ଅର୍ଗସ ବ୍ୟୁରୋ: ଅଭିନେତା ସଲମାନ ଖାନଙ୍କ ବାସଭବନ ସାମ୍ନାରେ ଗୁଳିମାଡ ଘଟଣାରେ ମୁମ୍ବାଇ ପୋଲିସ ଦୁଇଜଣଙ୍କୁ ଗିରଫ କରିଛି । ସେମାନଙ୍କୁ ମୁମ୍ବାଇ ଆଣି ଜେରା କରାଯିବ । ଗୁଳିମାଡର କାରଣ ସମ୍ପର୍କରେ ଜଣାପଡିନାହିଁ । ମୁମ୍ବାଇ କ୍ରାଇମ ବ୍ରାଞ୍ଚ ଟିମ୍ ଗୁଜରାଟର ଭୁଜରୁ ଦୁଇ ଅଭିଯୁକ୍ତ ବିକି ଗୁପ୍ତା ଓ ସାଗର ପାଲକୁ ଗତକାଲି ବିଳମ୍ବିତ ରାତିରେ ଗିରଫ କରିଛି । ରବିବାର ସକାଳେ ଦୁଇ ଜଣ ଅଜଣା ବ୍ୟକ୍ତି ସଲମନ ଖାନଙ୍କ ବାନ୍ଦ୍ରା ବାସଭବନ ସମ୍ମୁଖରେ ଗୁଳିମାଡ କରି ଫେରାର ହୋଇଯାଇଥିଲା । 

ଦୁଇ ଅଭିଯୁକ୍ତ ମୁହଁରେ କପଡା ଗୁଡାଇ ହେଲମେଟ ପିନ୍ଧି ବାଇକରେ ଆସି ଅତର୍କିତ ଚାରି ରାଉଣ୍ଡ ଗୁଳିମାଡ କରିଥିଲା । ଏହା ଏକ ଯୋଜନାବଦ୍ଧ ଗୁଳିମାଡ ହୋଇଥିବାରୁ ତଦନ୍ତ ଦାୟିତ୍ବ ମୁମ୍ବାଇ କ୍ରାଇମବ୍ରାଞ୍ଚ ଟିମକୁ ଦିଆଯାଇଛି । ସଲମାନଙ୍କ ବାସଭବନ ସାମ୍ନାରେ ଏବେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ୨୦୨୨ରେ ଗ୍ୟାଙ୍ଗଷ୍ଟାର ଲରେନ୍ସ ବିଷ୍ଣୋଇ ଓ ଗୋଲ୍ଡି ବ୍ରାରର ଧମକ ପରେ ସଲମାନଙ୍କୁ Y PLUS ସୁରକ୍ଷା ଦିଆଯାଉଛି । 

ବଲିଉଡ ସୁପରଷ୍ଟାର ସଲମାନ ଖାନଙ୍କ ଘରେ ଗୁଳିବିନିମୟ