ବଲିଉଡର ସୁପର ହିଟ୍‌ ଯୋଡି ଅକ୍ଷୟ କୁମାର ଏବଂ ପରେଶ ରାଓ୍ୱଲ। ହେରାଫେରି ଫିଲ୍ମରେ ଏମାନଙ୍କ ଯୋଡିକୁ ଲୋକେ ଖୁବ ଭଲ ପାଇବା ଦେଇଥିଲେ। କିନ୍ତୁ ଆପଣ ଜାଣନ୍ତି କି ବର୍ତ୍ତମାନ ପରେଶ ରାଓ୍ୱଲଙ୍କ ଏକ କଥା ଭାଇରାଲ ହେଉଛି । କହୁ କହୁ ସବୁ ସତ କହିଦେଇଛନ୍ତି ପରେଶ। ପରେଶ ରାଓ୍ୱଲ ଅକ୍ଷୟ କୁମାରଙ୍କ ବିଷୟରେ ସବୁ କଥା ଖୋଲାଖୋଲି ଭାବରେ କହିଛନ୍ତି। ଯାହା ଭାଇରାଲ ହେଉଛି।

ବଲିଉଡର ଭେଟେରାନ ଅଭିନେତା ପରେଶ ରାୱଲ ଅକ୍ଷୟ କୁମାର ଦୀର୍ଘ ଦିନ ଧରି ସେମାନଙ୍କର ଦୃଢ଼ ବନ୍ଧୁତା ରହିଆସିଛି। ଦୁହେଁ ପରସ୍ପର ସହ ‘ହେରା ଫେରି’, ‘ଭାଗମ ଭାଗ’, ‘ଗରମ ମସାଲା’, ‘ଭୁଲ ଭୁଲେୟା’ ଭଳି ଚଳଚ୍ଚିତ୍ରରେ କାମ କରିଛନ୍ତି। ତେବେ ପରେଶ ରାୱଲ ଅକ୍ଷୟ କୁମାରଙ୍କୁ ଖୁବ୍ ପ୍ରଶଂସା କରିଛନ୍ତି। ବର୍ଷକୁ ଚାରି-ପାଞ୍ଚଟି ଚଳଚ୍ଚିତ୍ର କରିବା ପାଇଁ ଅକ୍ଷୟଙ୍କ ନିଷ୍ପତ୍ତିକୁ ନେଇ ସେ ସମାଲୋଚନାର ଖୋଲାଖୋଲି ଉତ୍ତର ଦେଇଛନ୍ତି।

ଅକ୍ଷୟ କୁମାରଙ୍କ ବିଷୟରେ ପରେଶ କହିଛନ୍ତି, “ସେ ବହୁତ ପରିଶ୍ରମୀ ଏବଂ ଅତ୍ୟନ୍ତ ସଚ୍ଚୋଟ। ତାଙ୍କର କୌଣସି ଅସୁରକ୍ଷିତତା ନାହିଁ। ମୁଁ ଜାଣେ ଯେ, ସେ ଯାହା କରନ୍ତି, ତାହା ତାହା ତାଙ୍କର ମହାନତା । ପରେଶ ଏହା ମଧ୍ୟ କହିଛନ୍ତି ଯେ, ଅକ୍ଷୟ କୁମାରଙ୍କର କୌଣସି ଲୁକ୍କାୟିତ ଏଜେଣ୍ଡା ନାହିଁ ଏବଂ ସେ ଜଣେ ଫ୍ୟାମିଲିଆର ବା ପାରିବାରିକ ଲୋକ।

ବର୍ଷକୁ ଚାରି-ପାଞ୍ଚଟି ଚଳଚ୍ଚିତ୍ର କରିବାର ନିଷ୍ପତ୍ତି ପାଇଁ ଅକ୍ଷୟଙ୍କ ସମାଲୋଚନା ବିଷୟରେ ପଚରାଯିବାରୁ ପରେଶ କହିଛନ୍ତି, “ସତ କହିବାକୁ ଗଲେ ଯଦି ସେ ଏତେଗୁଡ଼ିଏ ପ୍ରୋଜେକ୍ଟ କରନ୍ତି, ତା’ହେଲେ ଏଥିରେ କାହାରି କିଛି ଅସୁବିଧା ହେବ ନାହିଁ? ଲୋକମାନେ ତାଙ୍କୁ ଚଳଚ୍ଚିତ୍ର ନିର୍ମାଣ କରିବାକୁ ଡାକନ୍ତି। ନିର୍ମାତା ଭାବରେ ମୁଁ ସେତେବେଳେ କୌଣସି ଅଭିନେତାଙ୍କୁ ପସନ୍ଦ କରେ ନାହିଁ। ଯେତିକି ଅକ୍ଷୟଙ୍କୁ ପସନ୍ଦ କରେ ।

ପରେଶଙ୍କ ଏଭଳି ମନ୍ତବ୍ୟ ପରେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଦୁହେଁ ଭଲ ବନ୍ଧୁ ହୋଇଥିବାବେଳେ ଏବେବି ସେମାନଙ୍କର ବନ୍ଧୁତା ବଜାୟ ରହିଛି।

ଅଧିକ ପଢ଼ନ୍ତୁ ମନୋରଞ୍ଜନ ଖବର:

Argus News | argus news | Odisha Latest News, Breaking News, Trending News, Live TV