କାଟ୍ରିନା ଅଛନ୍ତି କି ଗର୍ଭବତୀ। ଭାଇରାଲ ହେଉଛି ଭିଡ଼ିଓ। ଯାହାକୁ ଦେଖି ଫ୍ୟାନ୍ସ ବି କନଫର୍ମ। ହେଲେ ଏହା ଗୁଜବ ନା ସତ ତାହା ବି କନଫର୍ମ ହୋଇଛି। ଭିକି ଓ କାଟ୍ରିନା ୨୦୨୧ ଡିସେମ୍ବରରେ ବିବାହ କରିଥିଲେ। ଏହି ଭାଇରାଲ ଭିଡିଓ ସେମାନଙ୍କ ସମ୍ପର୍କକୁ ନେଇ ଆଲୋଚନାକୁ ଆହୁରି ଜୋରଦାର କରିଛି। ବଲିଉଡ ତାରକା ଦମ୍ପତି କାଟ୍ରିନା କୈଫ୍‌ ଓ ଭିକି କୌଶଲ ମୁମ୍ବାଇରୁ ଆଲିବାଗକୁ ଫେରୀରେ ଯାତ୍ରା କରୁଥିବା ଏକ ଭିଡିଓ ଭାଇରାଲ ହୋଇଛି। ଏହି ଦମ୍ପତି ନିଜ ଜନ୍ମଦିନ ପରବର୍ତୀ ଉତ୍ସବ ପାଇଁ ଆଲିବାଗ ଯାଉଥିବା ଜଣାପଡ଼ିଛି। କିନ୍ତୁ, କାଟ୍ରିନାଙ୍କର ଢିଲା ଧଳା ଶାର୍ଟ ଇଣ୍ଟରନେଟରେ ଦୃଷ୍ଟି ଆକର୍ଷଣ କରିଛି ଏବଂ ତାଙ୍କ ଗର୍ଭବତୀ ହେବାର ଗୁଜବ ପୁନର୍ବାର ଆଲୋଚନାକୁ ଆସିଛି।

ଫ୍ୟାନ୍‌ମାନେ ଏହି ଗୁଜବକୁ ନେଇ ଉତ୍ସାହିତ ଥିବା ଦେଖାଯାଇଛି। ଜଣେ ଇଣ୍ଟରନେଟ ୟୁଜର ମନ୍ତବ୍ୟ କରିଛନ୍ତି, “କଟ୍ରିନା ଗର୍ଭବତୀ ଲାଗୁଛନ୍ତି… ଆଶା କରୁଛି ଏହା ସତ।” ଅନ୍ୟ ଜଣେ କହିଛନ୍ତି, “ସ୍ୱାମୀ, ସେମାନଙ୍କୁ ଯାଆଁଳା ଆଶୀର୍ବାଦ କରନ୍ତୁ।” ଏହା ପୂର୍ବରୁ ‘ବ୍ୟାଡ୍‌ ନ୍ୟୁଜ୍‌’ ଚଳଚ୍ଚିତ୍ରର ଟ୍ରେଲର ଲଞ୍ଚ ସମୟରେ ଭିକି କୌଶଲ ଏହି ଗୁଜବକୁ ଖଣ୍ଡନ କରି କହିଥିଲେ, “ଗୁଜବରେ କୌଣସି ସତ୍ୟତା ନାହିଁ। ଯେତେବେଳେ ଭଲ ଖବର ଆସିବ, ଆମେ ନିଶ୍ଚିତ ଭାବେ ସେୟାର କରିବୁ।” ତେବେ କେବେ ଏହି ଦମ୍ପତ୍ତି ଖୁସି ଖବର ଦେବେ ତାକୁ ହିଁ ଅପେକ୍ଷା।

ଅଧିକ ପଢ଼ନ୍ତୁ ମନୋରଞ୍ଜନ ଖବର: