ସାମ୍ନାକୁ ଆସିଲା ବଡ ଖବର। କିଏ କରିବ 'କୌନ ବନେଗା କରୋଡପତି' ସୋ। ଏହି ସୋ କରିବାକୁ ନେଇ ଖୁବ ଚର୍ଚ୍ଚା। ସମସ୍ତଙ୍କ ମନରେ ପ୍ରଶ୍ନ ଯେ, ବିଗ୍‌ ବି ଏହି ସୋ କରୁଥିବାବେଳେ ପୁଣି ତାଙ୍କ ସ୍ଥାନରେ ଆଉ କିଏ କରିବ। ବିଗ୍‌ ବି ୨୦୦୦ ମସିହାରୁ ଶୋ’ର ହଷ୍ଟ ସିଟରେ ବସି ଆସୁଛନ୍ତି। ହେଲେ ଏବେ ବିଗ୍ ବି ଏହି ଦାୟିତ୍ୱରୁ ମୁକ୍ତ ହେବାକୁ ଚାହୁଁଛନ୍ତି। ଯଦି ଏହା ହୁଏ, ତେବେ 'କୌନ ବନେଗା କରୋଡପତି'ର ସିଂହାସନ କିଏ ନେବ?

ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ହ୍ୟୁମାନ୍ ବ୍ରାଣ୍ଡସ୍ (IIHB) ଏବଂ ଏକ ବିଜ୍ଞାପନ ଏଜେନ୍ସି ଦ୍ୱାରା ଏକ ସାମ୍ପ୍ରତିକ ଅଧ୍ୟୟନରେ ୭୬୮ ଜଣଙ୍କ ଉପରେ ସର୍ଭେ କରାଯାଇଥିଲା। ଯେଉଁଥିରେ ୪୦୮ ପୁରୁଷ ଏବଂ ୩୬୦ ମହିଳା ଥିଲେ। ଏହି ସମୟ ମଧ୍ୟରେ, 'KBC'ର ପରବର୍ତ୍ତୀ ହୋଷ୍ଟ ପାଇଁ ଶାହରୁଖ ଖାନଙ୍କୁ ସର୍ବୋତ୍ତମ ପସନ୍ଦ ବୋଲି ବିବେଚନା କରାଯାଉଥିଲା। କହିବାକୁ ଗଲେ ଶାହରୁଖ ଖାନ ପୂର୍ବରୁ ଥରେ ଏହି ରିଆଲିଟି ଶୋ’ ହୋଷ୍ଟ କରିଛନ୍ତି। ସେ ୨୦୦୭ ମସିହାରେ 'KBC ସିଜିନ୍ ୩' ହୋଷ୍ଟ କରିଥିଲେ। ଶାହରୁଖ ଖାନଙ୍କ ପରେ, ଏହି ସର୍ଭେରେ ପରବର୍ତ୍ତୀ ନାମ ଥିଲା ଅମିତାଭ ବଚ୍ଚନଙ୍କ ବୋହୂ ଐଶ୍ୱର୍ଯ୍ୟା ରାୟ। କ୍ରିକେଟର ମହେନ୍ଦ୍ର ସିଂହ ଧୋନି ତୃତୀୟ ସ୍ଥାନରେ ଥିଲେ।

ବଲିଉଡ୍‌ର ମେଗାଷ୍ଟାର ଅମିତାଭ ବଚ୍ଚନ । ତାଙ୍କର ଚମତ୍କାର ଚଳଚ୍ଚିତ୍ର ସହିତ ଟିଭି ଇଣ୍ଡଷ୍ଟ୍ରିରେ ନିଜର ପରିଚୟ ସୃଷ୍ଟି କରିବାରେ ସଫଳ ହୋଇଥିଲେ। ସେ ବର୍ଷ ବର୍ଷ ଧରି ଟିଭି ରିଆଲିଟି ଶୋ 'କୌନ ବନେଗା କରୋଡପତି' ହୋଷ୍ଟ କରିଆସୁଛନ୍ତି। ୮୨ ବର୍ଷୀୟ ଅମିତାଭ ବଚ୍ଚନ ତାଙ୍କର କାର୍ଯ୍ୟଭାର କମ କରିବା ପାଇଁ 'କୌନ ବନେଗା କରୋଡପତି' ଛାଡିବାକୁ ଚିନ୍ତା କରୁଛନ୍ତି। ବିଗ୍ ବି 'କେବିସି ୧୫' ସମୟରେ ସୋନି ଟିଭିକୁ କହିଥିଲେ ଯେ ସେ ଶେଷ ଥର ପାଇଁ ଏହି ଶୋ' ହୋଷ୍ଟ କରୁଛନ୍ତି। କିନ୍ତୁ ଉପଯୁକ୍ତ ହୋଷ୍ଟ ନ ପାଇବା ଯୋଗୁଁ, ବିଗ୍ ବି 'କୌନ ବନେଗା କରୋଡପତି'ର ୧୬ତମ ସିଜିନକୁ ମଧ୍ୟ ହୋଷ୍ଟ କରୁଥିବାର ନଜର ଆସିଛନ୍ତି।

ଅମିତାଭଙ୍କ ବଦଳରେ ଦର୍ଶକ ଏହି ସୁପରଷ୍ଟାରଙ୍କୁ ଦେଖିବାକୁ ଚାହୁଁଛନ୍ତି । ହେଲେ ଅମିତାଭ ବଚ୍ଚନଙ୍କ ପରେ 'କୌନ ବନେଗା କରୋଡପତି' କିଏ ହୋଷ୍ଟ କରିବେ ସେ ସମ୍ପର୍କରେ କୌଣସି ଅଫିସିଆଲି ବିବୃତ୍ତି ପ୍ରକାଶ କରାଯାଇ ନାହିଁ। କିନ୍ତୁ ଅନେକ ସେଲିବ୍ରେଟିଙ୍କ ନାମ ଏହି ତାଲିକାରେ ଦେଖିବାକୁ ମିଳିଛି।

ଅଧିକ ପଢ଼ନ୍ତୁ ମନୋରଞ୍ଜନ ଖବର: