ନା ହୀରା ନୀଳା ନା କୌଣସି ମର୍ଡନ ଷ୍ଟାଇଲିଂ...ବାହାଘର ଥିଲା ସମ୍ପୂର୍ଣ୍ଣ ପାରମ୍ପରିକ । ଟ୍ରେଣ୍ଡ୍ ନୁହେଁ ଟ୍ରାଡିସନକୁ ଦେଇଥିଲେ ଅଧିକ ପ୍ରାଧାନ୍ୟ । ବିରୋଶଙ୍କ ବିବାହ ଫଟୋ ସାମନାକୁ ଆସିଲା ପରେ ତାଙ୍କ ବିବାହ ରୀତିନୀତିକୁ ନେଇ ସବୁଠି ଚର୍ଚ୍ଚା । ବିଶେଷ କରି ତାଙ୍କ ଗହଣା ବିଷୟରେ ଅଧିକ ଜାଣିବା ପାଇଁ ଫ୍ୟାନ୍ସ ମାନେ ଅଧିକ ଉତ୍ସାହିତ । କେଉଁ ରୀତିନୀତିରେ ବାହାଘର ହେଲା, ଏ ଗହଣାକୁ କଣ କୁହାଯାଏ ଏନେଇ ଇଣ୍ଟରନେଟ୍ ରେ ସର୍ଚ୍ଚ କରୁଛନ୍ତି ଲୋକେ ।ବିଜୟ ଦେବରକୋଣ୍ଡା ତାଙ୍କ ବିଶେଷ ଦିନରେ ହାତୀଦାନ୍ତ ଧୋତି ପିନ୍ଧିଥିଲେ।

ଏହାକୁ ଏକ ଲାଲ ଅଙ୍ଗବସ୍ତ୍ରମ୍ ସହିତ ଯୋଡିଥିଲେ। ଲାଲ ରଙ୍ଗ, ମନ୍ଦିର ଏବଂ ଜଙ୍ଗଲ-ପ୍ରେରିତ କାରୁକାର୍ଯ୍ୟରେ ଏକ ସମୃଦ୍ଧ ଲୁକ୍ ଦେଇଥିଲେ । ଫୁଲ, ହାତୀ ଏବଂ ସିଂହ ଭଳି ସୁନ୍ଦର ମୋଟିଫ୍ ସହିତ ଧୋତିକୁ ସଜାଇଥିଲେ । ପାରମ୍ପରିକ ସୁନା ଅଳଙ୍କାରର ମିଶ୍ରଣ ତାଙ୍କ ଲୁକ୍ ମହାରାଜା ଭଳି ଅନୁଭବ ଦେଉଥିଲା । ବିଜୟ ନିଜ ବାହୁରେ ପିନ୍ଧିଥିବା ଭାଙ୍କିଠୁ ଅଣ୍ଟାରେ ପିନ୍ଧିଥିବା ଓଡିୟାନମ୍...ବେକରେ ପିନ୍ଧିଥିବା କାଶୁ ମାଳାଠୁ ଆରମ୍ଭ କରି ହରମ ସବୁ କିଛି ନିଜ ପରମ୍ପରା, ସଂସ୍କୃତିର କଥା କହୁଛି । ସେହିପରି ରଶ୍ମିକା ପିନ୍ଧିଥିବା ଗହଣାକୁ ନେଇ ମଧ୍ୟ ଭାରି ଚର୍ଚ୍ଚା । ହୀରା ନୁହେଁ ବରଂ ପରମ୍ପରାକୁ ଦୃଷ୍ଟିରେ ରଖି ତାଙ୍କର ହାର,ମନ୍ଦିର-ଶୈଳୀର ପେଣ୍ଡେଣ୍ଟ, ଝୁମକା, ହେୟାର ବ୍ୟାଣ୍ଡ୍ , ସୋଲଡର୍ ଚେନ୍ ପ୍ରତିଟି ଜିନିଷ ଥିଲା ସୁନାର । ଏହି ଟେମ୍ପୁଲ୍ ଜୁଏଲାରୀ ହାଇଦ୍ରାବାଦର ଶ୍ରୀ ଜୁଏଲାରୀ ଯାହା ଖାଣ୍ଟି ଦକ୍ଷିଣ ଭାରତୀୟ ରାଜକୀୟ ବିବାହର ଆଭାସ ଦେଉଥିଲା । ରଶ୍ମିକାଙ୍କ ଶାଢୀ ସହ ତାଙ୍କୁ ବ୍ଲାଉଜ୍ ଡିଜାଇନ୍ ମଧ୍ୟ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା ।

କୌଣସି ହୀରା ନାହିଁ। କୌଣସି ଆଧୁନିକ ଷ୍ଟାଇଲିଂ ନଥିଲା । କେବଳ ସୁନା, ରୀତିନୀତି ଏବଂ ଐତିହ୍ୟ ଯାହା ପିଢ଼ି ପରେ ପିଢ଼ି ଚାଲିଆସିଛି । ଆଉ ଏ ସବୁ ଚମକ ମଧ୍ୟରେ ଭାବପ୍ରବଣ ହୋଇପଡିଥିଲେ ରଶ୍ମିକା । ବିବାହ ରୀତିନୀତି ସମୟରେ ଆଖି ଛଳ ଛଳ ହୋଇପଡିଥିଲା । ବିବାହ ଫଟୋକୁ ଦେଖି କିଏ କହୁଛି ଶିବ ପାର୍ବତୀଙ୍କ ଯୋଡି ତ କିଏ କହୁଛି ରାମ ସୀତା ଯୋଡି । ଉଭୟ କର୍ଣ୍ଣାଟକ ଓ ତେଲୁଗୁ ପରମ୍ପରାରେ ବିବାହ ସମ୍ପନ ହୋଇଛି । ଟ୍ରାଡିସନାଲ ଆଉଟ ଫିଟ୍ ରେ ଦୁହେଁ ଦେବା ଦେବୀ ପରି ଦିଶୁଛନ୍ତି । ରଶ୍ମିକା ଅନାମିକା ଖାନ୍ନାଙ୍କ ଦ୍ୱାରା ନିର୍ମିତ ଏକ ଲାଲ ରଙ୍ଗର ଶାଢ଼ୀ ପିନ୍ଧିଥିଲେ । ଯେଉଁଥିରେ ଦକ୍ଷିଣ ଭାରତୀୟ ମନ୍ଦିରରୁ ନିଆଯାଇଥିବା ସୀମାନ୍ତରେ ମନ୍ଦିର-ପ୍ରେରିତ ମୋଟିଫ୍ ଥିଲା । ଏଥିରେ ଦକ୍ଷିଣ ଭାରତୀୟ ଐତିହ୍ୟରେ ଏକ ରାଜକୀୟ ଲୁକ୍ ଥିଲା ।

ଏଥିସହ ପଢ଼ନ୍ତୁ: ଏହି ଦେଶରେ ଖେଳିପାରିବେନି ହୋଲି ! ରଙ୍ଗ ଲଗେଇଲେ ମିଳିବ ଭୟଙ୍କର ଦଣ୍ଡ...

ବିଜୟ ପାରମ୍ପରିକ ଶକ୍ତି ସହିତ ମେଳ ଖାଇଥିଲେ, ଅନାମିକା ଖାନ୍ନାଙ୍କ ଦ୍ୱାରା ନିର୍ମିତ ଏକ ଲାଲ ଅଙ୍ଗରେଖା ସହିତ ଏକ ହାତୀଦାନ୍ତ ଧୋତି ପିନ୍ଧିଥିଲେ । ଏହା ମନ୍ଦିର ଏବଂ ଜଙ୍ଗଲ ମୋଟିଫ୍ ବିଶିଷ୍ଟ କାରୁକାର୍ଯ୍ୟ ସହିତ ସଜାଯାଇଥିଲା । ବିବାହ ପୂର୍ବରୁ ରଶ୍ମିକାଙ୍କ ବାପା - ମା ବର ପରିବାରକୁ ନଡିଆ, ପାନ ପତ୍ର, ଫଳ, ମିଠା, ଓ ହଳଦୀ -କୁଙ୍କୁମ ଭେଟି ଦେଇଥିଲେ । ତା ପରେ ବିଜୟଙ୍କ ମା ରଶ୍ମିକାଙ୍କୁ ନିଜ ପରିବାରର ଚୁଡି ଭେଟି ଦେଇଥିଲେ । ତା ପରେ ସକାଳୁ 8ଟାରୁ ବିବାହ ବିଧି ଆରମ୍ଭ ହୋଇଥିଲା । ତା ପରେ ଦୁହେଁ ଇନ୍ ଷ୍ଟାଗ୍ରାମ୍ ରେ ଫଟୋ ସେୟାର କରିଥିଲେ । ଆଉ ପରସ୍ପର ପ୍ରତି ନିଜର ଭଲ ପାଇବା ସମ୍ମାନ ଜଣାଇଥିଲେ । ସାଥୀ ହୋଇ ସୁନ୍ଦର ବୈବାହିକ ଜୀବନ ଯାପନ କରିବା ନେଇ କଥା ଦେଇଥିଲେ । ମାର୍ଚ୍ଚ 4 ରେ ତାଜ୍ କ୍ରୀଷ୍ଣାରେ ଏକ ଭବ୍ୟ ପାର୍ଟି ଆୟୋଜନ ହେବ । ଯେଉଁଠି ଯୋଗ ଦେବେ ଉଭୟ ସାଉଥ୍ ଓ ବଲିଉଡର ବଡ ବଡ ସେଲିବ୍ରିଟି ।

ଅଧିକ ପଢ଼ନ୍ତୁ ମନୋରଞ୍ଜନ ଖବର: