ମଙ୍ଗଳବାର ସକାଳେ ସଲମାନ ଖାନଙ୍କ ପିତା ସଲିମ ଖାନଙ୍କୁ ମୁମ୍ବାଇର ଲୀଳାବତୀ ହସ୍ପିଟାଲରେ ଭର୍ତ୍ତି କରାଯାଇଥିଲା। ଗତକାଲି ସଲମାନ ଏବଂ ତାଙ୍କ ପରିବାରର ଅନ୍ୟ ସଦସ୍ୟମାନେ ତାଙ୍କୁ ଦେଖିବା ପାଇଁ ହସ୍ପିଟାଲରେ ପହଞ୍ଚିଥିଲେ। ପ୍ରଶଂସକ ଏବଂ ଚଳଚ୍ଚିତ୍ର ଜଗତ ତାଙ୍କର ଶୀଘ୍ର ଆରୋଗ୍ୟ ପାଇଁ ପ୍ରାର୍ଥନା କରୁଥିବା ବେଳେ, ସଲମାନ ଖାନ ଏବଂ ତାଙ୍କ ପିତାଙ୍କ ଅତୁଟ ବନ୍ଧନର କାହାଣୀ ପୁଣି ଥରେ ସାମ୍ନାକୁ ଆସିଛି।

ତାଙ୍କ ପ୍ରଥମ ସନ୍ତାନ କାହିଁକି ବିବାହ ପାଇଁ ମହିଳାଙ୍କୁ ପାଇଲେ ନାହିଁ ଠାରୁ ଆରମ୍ଭ କରି ପିତା ଏବଂ ପୁଅ ଛଅ ମାସ ପର୍ଯ୍ୟନ୍ତ କଥା ନହେବା ପର୍ଯ୍ୟନ୍ତ - ସଲିମ ଖାନ ଥରେ ତାଙ୍କ ଜୀବନର ଏହି ଅଜଣା ଅଧ୍ୟାୟଗୁଡ଼ିକ ବିଷୟରେ ଖୋଲାଖୋଲି ଭାବରେ କହିଥିଲେ। "ମୁଁ ହେଲେନଙ୍କୁ ବିବାହ କରିବାପରେ ସଲମାନ ମୋ ସହ କଥା ହେବା ବନ୍ଦ କରିଦେଇଥିଲେ।" 

କୋମଲ ନାହତାଙ୍କ ସହ ଏକ ପୁରୁଣା ଆଲୋଚନାରେ, ସଲିମ ଖାନ ବ୍ୟାଖ୍ୟା କରିଥିଲେ ଯେ ସଲମାନ କାହିଁକି ମହତ୍ୱାକାଂକ୍ଷୀ ନାୟିକାମାନଙ୍କ ପ୍ରତି ଆକର୍ଷିତ ହେଲେ, ଯଦିଓ ସେ ଚାହୁଁଥିଲେ ଯେ ସଲମାନ ବିବାହ ପରେ ଘରେ ରହି ଘରର ଯତ୍ନ ନିଅନ୍ତୁ। କିନ୍ତୁ ସେହିଭଳି ଝିଅ ତାଙ୍କୁ ଏଯାଏ ମିଳିନି।
ସଲିମ କହିଛନ୍ତି ଯେ ସଲମାନ ତାଙ୍କ ପ୍ରତ୍ୟେକ ପ୍ରେମିକାଙ୍କ ମଧ୍ୟରେ ତାଙ୍କ ମାଆଙ୍କ ପ୍ରତିଛବି ଦେଖନ୍ତି। ସଲମାନଙ୍କ ବୟସ ୬୦ ବର୍ଷ ହୋଇପାରେ, କିନ୍ତୁ ତାଙ୍କୁ ଏବେ ବି ତାଙ୍କୁ ଏଲିଜିବେଲ ବ୍ୟାଚଲର ବୋଲି ବିବେଚନା କରାଯାଏ। ଏକ ପୁରୁଣା ସାକ୍ଷାତକାରରେ, ସଲିମ ସଲମାନଙ୍କ ବିବାହ ନକରିବା ପ୍ଲାନିଂ ବିଷୟରେ କହିଥିଲେ। ସେ କହିଥିଲେ ଯେ ସଲମାନ ଚାହାଁନ୍ତି ଯେ ତାଙ୍କ ସ୍ତ୍ରୀ ଘର ଏବଂ ପିଲାମାନଙ୍କର ଯତ୍ନ ନିଅନ୍ତୁ। ସେ କହିଥିଲେ ଯେ ସଲମାନଙ୍କ ଚିନ୍ତାଧାରାରେ ବହୁତ କମ୍ପଲିକେଟେଡ୍, ଯାହା ବିବାହ ନ କରିବାର ପ୍ରମୁଖ କାରଣ ।

ସଲମାନ ମୁଖ୍ୟତଃ ତାଙ୍କ ସହିତ କାମ କରୁଥିବା ଲୋକଙ୍କ ପ୍ରତି ଆକର୍ଷିତ ହୁଅନ୍ତି। ସେମାନେ ରୋମାଞ୍ଚକର ଏବଂ ସୁନ୍ଦର ଦେଖାଯାଆନ୍ତି, ଏବଂ ଏକାଠି କାମ କରିବା ସମୟରେ ଏହି ଆକର୍ଷଣ ବିକଶିତ ହୁଏ। ୯୦% କ୍ଷେତ୍ରରେ, ଏହା ତାଙ୍କ ଫିଲ୍ମର ନାୟିକା। ସେ ଆହୁରି କହିଛନ୍ତି, " ଫିଲ୍ମ ଇଣ୍ଡଷ୍ଟ୍ରିରେ ପ୍ରବେଶ କରୁଥିବା ଝିଅମାନେ କ୍ୟାରିଅର ଗଢ଼ିବା ଏବଂ ଉଚ୍ଚ ପଦବୀ ହାସଲ କରିବା ଲକ୍ଷ୍ୟ ରଖନ୍ତି। ଆଉ ମୋ ପୁଅ ବହୁତ ସରଳ ସମସ୍ତଙ୍କୁ ସାହାଯ୍ୟ କରେ। ଏଥିରେ କିଛି ଭୁଲ ନାହିଁ, କିନ୍ତୁ ସଲମାନ ଚାହାଁନ୍ତି ଯେ ସେ ବିବାହ ପରେ ଘରେ ରୁହନ୍ତୁ।" କିନ୍ତୁ ଝିଅମାନେ ଉଚ୍ଚ ପଦବୀକୁ ଗଲା ପରେ ମୋ ପୁଅକୁ ଭୁଲିଯାଆନ୍ତି।

ଏଥିସହ ପଢ଼ନ୍ତୁ: ‘ଡନ୍ 3’ ଛାଡ଼ିବାରୁ ରଣବୀର ସିଂହଙ୍କୁ ୪୦ କୋଟି ଦେବାକୁ ପଡ଼ିବ