Argus News - ବିବାହ କରିବାର ମାତ୍ର ଦେଢ଼ ମାସ ପରେ, ରଶ୍ମିକା କହିଲେ"ଆମେ ଏବେ ତିନି ଜଣ"

ସାଉଥ୍‌ର ହ୍ୟାଣ୍ଡସମ୍ ହଙ୍କ୍ ଅଭିନେତା ବିଜୟ ଦେବରକୋଣ୍ଡା ଓ ନ୍ୟାସନାଲ କ୍ରସ୍ ରଶ୍ମିକା ମନ୍ଦାନା ବିବାହ ବନ୍ଧନରେ ଆବଦ୍ଧ ହୋଇଛନ୍ତି । ଏହି କପଲ ଉଦୟପୁରରେ ଦକ୍ଷିଣ ଭାରତୀୟ ରୀତିନୀତି ଅନୁସାରେ ସାତ ଜନ୍ମର ସାଥୀ ହୋଇଛନ୍ତି । ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି । ଯେଉଁଥିରେ ରଶ୍ମିକା କ୍ୟାପସନ ଦେଇଛନ୍ତି now it's us three । ସେମାନଙ୍କ ବିବାହକୁ ମାତ୍ର ଦେଢ ମାସ ହୋଇଥିବା ବେଳେ ବର୍ତ୍ତମାନ ଏଭଳି ପୋଷ୍ଟକୁ ନେଇ ଫ୍ୟାନ୍ସଙ୍କ ମନରେ ଦ୍ୱନ୍ଦ୍ୱ ସୃଷ୍ଟି ହୋଇଛି ।
ବିବାହ ପରେ ବିରୋଶଙ୍କ ହନିମୁନ ସମୟର ବିଭିନ୍ନ ଫଟୋ ଭାଇରାଲ ହୋଇଥିଲା । ଯାହାକୁ ନେଇ ଉଭୟଙ୍କ ଫ୍ୟାନ୍ସମାନେ ଖୁସି ହୋଇଯାଇଥିଲେ । ବର୍ତ୍ତମାନ ଏହି ପୋଷ୍ଟକୁ ନେଇ ଅନେକ କଳ୍ପନାଜଳ୍ପନା ଆରମ୍ଭ ହୋଇଯାଇଛି ।

ରଶ୍ମିକା ନିଜ ଇନଷ୍ଟାଗ୍ରାମରେ ସେୟାର କରିଥିବା ପୋଷ୍ଟରେ ବିଜୟ ଓ ତାଙ୍କ ସହିତ ସୁନ୍ଦର ହଳଦିଆ ଫୁଲର ମୁଭେବଲ୍ ଗ୍ରାଫିକ୍ ଦେଖାଯାଉଛି । କିଛି ଲାଲ ହୃଦୟ ଇମୋଜି ମଧ୍ୟ ନଜର ଆସୁଛି । ଏହା ସହିତ, ରଶ୍ମିକା କ୍ୟାପସନରେ ସ୍ମାଇଲ ସହ ଧଳା ହାର୍ଟ ଇମୋଜି ମଧ୍ୟ ଯୋଡ଼ିଛନ୍ତି ଓ ଲେଖିଛନ୍ତି, "ଏବେ ଆମେ ତିନି ଜଣ ।" ରଶ୍ମିକା କଣ ମାଆ ହେବାକୁ ଯାଉଛନ୍ତି ? ରଶ୍ମିକା କ'ଣ ଗର୍ଭବତୀ ? ତିନିର ଅର୍ଥ ଜୁନିଅର ବିରୋଶ କି ? ଏକଥା ଆମେ କହୁ ନାହିଁ । ୟୁଜର୍ସମାନେ କମେଣ୍ଟ ଦେଉଛନ୍ତି । କେହିକେହି ମନ୍ତବ୍ୟ ଦେଉଛନ୍ତି, ପାରିବାରିକ ଜୀବନକୁ ଆପଣଙ୍କୁ ସ୍ୱାଗତ ।

ରଶ୍ମିକାଙ୍କର ଆଉ ଗୋଟିଏ ଆକାଉଣ୍ଟ 'ରଶ୍ମିକା ଏଣ୍ଡ ରୁ' ନାମକ ଏକ ଆକାଉଣ୍ଟ ପୂର୍ବରୁ ଅଛି ଓ ସେ ଏହାକୁ ଏକ ଡାଏରୀ ପରି ରଖନ୍ତି। ସେ କେବଳ ଛୋଟ ଛୋଟ ଜିନିଷ ଲେଖନ୍ତି, କିନ୍ତୁ ଫ୍ଯାନ୍ସଙ୍କୁ ଏହା ପ୍ରଭାବଶାଳୀ ପରି ମନେହୁଏ ।  ବର୍ତ୍ତମାନ ଅଭିନେତ୍ରୀଙ୍କ ଏହି ପୋଷ୍ଟକୁ ଏକ ସାଧାରଣ ଇନଷ୍ଟାଗ୍ରାମ ପୋଷ୍ଟ ବୋଲି କୁହାଯାଉଛି, ଗର୍ଭାବସ୍ଥା ବିଷୟରେ ନୁହେଁ । ବିବାହ ଓ ହନିମୁନ ପରେ ଏହି କପଲ ପୁଣି ଥରେ ଫିଲ୍ମ ଇଣ୍ଡଷ୍ଟ୍ରିକୁ ଫେରିଛନ୍ତି । ରଶ୍ମିକା ବର୍ତ୍ତମାନ ବିଜୟ ଦେବରକୋଣ୍ଡାଙ୍କ ସହ Ranabaaliର ସୁଟିଂ କରୁଛନ୍ତି ।