କେବିସି ଜିତିଲେ CRPF ଇନ୍ସପେକ୍ଟର । ଅନେକ ଦିନ ଧରି ଥିବା ଆଶା ଆଜି ପୂରଣ ହୋଇଛି। ଛାଡଖଣ୍ଡର CRPF ଇନ୍ସପେକ୍ଟର ରଚିଛନ୍ତି ଇତିହାସ। ଯେଉଁ ଖବର ବର୍ତ୍ତମାନ ଭାଇରାଲ ହେବାରେ ଲାଗିଛି। ସିଆରପିଏଫ ଅଧିକାରୀ ବିପ୍ଳବ ଗତ ୧୫ ବର୍ଷ ଧରି କେବିସିରେ ଆସିବାକୁ ଚେଷ୍ଟା କରୁଥିଲେ। ପ୍ରାୟ ୧୫ ବର୍ଷର ସଂଘର୍ଷ ପରେ, ସେ ସଫଳତା ହାସଲ କଲେ ଏବଂ ଅମିତାଭ ବଚ୍ଚନଙ୍କ ବିପକ୍ଷରେ ଥିବା ହଟ୍ ସିଟ୍‌ରେ ବସିବାର ସୁଯୋଗ ପାଇଥିଲେ। ଆଉ ଏହି ସୁଯୋଗକୁ ହାତଛଡ଼ା ନକରି ଜିତିଛନ୍ତି ୧ କୋଟି ହୋଇଛନ୍ତି କରୋଡପତି।

ଏହା ସହ କଠିନ ପରିଶ୍ରମ, ସଂଘର୍ଷ ଏବଂ ତାଙ୍କ ପିତାଙ୍କ ପରାମର୍ଶ ଏହା ପଛରେ କାରଣ ଥିଲା। ସେ ଛତିଶଗଡ଼ର ବିଜାପୁରରେ ନକ୍ସଲ ଅପରେସନରେ ନିୟୋଜିତ ଅଛନ୍ତି। ଡ୍ୟୁଟି ପରେ ଯେତେବେଳେ ତାଙ୍କର ଖାଲି ସମୟ ମିଳୁଥିଲା, ସେ "କୌନ ବନେଗା କରୋଡ଼ପତି"ର ଏପିସୋଡ୍ ଦେଖୁଥିଲେ ଏବଂ ସେଥିରେ ପଚରାଯାଉଥିବା ପ୍ରଶ୍ନର ଉତ୍ତର ଦେଉଥିଲେ। ବିପ୍ଳବ କହିଛନ୍ତି ଯେ ତାଙ୍କ ପିତା ତାଙ୍କୁ ପରାମର୍ଶ ଦେଇଥିଲେ ତାଙ୍କୁ "କୌନ ବନେଗା କରୋଡ଼ପତି"ରେ ଅଂଶଗ୍ରହଣ କରିବାକୁ ।ସିଆରପିଏଫ ଇନ୍ସପେକ୍ଟର ବିପ୍ଳବ ବିଶ୍ୱାସ କେବିସିରେ ଇତିହାସ ରଚିଛନ୍ତି।ବିନା ଲାଇଫ୍ ଲାଇନ୍ ବ୍ୟବହାର କରି ଜିତିଲେ ୧ କୋଟି ଟଙ୍କା । ତାଙ୍କର ଐତିହାସିକ ବିଜୟର ଏପିସୋଡ୍ ଡିସେମ୍ବର ୩୦-୩୧ରେ ଟେଲିକାଷ୍ଟ ହେବ। ରାଞ୍ଚିର ଡୋରାଣ୍ଡାର କୁସାଇ କଲୋନିର ବାସିନ୍ଦା ବିପ୍ଳବ ବିଶ୍ୱାସ ସୋନି ଟିଭିର କୁଇଜ୍ ଶୋ କୌନ୍ ବନେଗା କରୋଡ଼ପତିରେ ଏକ କୋଟି ଟଙ୍କା ଜିତି ଝାଡ଼ଖଣ୍ଡ ପାଇଁ ଗୌରବ ଆଣିଛନ୍ତି।

ଏଥିସହ ପଢ଼ନ୍ତୁ: ଲୁହ ଭରା ଆଖିରେ ଆକ୍ଟିଙ୍ଗ ଦୁନିଆକୁ ଅଲବିଦା କହିଲେ ବିଜୟ

୧ କୋଟି ପୁରସ୍କାର ସହିତ, ବିପ୍ଳବଙ୍କୁ ଏକ ମାରୁତି ସୁଜୁକି ଭିକ୍ଟୋରିଆର ଲାଟେଷ୍ଟ ମଡେଲ , ଏକ ଇ-ବାଇକ୍, ସୁନା ମୁଦ୍ରା, ଡକ୍ଟର ଫିକ୍ସିଟ୍ ଠାରୁ ୫୦ ହଜାରର ଏକ ଗିଫ୍ଟ ଭାଉଚର ସହ ଅନେକ ଉପହାର ମିଳିଛି। CRPFର ଶୃଙ୍ଖଳିତ କର୍ତ୍ତବ୍ୟରେ ପ୍ରାୟ ୧୫ ବର୍ଷର କଠିନ ପରିଶ୍ରମର ପରିଣାମ ସ୍ୱରୂପ, ବିପ୍ଳବ ବିଶ୍ୱାସ ଲକ୍ଷ ଲକ୍ଷ ଯୁବକଙ୍କ ପାଇଁ ପ୍ରେରଣାର ଉତ୍ସ ପାଲଟିଛନ୍ତି। ଶେଷରେ ସେ ୧୫ ବର୍ଷର ସଂଘର୍ଷକୁ ବିଜୟରେ ପରିଣତ କରିଥିଲେ । କେନ୍ଦ୍ର ପ୍ରତିରକ୍ଷା ରାଷ୍ଟ୍ରମନ୍ତ୍ରୀ ସଞ୍ଜୟ ସେଠ୍, ବରିଷ୍ଠ CRPF ଅଧିକାରୀ ଏବଂ ରାଜଧାନୀ ରାଞ୍ଚିର ଅନେକ ଜନପ୍ରତିନିଧି ତାଙ୍କୁ ଏହି ସଫଳତା ପାଇଁ ଅଭିନନ୍ଦନ ଜଣାଇଛନ୍ତି।

ଶୋ’ର ପ୍ରଥମ ୧୦ ଟି ପ୍ରଶ୍ନ ଉତ୍ତର ବିନା ଲାଇଫ୍ ଲାଇନ୍‌ରେ ଦେଇଥିଲେ। ଏହା ବ୍ୟତୀତ, କୌନ୍ ବନେଗା କରୋଡ଼ପତିର "ସୁପର ସନ୍ଧୁକ" ରାଉଣ୍ଡରେ, ସେ କୌଣସି ଭୁଲ ନକରି ସମସ୍ତ ୧୦ ଟି ପ୍ରଶ୍ନର ସଠିକ୍ ଉତ୍ତର ଦେଇ ଦର୍ଶକଙ୍କୁ ଏବଂ ଫିଲ୍ମ ସୁପରଷ୍ଟାର ଅମିତାଭ ବଚ୍ଚନଙ୍କୁ ମଧ୍ୟ ଆଶ୍ଚର୍ଯ୍ୟ କରିଥିଲେ। ତାଙ୍କ ଆତ୍ମବିଶ୍ଵାସ ଓ ସଫଳତାରେ ପ୍ରଭାବିତ ହୋଇ, ଅମିତାଭ ବଚ୍ଚନ ବିପ୍ଳବ ଏବଂ ତାଙ୍କ ପରିବାରକୁ ଡିନର ପାଇଁ ତାଙ୍କ ଘରକୁ ନିମନ୍ତ୍ରଣ କରିବେ ଏବଂ ୧ ଲକ୍ଷ ଟଙ୍କା ପୁରସ୍କାର ଦେବେ।ଶୋ’ରେ ବିପ୍ଳବ ତାଙ୍କ ପରିବାରକୁ ମନେ ପକାଇ ହଠାତ୍ ଭାବପ୍ରବଣ ହୋଇଥିଲେ। ସେ କହିଥିଲେ ଯେ ତାଙ୍କ ପତ୍ନୀ ଏବଂ ପିତା ଉଭୟ ୨୦୨୧ ରେ କରୋନା ମହାମାରୀ ସମୟରେ ପ୍ରାଣ ହରାଇଥିଲେ । ଏତେ ଦୁଃଖ ସତ୍ତ୍ୱେ, ସେ ଭାଙ୍ଗି ନଥିଲେ ।

ଅଧିକ ପଢ଼ନ୍ତୁ ମନୋରଞ୍ଜନ ଖବର: