ଖୁବଚର୍ଚ୍ଚାରେ ନିର୍ଦ୍ଦେଶକ ମୋହିତ ସୁରୀଙ୍କ ନୂଆ ଚଳଚ୍ଚିତ୍ର ‘ସୈୟାରା’। ଦର୍ଶକଙ୍କୁ ଏହି ଫିଲ୍ମଟି ଖୁବ ପସନ୍ଦ ଆସୁଛି । ବକ୍ସ ଅଫିସରେ ଫିଲ୍ମଟି ଭଲ କଲେକ୍ସନ କରିବା ସହ ସୁପରହିଟ୍‌ ହୋଇଛି। ଏହି ଯୋଡିକୁ ସମସ୍ତେ ଖୁବ ଭଲ ପାଇବା ଦେଉଛନ୍ତି। ଯେଉଁଥିରେ ଅହାନ ପାଣ୍ଡେ ଓ ଅନୀତ ପଡ୍ଡା ମୁଖ୍ୟ ଭୂମିକାରେ ଅଛନ୍ତି। ‘ସୈୟାରା’ର କାହାଣୀ କୋରିଆନ ଫିଲ୍ମ ସହ ଅନେକ ମିଳ ରହିଥିବା ଦର୍ଶକମାନେ ଦେଖିଛନ୍ତି। ଏହି ଚଳଚ୍ଚିତ୍ରରେ କ୍ରିଶ କପୁର (ଅହାନ ପାଣ୍ଡେ) ଜଣେ ଉଗ୍ର ସ୍ୱଭାବର ସଙ୍ଗୀତଜ୍ଞ ଏବଂ ବାଣୀ (ଅନୀତ ପଡ୍ଡା) ଜଣେ ସଂରକ୍ଷିତ ପତ୍ରକାର ଭାବେ ଅଭିନୟ କରିଛନ୍ତି। ଉଭୟଙ୍କ ମଧ୍ୟରେ ପ୍ରେମ ହେବା ପରେ ବାଣୀଙ୍କୁ ପ୍ରାରମ୍ଭିକ ଆଲଜେଇମର୍ସ ରୋଗ ଜଣାପଡିବା ହେବା ସହ ସେମାନଙ୍କ ସମ୍ପର୍କ ଏକ ଭାବପ୍ରବଣ ମୋଡ଼ ନେଇଛି।

ଗତ ଶୁକ୍ରବାର, ଜୁଲାଇ ୧୮ରେ ପ୍ରେକ୍ଷାଳୟରେ ମୁକ୍ତିଲାଭ କରିଛି। ଏହି ମ୍ୟୁଜିକାଲ ରୋମାଣ୍ଟିକ ଚଳଚ୍ଚିତ୍ର ବକ୍ସ ଅଫିସରେ ଦମଦାର ଆରମ୍ଭ କରିଥିଲେ ମଧ୍ୟ, ଦର୍ଶକମାନେ ଏହାକୁ ୨୦୦୪ରେ ମୁକ୍ତିଲାଭ କରିଥିବା ଦକ୍ଷିଣ କୋରିଆନ ଚଳଚ୍ଚିତ୍ର ‘ଏ ମୋମେଣ୍ଟ ଟୁ ରିମେମ୍ବର’ ସହ ତୁଳନା କରି ବିବାଦ ସୃଷ୍ଟି କରିଛନ୍ତି। ସେହିପରି, ‘ଏ ମୋମେଣ୍ଟ ଟୁ ରିମେମ୍ବର’, ଯାହା ଜନ ଏଚ. ଲୀଙ୍କ ନିର୍ଦ୍ଦେଶନାରେ ନିର୍ମିତ, ସୁ-ଜିନ (ସନ ୟେ-ଜିନ) ଓ ଚୁଲ-ସୁ (ଜଙ୍ଗ ୱୁ-ସଙ୍ଗ)ଙ୍କ ପ୍ରେମ କାହାଣୀ ଉପରେ ଆଧାରିତ, ଯେଉଁଥିରେ ସୁ-ଜିନଙ୍କୁ ଆଲଜେଇମର୍ସ ରୋଗ ଜଣାପଡିବା ପରେ ସେମାନଙ୍କ ସମ୍ପର୍କରେ ଜଟିଳତା ଆସିଥାଏ।

ଏହି ଫିଲ୍ମ ପ୍ରେମ ଓ ସ୍ମୃତିର ସମ୍ବେଦନଶୀଳ ଚିତ୍ରଣ ପାଇଁ ବିଶ୍ୱବ୍ୟାପୀ ପ୍ରଶଂସିତ ହୋଇଛି। ବିବାଦ ସତ୍ତ୍ୱେ, ‘ସୈୟାରା’ ତା’ର ଅଭିନୟ ଓ ସଙ୍ଗୀତ ପାଇଁ ପ୍ରଶଂସା ସାଉଁଟିଛି। ଫିଲ୍ମର ସଙ୍ଗୀତ ମିଥୁନ, ସଚେତ-ପରମ୍ପରା, ଋଷଭ କାନ୍ତ, ବିଶାଲ ମିଶ୍ର, ତନିଷ୍କ ବାଗଚୀ, ଫହିମ ଅବଦୁଲ୍ଲା ଓ ଅରସ୍ଲାନ ନିଜାମୀଙ୍କ ଦ୍ୱାରା ପ୍ରସ୍ତୁତ। ସେ ଯାହା ବି ହେଉ ଫିଲ୍ମଟି ଭଲ ହୋଇଛି ଏବଂ ଦର୍ଶକଙ୍କ ହୃଦୟ ଜିଣୁଛି।

ଅଧିକ ପଢ଼ନ୍ତୁ ମନୋରଞ୍ଜନ ଖବର:

Argus News | argus news | -Argusnews Home: Odisha Latest News, Breaking News, Trending News, Live TV and more