂଚନାନୁଯାୟୀ ଜାନୁଆରୀ ୫ ତାରିଖରେ, ରିଲାଏନ୍ସ ଫାଉଣ୍ଡେସନ ଦ୍ୱାରା ଆୟୋଜିତ "ୟୁନାଇଟେଡ୍ ଇନ୍ ଟ୍ରାୟମ୍ଫ" କାର୍ଯ୍ୟକ୍ରମରେ ଅନେକ ପ୍ରମୁଖ ସେଲିବ୍ରିଟି ଯୋଗ ଦେଇଥିଲେ। ଭାରତୀୟ କ୍ରିକେଟର ହାର୍ଦ୍ଦିକ ପାଣ୍ଡ୍ୟା ତାଙ୍କ ପ୍ରେମିକା ମାହିକା ଶର୍ମାଙ୍କ ସହିତ କାର୍ଯ୍ୟକ୍ରମରେ ମଧ୍ୟ ପହଞ୍ଚିଥିଲେ। ହାର୍ଦ୍ଦିକ ଏବଂ ତାଙ୍କ ପ୍ରେମିକା କଳା ରଙ୍ଗର ଡ୍ରେସ୍ ପିନ୍ଧିଥିବାର ନଜର ଆସିଥିଲେ । ହାର୍ଦ୍ଦିକ କାର୍ଯ୍ୟକ୍ରମରେ ପହଞ୍ଚିବା ମାତ୍ରେ ସେ ତାଙ୍କ ପ୍ରେମିକାଙ୍କୁ ବଲିଉଡ୍ ମେଗାଷ୍ଟାର ଅମିତାଭ ବଚ୍ଚନଙ୍କ ସହ ପରିଚିତ କରାଇଥିଲେ ।

ମାହିକା ଅମିତାଭ ବଚ୍ଚନଙ୍କୁ ଭେଟିଥିଲେ।
ଏହି କାର୍ଯ୍ୟକ୍ରମରେ ପୁରୁଷ, ମହିଳା ଏବଂ ଦୃଷ୍ଟିହୀନ ମହିଳା ବିଶ୍ୱକପ୍ ଜିତିବା ସମେତ ଭାରତର କ୍ରିକେଟ୍ ସଫଳତା ପାଇଁ ପାଳନ କରାଯାଇଥିଲା । ସେହି କାର୍ଯ୍ୟକ୍ରମରେ ଖେଳାଳି, ସେଲିବ୍ରିଟି ଏବଂ ଅନେକ ପ୍ରମୁଖ ବ୍ୟକ୍ତି ଯୋଗ ଦେଇଥିଲେ। ହାର୍ଦ୍ଦିକ ଏବଂ ମାହିକା ହାତରେ ହାତ ଧରି ରେଡ୍ କାର୍ପେଟରେ ପହଞ୍ଚି ଫଟୋଗ୍ରାଫରଙ୍କ ସହ ଅନ୍ୟ ଲୋକମାନଙ୍କର ମଧ୍ୟ ଦୃଷ୍ଟି ଆକର୍ଷଣ କରିଥିଲେ । ପାଣ୍ଡ୍ୟା ଏକ ସୁଟ୍ ପିନ୍ଧି ବହୁତ ସୁନ୍ଦର ଦେଖାଯାଉଥିଲେ, ଏବଂ ମାହିକା ଏକ କଳା ରଙ୍ଗର ଡ୍ରେସ୍ ପିନ୍ଧିଥିଲେ । ସେମାନଙ୍କର କେମେଷ୍ଟ୍ରି ଏବଂ ଷ୍ଟାଇଲିସ୍ ଲୁକ୍ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

Hardik Pandya introducing his girlfriend mahika Sharma to Amitabh Bachchan at the Reliance Foundation event last night.❤️ pic.twitter.com/yJ8ZyPneCu

— 𝐑𝐮𝐬𝐡𝐢𝐢𝐢⁴⁵ (@rushiii_12) January 6, 2026

ଏହି କାର୍ଯ୍ୟକ୍ରମରେ ଅମିତାଭ ବଚ୍ଚନ ଅନେକ ସେଲିବ୍ରିଟିଙ୍କ ସହ ଭେଟିଥିଲେ । ଏହି ସମୟରେ ପାଣ୍ଡ୍ୟା ତାଙ୍କ ପ୍ରେମିକା ମାହିକାଙ୍କୁ ବିଗ୍ ବିଙ୍କ ସହ ପରିଚିତ କରାଇଥିଲେ। ଅମିତାଭ ପ୍ରଥମେ ହାର୍ଦ୍ଦିକଙ୍କୁ ଆଲିଙ୍ଗନ କରିଥିଲେ। ତା'ପରେ, ସେ ମାହିକାଙ୍କୁ ଭେଟିଥିଲେ। ବିଗ୍ ବି ହାର୍ଦ୍ଦିକଙ୍କୁ ଇଙ୍ଗିତ କରି ମାହିକାଙ୍କୁ କିଛି କହିଥିଲେ। ସାରା କଥାବାର୍ତ୍ତା ସମୟରେ ହାର୍ଦ୍ଦିକ ହସି ହସି ବିଗ୍ ବିଙ୍କୁ ଚାହିଁ ରହିଥିଲେ। ମାହିକା ମଧ୍ୟ ବଚ୍ଚନଙ୍କୁ ଭେଟି ବହୁତ ଖୁସି ଥିବା ପରି ମନେ ହେଉଥିଲା ।

ହାର୍ଦ୍ଦିକ ୨୦୨୦ ମସିହାରେ ନତାଶା ଷ୍ଟାନକୋଭିକଙ୍କୁ ବିବାହ କରିଥିଲେ ଏବଂ ଏକ ପୁତ୍ର ସନ୍ତାନର ପିତାମାତା ହୋଇଥିଲେ। ତଥାପି, ୨୦୨୪ ମସିହାରେ ହାର୍ଦ୍ଦିକ ଏବଂ ନତାଶା ଛାଡ଼ପତ୍ର ନେଇ ଅଲଗା ହେବାକୁ ନିଷ୍ପତ୍ତି ନେଇଥିଲେ। ଛାଡ଼ପତ୍ର ପରେ ହାର୍ଦ୍ଦିକଙ୍କ ନାମ ମଡେଲ ଜାସମିନ୍ ୱାଲିଆଙ୍କ ସହ ଯୋଡା ଯାଇଥିଲା, କିନ୍ତୁ ଏବେ, ହାର୍ଦ୍ଦିକ ମାହିକାଙ୍କ ସହ ତାଙ୍କ ସମ୍ପର୍କ ବୋଶ୍ ଚର୍ଚ୍ଚାର ବିଷୟ ପାଲଟିଛି ।