୨୦୨୫ ମହାକୁମ୍ଭ ମେଳାରେ ଭାଇରାଲ୍ ଗାର୍ଲ ମୋନାଲିସାଙ୍କୁ ନେଇ ଏବେ ପୁଣି ଚର୍ଚ୍ଚା । କାରଣ ହଠାତ୍ ବିବାହ କରି ସମସ୍ତଙ୍କୁ ଚମକାଇ ଦେଇଛନ୍ତି ମୋନାଲିସା । ମହାକୁମ୍ଭ ମେଳାରେ ରୁଦ୍ରାକ୍ଷ ମାଳି ବିକୁଥିବାବେଳେ ତାଙ୍କର ଏକ ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ୍ ହୋଇଥିଲା । ତାଙ୍କର ଆଖି, ସୌନ୍ଦର୍ଯ୍ୟକୁ ନେଇ ଚାରିଆଡେ ଚର୍ଚ୍ଚା ହୋଇଥିଲା । ଏମିତିକି "ମଣିପୁର ଡାଏରୀ" ନାମକ ଏକ ଫିଲ୍ମର ସୁଟିଂ ସେଟ୍ ରେ ମଧ୍ୟ ତାଙ୍କୁ ଦେଖିବାକୁ ମିଳିଥିଲା ।

ହେଲେ ହଠାତ୍ ତାଙ୍କ ବିବାହ ଅନେକଙ୍କୁ ଆଶ୍ଚର୍ଯ୍ୟ କରିଛି । କାରଣ ମୋନାଲିସା ବୟଫ୍ରେଣ୍ଡ୍ ଫରମାନ୍ ଖାନ୍ କୁ ବିବାହ କରିଛନ୍ତି । ଯାହାର ଭିଡିଓ ଫଟୋ ଏବେ ସୋସିଆଲ ମିଡିଆରେ ଭାଇରାଲ୍ ହେଉଛି । ଫରମାନ୍ ଖାନଙ୍କ ସହ ଦେଢ ବର୍ଷ ହେବ ସଂପର୍କରେ ଥିଲେ ମୋନାଲିସା । ହେଲେ ପରିବାର ଲୋକେ ତାଙ୍କ ସଂପର୍କକୁ ଅନୁମତି ଦେଉନଥିଲେ । ଶେଷରେ ପରିବାରର ଇଚ୍ଛା ବିରୁଦ୍ଧରେ ଯାଇ ଫରମାନ ଖାନଙ୍କୁ ବିବାହ କରିଛନ୍ତି ମୋନାଲିସା । ଆଉ ପରିବାର ଲୋକଙ୍କ ବିରୋଧରେ ଅଭିଯୋଗ କରିଛନ୍ତି ଯେ, ଘର ଲୋକ ଅନ୍ୟତ୍ର ବିବାହ କରିବାକୁ ଚାପ ପକାଉଥିଲେ...ଧମକାଉଥିଲେ । ଯେଉଁଥିପାଇଁ ସେ ଘର ଛାଡିବାକୁ ବାଧ୍ୟ ହୋଇଛନ୍ତି ।

ଏଥିସହ ପଢ଼ନ୍ତୁ: କ୍ରିକେଟ ମୈଦାନରେ ପ୍ରେମିକାଙ୍କ ସହ ରୋମାନ୍ସ, ଜେଲ ଯାଇପାରନ୍ତି ହାର୍ଦ୍ଦିକ !

ଘର ଛାଡି ମୋନାଲିସା କେରଳ ପଳାଇଯାଇଛନ୍ତି । ସେଠାରେ ତିରୁଅନନ୍ତପୁରମର ଅରୁମାନୁର ନୈନାର ମନ୍ଦିରରେ ହିନ୍ଦୁ ରୀତିନୀତି ଅନୁସାରେ ବିବାହ କରିଛନ୍ତି । ତାଙ୍କ ସ୍ୱାମୀ ଫରମାନ ମୋନାଲିସାଙ୍କ ବେକରେ ମଙ୍ଗଳସୁତ୍ର ପିନ୍ଧାଉଥିବାର ଦେଖିବାକୁ ମିଳିଛି । ପରେ ଦୁହେଁ କୋର୍ଟ ମ୍ୟାରେଜ୍ କରିଥିବା ଜଣାପଡିଛି ।

ମୋନାଲିସା ଏବଂ ଫରମାନ ଖାନ ପ୍ରାୟ ଦେଢ଼ ବର୍ଷ ଧରି ସମ୍ପର୍କରେ ଥିଲେ । କିନ୍ତୁ ମୋନାଲିସାଙ୍କ ପରିବାର, ବିଶେଷକରି ତାଙ୍କ ବାପା, ଏହି ସମ୍ପର୍କ ବିରୁଦ୍ଧରେ ଥିଲେ । ଯେଉଁଥିପାଇଁ ଦୁହେଁ ପୋଲିସର ଦ୍ୱାରସ୍ଥ ହୋଇ ସୁରକ୍ଷା ମାଗିଥିଲେ । ବିବାହ ପୂର୍ବରୁ, ବୁଧବାର ମାର୍ଚ୍ଚ ୧୧ ତାରିଖରେ ମୋନାଲିସା ଏବଂ ଫରମାନ ତିରୁଅନନ୍ତପୁରମର ଥାମ୍ପାନୁର ପୋଲିସ ଷ୍ଟେସନରେ ପହଞ୍ଚିଥିଲେ । ସେଠାରେ ମୋନାଲିସା ପୋଲିସକୁ ସୁରକ୍ଷା ମାଗିଥିଲେ । ଏବଂ କହିଥିଲେ ଯେ ତାଙ୍କ ବାପା ତାଙ୍କୁ ଜୋରଜବରଦସ୍ତି ଘରକୁ ନେଇଯିବାକୁ ଚେଷ୍ଟା କରୁଛନ୍ତି । ପୋଲିସର କହିବା କଥା ଯେହେତୁ ମୋନାଲିସା ଓ ଫରମାନ୍ ଦୁହେଁ ପ୍ରାପ୍ତ ବୟସ୍କ । ତାଙ୍କ ଇଚ୍ଛା ଅନୁସାରେ ସେମାନେ ବିବାହ କରିପାରିବେ ।

"ମଣିପୁର ଡାଏରୀ" ସହିତ ମୋନାଲିସାଙ୍କୁ ଚଳଚ୍ଚିତ୍ରରେ ଲଞ୍ଚ କରିଥିବା ନିର୍ଦ୍ଦେଶକ ସନୋଜ ମିଶ୍ର ମୋନାଲିସାଙ୍କ ବିରୋଧରେ ସାଙ୍ଘାତିକ ଅଭିଯୋଗ ଆଣିଛନ୍ତି । ତାଙ୍କ କହିବା କଥା ମୋନାଲିସାଙ୍କ ହଠାତ୍ ବିବାହ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ସେ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ଲମ୍ବା ଚଉଡା ପୋଷ୍ଟ ଲେଖି ଦାବି କରିଛନ୍ତି ଯେ ମୋନାଲିସା ଲଭ୍ ଜିହାଦର ଶିକାର ହୋଇଛନ୍ତି । ପ୍ରେମ ପାଇଂ ନୁହେଁ ବରଂ ପ୍ରଲୋଭନ ଯୋଗୁଁ ବିବାହର ପଦକ୍ଷେପ ନେଇଛନ୍ତି । ଏହା ମୋ ପାଇଁ ସବୁଠୁ ଖରାପ ଦିନ ବୋଲି କହିଛନ୍ତି ସନୋଜ ମିଶ୍ର ।

ପଢନ୍ତୁ ଏହି ଖବର:  ରାତି ୩ଟାରେ ଅନଲାଇନ ଅର୍ଡର ସାଜିଲା ଆଲାର୍ମ; ଏମିତି ଫ୍ଲାଇଟ୍ ଧରିଲେ ଯୁବତୀ