ବଲିଉଡ ଅଭିନେତା ସଞ୍ଜୟ ଦତ୍ତ। ବର୍ତ୍ତମାନ ତାଙ୍କୁ ନେଇ ଆସିଛି ଏମିତି ଏକ ଖବର ଯାହା ଶୁଣିବା ପରେ ଆପଣ ବି ଆଶ୍ଚର୍ଯ୍ୟ ନହୋଇ ରହିପାରିବେ ନାହିଁ। ୧୯୯୩ ମୁମ୍ବାଇ କ୍ରମାଗତ ବିସ୍ଫୋରଣ ମାମଲାରେ ସୁପରଷ୍ଟାର ସଞ୍ଜୟ ଦତ୍ତଙ୍କ ଗିରଫଦାରୀ ସେ ସମୟର ସବୁଠାରୁ ଚର୍ଚ୍ଚିତ ଘଟଣା ଥିଲା। ଏହି ଘଟଣାର ଦୀର୍ଘ ବର୍ଷ ପରେ, ତଦନ୍ତକାରୀ ଦଳର ମୁଖ୍ୟ ଥିବା ପୂର୍ବତନ ପୋଲିସ ଅଧିକାରୀ ଏମ୍.ଏନ୍. ସିଂହ (M.N. Singh) ଏକ ସାକ୍ଷାତକାରରେ ସେହି ସମୟର ରାଜନୈତିକ ଚାପ ଏବଂ ସଞ୍ଜୟଙ୍କ ସ୍ୱୀକାରୋକ୍ତି ବିଷୟରେ କିଛି ଚାଞ୍ଚଲ୍ୟକର ତଥ୍ୟ ରଖିଛନ୍ତି।୧୯୯୩ ବିସ୍ଫୋରଣ ମାମଲା ଭାରତୀୟ ନ୍ୟାୟିକ ଏବଂ ପୋଲିସ ଇତିହାସରେ ଏକ ବଡ଼ ଘଟଣା। ଏମ୍.ଏନ୍. ସିଂହଙ୍କ ଏହି ବୟାନ ପୁଣି ଥରେ ସେହି ସମୟର ସମ୍ବେଦନଶୀଳତାକୁ ସାମ୍ନାକୁ ଆଣିଛି।

ସଞ୍ଜୟ ଦତ୍ତଙ୍କୁ TADAରୁ ମୁକ୍ତ କରାଯାଇ କେବଳ 'ଆର୍ମସ ଆକ୍ଟ'ରେ ଦଣ୍ଡିତ କରାଯିବା ନେଇ ସିଂହ ସାମାନ୍ୟ ଅସନ୍ତୋଷ ପ୍ରକାଶ କରିଛନ୍ତି। ସେ କହିଛନ୍ତି ଯେ ଯେଉଁ ଅଣ୍ଡରୱାର୍ଲ୍ଡ ଅପରାଧୀମାନେ ଅସ୍ତ୍ର ଦେଇଥିଲେ, ସେମାନଙ୍କୁ TADA ରେ ଦଣ୍ଡ ମିଳିଲା। କିନ୍ତୁ ଯିଏ ଅସ୍ତ୍ର ନେଇଥିଲେ, ତାଙ୍କୁ TADA ରୁ ମୁକ୍ତ କରାଗଲା।"ଅଦାଲତଙ୍କ ଉପରେ ଚାପ ଥିଲା କି ନାହିଁ, ମୁଁ ତାହା କହିପାରିବି ନାହିଁ... ଯେଉଁମାନେ ବୁଝିବା କଥା, ସେମାନେ ବୁଝିଯିବେ," ବୋଲି ସିଂହ କହିଛନ୍ତି।

."ସାହେବ, ଭୁଲ୍ ହୋଇଗଲା": ସଞ୍ଜୟଙ୍କ ସ୍ୱୀକାରୋକ୍ତି:

ଏମ୍.ଏନ୍. ସିଂହଙ୍କ କହିବା ଅନୁଯାୟୀ, ଯେତେବେଳେ ସଞ୍ଜୟ ଦତ୍ତଙ୍କ ପାଖରେ ଅସ୍ତ୍ରଶସ୍ତ୍ର ଥିବା କଥା ପୋଲିସ ଜାଣିବାକୁ ପାଇଲା, ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲା। ଜେରା ସମୟରେ ସଞ୍ଜୟ ନିଜେ ଏହାକୁ ସ୍ୱୀକାର କରିଥିଲେ। "ସଞ୍ଜୟ ମୋତେ କହିଥିଲେ— 'ସାହେବ ମୁଁ ଅସ୍ତ୍ର ନେଇଥିଲି, କିନ୍ତୁ ଭୁଲ୍ ହୋଇଗଲା' (Sahab maine liya, lekin galti ho gayi)। ସେତେବେଳେ ସଞ୍ଜୟ ଯୁକ୍ତି ବାଢ଼ିଥିଲେ ଯେ ଦଙ୍ଗା ସମୟରେ ନିଜ ପରିବାରର ସୁରକ୍ଷା ପାଇଁ ସେ ଏହି ଅସ୍ତ୍ର ରଖିଥିଲେ। କିନ୍ତୁ ତାଙ୍କ ପାଖରେ ପୂର୍ବରୁ ଲାଇସେନ୍ସ ପ୍ରାପ୍ତ ଅସ୍ତ୍ର ଏବଂ ପୋଲିସ ସୁରକ୍ଷା ଥିଲା। ତେଣୁ AK-56 ରାଇଫଲ୍ ଏବଂ ହାତବୋମା ରଖିବା କେବଳ ସୁରକ୍ଷା ପାଇଁ ନଥିଲା।"

ଏଥିସହ ପଢ଼ନ୍ତୁ: ଫ୍ୟାନ୍ସଙ୍କୁ ଦେଲେ ଡବଲ ଖୁସି: ଏହି ଦିନ ଆସିବ ବିଜୟଙ୍କ ଶେଷ ଫିଲ୍ମ

ନିରପେକ୍ଷ ତଦନ୍ତ: ସେ କହିଛନ୍ତି, "ସେ ଜଣେ ଷ୍ଟାର୍ ବୋଲି ମୁଁ କ’ଣ ତାଙ୍କୁ ଛାଡ଼ି ଦେଇଥାନ୍ତି? ତାହା ସମ୍ଭବ ନଥିଲା।" ଉପରୁ ତଳ ପର୍ଯ୍ୟନ୍ତ ବହୁତ ଚାପ ଥିଲା, କିନ୍ତୁ ଜଣେ ପୋଲିସ ଅଧିକାରୀ ଭାବେ ନିଜ କର୍ତ୍ତବ୍ୟ କରିବା ତାଙ୍କ ପାଇଁ ସବୁଠାରୁ ବଡ଼ ଥିଲା। ସେ ସମୟରେ ସଞ୍ଜୟଙ୍କ ବାପା ତଥା ସାଂସଦ ସୁନୀଲ ଦତ୍ତ ନିଜ ପୁଅକୁ ବଞ୍ଚାଇବା ପାଇଁ ବହୁତ ଚେଷ୍ଟା କରିଥିଲେ। ସିଂହ କହିଛନ୍ତି ଯେ ସୁନୀଲ ଦତ୍ତ ତାଙ୍କୁ ବାରମ୍ବାର ଭେଟି କହୁଥିଲେ, "ସିଂହ ସାହେବ, ମୋ ପୁଅକୁ ବଞ୍ଚାନ୍ତୁ, ସେ ଭୁଲ୍ କରିଦେଇଛି।"

ଅଧିକ ପଢ଼ନ୍ତୁ ମନୋରଞ୍ଜନ ଖବର: