କାଳିଆ ପ୍ରେମରେ ସବୁ ଅନ୍ଧ... କାହିଁ କେତେ ଦୂରରୁ କାଳିଆର ଦର୍ଶନ ପାଇଁ ଭକ୍ତ ସୁଅ ଛୁଟୁଛି । ଆଉ ବର୍ତ୍ତମାନ ପୁରୀରେ ପହଞ୍ଚିଛନ୍ତି ନାଗା ଚୈତନ୍ୟ ଓ ତାଙ୍କ ପତ୍ନୀ । ବିବାହକୁ ଦୁଇ ବର୍ଷ ପୁରିବା ପରେ ମହାପ୍ରଭୁଙ୍କ ଆଶୀର୍ବାଦ ନେଲେ ତେଲୁଗୁ ସୁପରଷ୍ଟାର ଓ ପତ୍ନୀ ଶୋଭିତା ଧୁଲିପାଲା । ଉଭୟ ପାରମ୍ପରିକ ପୋଷାକରେ ସକାଳୁ ପୁରୀରେ ପହଞ୍ଚିଥିଲେ । ନାଗା ଚୈତନ୍ୟ ଧଳା ଧୋତି ପିନ୍ଧିଥିବାବେଳେ ଶୋଭିତା ଏକ ଗାଢା ଲାଲ ରଙ୍ଗର ଶାଢୀରେ ଖୁବ ସୁନ୍ଦର ଦିଶୁଥିଲେ ।

କଡା ସିକ୍ୟୁରିଟି ମଧ୍ୟରେ ଦୁହେଁ ସିଂହଦ୍ୱାରରେ ପହଞ୍ଚିଥିଲେ । ଯେଉଁଠାରେ ତାଙ୍କର କୌଳିକ ପଣ୍ଡା ଏବଂ ମନ୍ଦିର ପ୍ରଶାସନ ତାଙ୍କୁ ସ୍ୱାଗତ କରିଥିଲେ । ଜଗା ଦର୍ଶନ ପରେ ଦୁହେଁ ବେଶ ଖୁସି ଜଣାପଡୁଥିଲେ । ସାଙ୍ଗରେ ବାନା ନେଇ ଫେରିଥିଲେ । ଆଉ ତୁଣ୍ଡରେ ଥିଲା ଜୟ ଜଗନ୍ନାଥ ଧ୍ୱନି । ବଡ ଦାଣ୍ଡରେ ହଠାତ୍ ତାଙ୍କୁ ଦେଖି ଫ୍ୟାନ୍ସ ମାନେ ଆଶ୍ଚର୍ଯ୍ୟ ହୋଇଯାଇଥିଲେ । କିଛି ସମୟ ପାଇଁ ତାଙ୍କୁ ଦେଖିବାକୁ ଗହଳି ହୋଇଯାଇଥିଲା ।

ନିକଟରେ ଦୁହିଁଙ୍କର ବିବାହକୁ ଦୁଇ ବର୍ଷ ପୁରିଥିଲା । ୨୦୨୪ ଡିସେମ୍ବର ୪ରେ ଦୁହେଁ ବିବାହ ବନ୍ଧନରେ ବାନ୍ଧି ହୋଇଥିଲେ । ଆଗକୁ ନାଗା ଚୈତନ୍ୟଙ୍କର ନୂଆ ଫିଲ୍ମ ଆସୁଛି । ଭ୍ରୁଷକର୍ମା । ନିକଟରେ ଫିଲ୍ନ ନିର୍ମାତା ଏହାର ପ୍ରଥମ ଝଲକ ଉନ୍ମୋଚନ କରିଥିଲେ । ଫିଲ୍ମଟି ପୌରାଣିକ କାହାଣୀ, ଆଡଭେନ୍ ଚର ଓ ଆକ୍ସନ୍ ରେ ଭରପୂର ।

ସେହପରି ନିକଟରେ ବଲିଉଡ ଅଭିନେତ୍ରୀ ଶିଳ୍ପା ସେଠୀ ମଧ୍ୟ ପୁରୀ ଆସିଥିଲେ । ପୁରା ପରିବାର ସହ ଜଗା ଦର୍ଶନ କରି ମହାପ୍ରଭୁଙ୍କର ଆଶୀର୍ବାଦ ନେଇଥିଲେ ।