୫୦ ଲକ୍ଷ ନେଇଗଲେ ବଲିଉଡ ଅଭିନେତ୍ରୀ। ଯାହାକୁ ନେଇ ସୋସିଆଲ ମିଡ଼ିଆରେ ହଇଚଇ। ମୌନିଙ୍କୁ ଆଗକୁ ଏକ ଦକ୍ଷିଣ ଭାରତୀୟ ଫିଲ୍ମରେ ଦେଖିବାକୁ ମିଳିବ। ସାଉଥ୍‌ ମେଗାଷ୍ଟାର ଚିରଞ୍ଜିବୀଙ୍କ ମୋଷ୍ଟ ୱାଣ୍ଟେଡ୍‌ ଫିଲ୍ମ ‘ବିଶ୍ୱମ୍ଭରା’ରେ ସେ ଆଇଟମ୍‌ ଗୀତରେ ନଜର ଆସିବେ । ଟିଭିରୁ କ୍ୟାରିୟର ଆରମ୍ଭ କରିଥିବା ଅଭିନେତ୍ରୀ ମୌନି ରୟ । ବର୍ତ୍ତମାନ ସମୟରେ ବଲିଉଡ୍‌ରେ ନିଜ ପାଇଁ ସ୍ୱତନ୍ତ୍ର ସ୍ଥାନ ସୃଷ୍ଟି କରିଛନ୍ତି । ମୌନିଙ୍କୁ ଏହି ଫିଲ୍ମ ବ୍ୟତୀତ ‘ହୈ ଜୱାନୀ ତୋ ଇସ୍କ ହୋ ନା ହୈ’ରେ ଦେଖିବାକୁ ମିଳିବ । ନିକଟରେ ଫିଲ୍ମ ‘ବିଶ୍ୱମ୍ଭରା’ରେ ମୌନି ଗୀତର ସୁଟିଂ ଶେଷ ବି କରିଛନ୍ତି ।

ତେବେ ସେହି ଗୋଟିଏ ଗୀତ ଲାଗି ମୌନି ପ୍ରାୟ ୫୦ ଲକ୍ଷ ଟଙ୍କା ପାରିଶ୍ରମିକ ନେଇଥିବା ନେଇ କୁହାଯାଉଛି । ଗୀତର ଡ୍ୟୁରେସନ ହେଉଛି ୪ ମିନିଟ୍‌ । ପୂର୍ବରୁ ସେହି ଗୀତ ଦୃଶ୍ୟରେ ନିର୍ମାତାମାନେ ଅଭିନେତ୍ରୀ କରୀନା କପୁରଙ୍କୁ ନେବାକୁ ଚାହୁଁଥିଲେ । କରୀନାଙ୍କ ସହିତ ସେମାନେ ଯୋଗାଯୋଗ ମଧ୍ୟ କରିଥିଲେ । କିନ୍ତୁ କରୀନା ଏଥିପାଇଁ ଯେଉଁ ମୋଟା ଅଙ୍କର ପାରିଶ୍ରମିକ ଡିମାଣ୍ଡ କରିଥିଲେ। ହେଲେ ତାହା ନିର୍ମାତାମାନଙ୍କୁ ସୁହାଇନଥିଲା । ଏହାପରେ ସେମାନେ ମୌନିଙ୍କୁ ନେବାକୁ ଚିନ୍ତା କରିଥିଲେ ।

ଅଧିକ ପଢ଼ନ୍ତୁ ମନୋରଞ୍ଜନ ଖବର: