KBCରେ ଆଉ ଦିଶିବେନି ଅମିତାଭ, ସଲମାନ୍ କରିପାରନ୍ତି ହୋଷ୍ଟ

'କୌନ ବନେଗା କରୋଡ ପତି' ସୋ' ଛାଡି ପାରନ୍ତି ବିଗ୍ ବି ଅମିତାଭ ବଚ୍ଚନ । ଆଉ ଅମିତାଭଙ୍କ ଜାଗା ନେଇପାରନ୍ତି ସଲମନ ଖାନ । ଏପରି ଖବର ଏବେ ଚର୍ଚ୍ଚାର ବିଷୟ ପାଲଟିଛି । ଅମିତାଭ୍ ବଚ୍ଚନଙ୍କ ସବୁଠୁ ଲୋକପ୍ରିୟ ସୋ' କେବିସି (KBC) । ବିଗ୍ ବି କେବିସିର ପ୍ରଥମ ସିଜିନରୁ ହିଁ ଏହି ରିଆଲିଟି ସୋ'ର ହୋଷ୍ଟ ଭାବେ ଚର୍ଚ୍ଚାରେ ରହି ଆଶିଛନ୍ତି । ଏବଂ ତାଙ୍କର ଉପସ୍ଥାପନା ଶୈଳୀକୁ ଘରେ ଘରେ ଦର୍ଶକମାନେ ମଧ୍ୟ ବେଶ ପସନ୍ଦ କରୁଛନ୍ତି । କେବଳ ୩ୟ ସିଜିନ୍ ବ୍ୟତୀତ ଅମିତାଭ ଅନ୍ୟ ସବୁ ସିଜିନ ଗୁଡିକ ନିଜେ ଉପସ୍ଥାପନା କରିଛନ୍ତି । ବର୍ତ୍ତମାନ ଏହି ସୋ'୧୭ ସିଜିନ୍‌ରେ ପହଞ୍ଚିଥିବା ବେଳେ ଏହି ସିଜିନ୍‌ରୁ ଅମିତାଭ ସୋ'ରୁ ବିଦାୟ ନେବା କଥା ଚର୍ଚ୍ଚା ହେଉଛି ।

ଏକ ଗଣମାଧ୍ୟମ ରିପୋର୍ଟରେ କୁହାଯାଇଛି, ଅମିତାଭ ସିଜିନ ୧୭ କେବିସିରୁ ବିଦାୟ ନେଉଥିବା ବେଳେ ସଲମାନ ତାଙ୍କ ସ୍ଥାନରେ ହୋଷ୍ଟ କରିବେ। ସଲମନ ଛୋଟ ପରଦାରେ ହୋଷ୍ଟ କରିବାରେ ମଧ୍ୟ ଖୁବ ସଫଳତା ହାସଲ କରିଛନ୍ତି । ସଲମନଙ୍କର ଉପସ୍ଥାପନା ଶୈଳୀକୁ ଦର୍ଶକ ଖୁବ ପ୍ରଶଂସା କରନ୍ତି । ପୂର୍ବରୁ କେବିସିର ଏକ ସିଜିନରେ ସାହାରୁଖ ଖାନ ମଧ୍ୟ ହୋଷ୍ଟ କରିଥିଲେ । ତେବେ ଯଦି ସବୁ କିଛିଠିକ ହୁଏ , ତେବେ ସଲମନ ସିଜିନ ୧୭ରୁ କେବିସି ହୋଷ୍ଟ କରିବେ ବୋଲି କୁହାଯାଉଛି । ତେବେ କୌଣସି ବ୍ୟକ୍ତିଗତ ସମସ୍ୟା କାରଣରୁ ଅମିତାଭ ସୋ' ଛାଡିବା କଥା କୁହାଯାଉଛି ।