ଖୁସି ଖବର ଦେଲେ ପରିଣିତି ଚୋପ୍ରା। ଘରକୁ ଆସିବେ ନୂଆ ଅତିଥି। ଯାହାକୁ ନେଇ ଫ୍ୟାନ୍ସ ବି ଖୁସି।ପରିଣିତି ଚୋପ୍ରା ୨୦୨୩ ମସିହାରେ ଆପ ନେତା ରାଘବ ଚଡ୍ଡାଙ୍କୁ ବିବାହ କରିଥିଲେ। ବିବାହ ପରଠାରୁ, ଅଭିନେତ୍ରୀ ନିରନ୍ତର ଚର୍ଚ୍ଚାରେ ରହିଛନ୍ତି। ପରିଣିତି ଚୋପ୍ରା ନିକଟରେ ସ୍ବାମୀ ରାଘବ ଚଡ୍ଡାଙ୍କ ସହ କପିଲ ଶର୍ମାଙ୍କ ଶୋ ‘ଦି ଗ୍ରେଟ ଇଣ୍ଡିଆନ କପିଲ ଶର୍ମା ଶୋ’ରେ ପହଞ୍ଚିଥିଲେ। ଯେଉଁଠାରେ ଉଭୟେ ସେମାନଙ୍କ ବ୍ୟକ୍ତିଗତ ଜୀବନ ସହିତ ଜଡିତ ଅନେକ ମଜାଦାର କାହାଣୀ ଶେୟାର କରିଥିଲେ। ଏହି ସମୟରେ ରାଘବ ପରିଣିତିଙ୍କ ଗର୍ଭଧାରଣ ଉପରେ ଏକ ବଡ଼ ସଙ୍କେତ ମଧ୍ୟ ଦେଇଥିଲେ।

ସେ କହିଥିଲେ ଯେ ସେ ଖୁବ ଶୀଘ୍ର ଭଲ ଖବର ଦେବାକୁ ଯାଉଛନ୍ତି। ସେହି ସମୟରେ, କପିଲ ପରିଣିତି ଏବଂ ରାଘବଙ୍କୁ କୁହନ୍ତି ଯେ ଯେତେବେଳେ ସେ ବିବାହ କଲେ ଏବଂ ଗିନିଙ୍କୁ ଘରକୁ ଆଣିଲେ, ସେତେବେଳେ ତାଙ୍କ ମାଆଙ୍କ ଜେଜେମା ମୋଡ ଅନ୍‌ ହୋଇଗଲା। ତା’ପରେ ସେ ରାଘବଙ୍କୁ ପଚାରନ୍ତି ଯେ ତୁମ ଉପରେ ଏପରି କୌଣସି ଚାପ ଅଛି କି? ରାଘବ କୁହନ୍ତି ଯେ ‘ଦେବି…ଦେବି’। ଖୁବ ଶୀଘ୍ର ଭଲ ଖବର ଦେବି।’

ରାଘବଙ୍କଠାରୁ ଏହା ଶୁଣି ପରିଣିତି ଆଶ୍ଚର୍ଯ୍ୟ ହୋଇଗଲେ। ସୂଚନାଯୋଗ୍ୟ, ପରିଣିତି ତାଙ୍କ ଇନଷ୍ଟା ଆକାଉଣ୍ଟରେ ଶୋ’ର ଅନେକ ଅନସିନ୍‌ ଫଟୋ ଶେୟାର କରିଛନ୍ତି। ଫଟୋଗୁଡ଼ିକରେ ପରି ଏବଂ ରାଘବ ହସୁଛନ୍ତି। ଏହା ବ୍ୟତୀତ, ଗୋଟିଏ ଫଟୋରେ ଉଭୟ ବିବାହ ରୀତିନୀତି କରୁଥିବାର ମଧ୍ୟ ଦେଖାଯାଇଥିଲା।