ଅର୍ଗସ ବ୍ୟୁରୋ: ସବୁବେଳେ ନିଜ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ରୁହନ୍ତି ସାରା ଅଲ୍ଲୀ ଖାନ୍ । ଆଉ ଏବେ ତାଙ୍କ ରାମ୍ପ ୱାକ୍ କୁ ନେଇ ଚର୍ଚ୍ଚା ଜୋର୍ । କାରଣ ତାଙ୍କ ପେଟ ଜଳିବା ସତ୍ତ୍ୱେ ବି ସେ ଖୁବ ସୁନ୍ଦର ଭାବରେ ରାମ୍ପ ୱାକ୍ କରିଛନ୍ତି । ଯାହା ବି-ଟାଉନ୍ ରେ ଖୁବ ଚର୍ଚ୍ଚା । 
ଫିଲ୍ମ 'ମର୍ଡର ମୁବାରକ' ରିଲିଜ ହେବା ପରେ ସାରା ଅଲି ଖାନ ଏଵେ ପୁଣି ଥରେ ଚର୍ଚ୍ଚାର ବିଷୟ ପାଲଟିଛନ୍ତି । ଅଭିନେତ୍ରୀ ସାରା ଅଲି ଖାନ୍ ତାଙ୍କ ବ୍ୟକ୍ତିଗତ ଜୀବନ ପାଇଁ ସଵୁଵେଳେ ଚର୍ଚ୍ଚାରେ ରୁହନ୍ତି । କିଛି ଦିନ ପୂର୍ବରୁ ସାରା ଅଲିଙ୍କ ପେଟ ଜଳି ଯାଇଥିଲା ।  ସୋସିଆଲ ମିଡିଆରେ ଏନେଇ ସାରା ସୂଚନା ଦେବା ପରେ ଅଭିନେତ୍ରୀ ନିଜେ କହିଥିଲେ ଯେ ଏହି କାରଣରୁ ସେ ବହୁତ ଯନ୍ତ୍ରଣା ଭୋଗୁଛନ୍ତି । 

ତେବେ ପେଟ ପୋଡିଯାଇଥିଲେ ମଧ୍ୟ ସାରା ରାମ୍ପରେ ଚାଲିଥିଲେ । ଏହି ରାମ୍ପ ଇଭେଣ୍ଟରେ ଅଭିନେତ୍ରୀ ସାରା ଅଲି ଖାନଙ୍କୁ ବହୁତ ସୁନ୍ଦର ଡ୍ରେସରେ ଦେଖିବାକୁ ମିଳିଥିଲା । କିନ୍ତୁ ରାମ୍ପରେ ଅଭିନେତ୍ରୀଙ୍କ ଚେହେରା ନୁହେଁ ବରଂ ସାରା ଅଲି ଖାନଙ୍କ ଜଳିଯାଇଥିବା ପେଟ ଲୋକଙ୍କ ଦୃଷ୍ଟି ଆକର୍ଷଣ କରିଥିଲା । ସାରା ଏକ ଧୂସର ରଙ୍ଗର ଏମ୍ବ୍ରୋଡୋରିର ଲେହେଙ୍ଗା ପିନ୍ଧି ଵହୁତ ସୁନ୍ଦର ରାମ୍ପ ଚାଲିବା ଦ୍ୱାରା ସମସ୍ତଙ୍କ ହୃଦୟ ଜିତିଥିଲେ । ଏହା ଦେଖିବା ପରେ ଲୋକମାନେ ସୋସିଆଲ ମିଡିଆରେ ତାଙ୍କୁ ଅନେକ ପ୍ରଶଂସା କରିଥିଲେ । 

ଏହାପରେ ସାରା ଅଲି ଖାନ ନିଜେ ମଧ୍ୟ କହିଛନ୍ତି ମୁଁ ନିଜେ ଭାଵୁଛି ଵହୁତ ସନ୍ଦର ଲାଗୁଛି । ମୁଁ ଭାବୁଛି ଲୋକମାନେ ମୋ ଚେହେରା ସହିତ ନୁହେଁ ବରଂ ମୋର ଭଲ କାମ ସହିତ ଜଡିତ । ଯାହା ମୋତେ ଜାରି ରଖିବାକୁ ପଡିବ । ଆହୁରି ମଧ୍ୟ କହିଛନ୍ତି ଯେ ସବୁଠାରୁ ମଜାଦାର ବିଷୟ ହେଉଛି ଯେ ମୁଁ ନର୍ଭସ ଥିଲି । କାରଣ ଗତ କିଛି ଦିନ ତଳେ ମୋର ପେଟ ଜଳିଯାଇଥିଲା ଏଵଂ ମୁଁ ଦୁଇଟି ଚଳଚ୍ଚିତ୍ରର ପ୍ରମୋସନରେ ମଧ୍ୟ ଵ୍ୟସ୍ତ ଥିଲି । ମୁଁ ଭାବିଲି ରାମ୍ପରେ ମୁଁ କିପରି ମୋ ଫ୍ୟାନ୍ସ ମାନଙ୍କୁ ପ୍ରଭାଵିତ କରିଵି । ସେପଟେ ସାରାଙ୍କ ୱାକ୍ କୁ ନେଇ ଏବେ ସବୁଠି ଚର୍ଚ୍ଚା ।