ପୁଣି ଧାଓ୍ୱନଙ୍କ ଘରକୁ ଫେରିଲା ଖୁସି। ଧାଓ୍ୱନଙ୍କ ପରିବାରରେ ଦେଖିବାକୁ ମିଳିଛି ଗହଳି ଚହଳି। ସରିଲା ଶିଖର ଏବଂ ସୋଫିଙ୍କ ନିର୍ବନ୍ଧ। ଆଗକୁ ହେବ ବାହାଘର। ବର୍ତ୍ତମାନ ପର୍ଯ୍ୟନ୍ତ ବିବାହକୁ ନେଇ କୌଣସି ସଠିକ ଡେଟ୍‌ ମିଳିନଥିବାବେଳେ ନିର୍ବନ୍ଧ ସରିଥିବା ଫଟୋ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।ଦୁହିଁଙ୍କ ନିର୍ବନ୍ଧ ସରିବା ପରେ ଦୁହେଁ ଖୁସି ଥିବାଦେଖିବାକୁ ମିଳିଛି। ପୂର୍ବତନ ଭାରତୀୟ ଓପନର ଶିଖର ଧାୱନ ସୋମବାର ତାଙ୍କ ପ୍ରେମିକା ସୋଫି ସାଇନଙ୍କ ସହ ତାଙ୍କର ନିର୍ବନ୍ଧ ଘୋଷଣା କରିଛନ୍ତି। ସୋମବାର ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ସେୟାର କରି ଏହି ଖବର ସେୟାର କରିଛନ୍ତି। ଶିଖର ଏବଂ ସୋଫି ଗତ ବର୍ଷ ସେମାନଙ୍କର ସମ୍ପର୍କକୁ ସାର୍ବଜନୀନ କରିଥିଲେ ଏବଂ ବହୁତ ସମୟ ଧରି ଡେଟିଂ କରୁଥିଲେ।

ରିପୋର୍ଟ ପ୍ରକାଶ ପାଇଥିଲା ଯେ ଏହି ଦମ୍ପତି ଫେବୃଆରୀ ତୃତୀୟ ସପ୍ତାହରେ ବିବାହ ବନ୍ଧନରେ ଆବଦ୍ଧ ହୋଇପାରନ୍ତି। ତଥାପି, ଏହି ଦମ୍ପତି ବିବାହ ବିଷୟରେ ନୀରବ ରହିଥିଲେ। ଆଜି, ସେମାନେ ଏହି ଖବରକୁ ନିଶ୍ଚିତ କରିଛନ୍ତି।ଶିଖର ଧାୱନ ପ୍ରାୟ ଅଢ଼େଇ ବର୍ଷ ପୂର୍ବେ ଆୟେଶା ମୁଖାର୍ଜୀଙ୍କୁ ଛାଡପତ୍ର ଦେଇଥିଲେ। ଏହି ସମୟ ମଧ୍ୟରେ ଧାୱନ ଅଭିଯୋଗ କରିଥିଲେ ଯେ ଆୟେଶାଙ୍କ ଯୋଗୁଁ ସେ “ମାନସିକ ନିର୍ଯାତନା” ଭୋଗୁଛନ୍ତି। ଧାୱନଙ୍କଠାରୁ ୧୦ ବର୍ଷ ବଡ଼ ଆୟେଶା ଜଣେ କିକ୍ ବକ୍ସର ଯିଏ ୨୦୧୨ରେ ଭାରତୀୟ କ୍ରିକେଟରଙ୍କୁ ବିବାହ କରିଥିଲେ।

୨୦୨୧ରେ ଆୟେଶା ସୋସିଆଲ ମିଡିଆରେ ଧାୱନଙ୍କଠାରୁ ଅଲଗା ହେବାର ଘୋଷଣା କରିଥିଲେ।ଶିଖର ଧାୱନ ଭାରତ ପାଇଁ ୩୪ଟି ଟେଷ୍ଟ ମ୍ୟାଚ୍ ଖେଳିଛନ୍ତି, ୭ଟି ଶତକ ସହିତ ୨୩୧୫ ରନ୍ ଏବଂ ୧୬୭ଟି ଦିନିକିଆ, ୧୭ଟି ଶତକ ଏବଂ ୩୯ଟି ଅର୍ଦ୍ଧଶତକ ସହିତ ୬୭୯୩ ରନ୍ କରିଛନ୍ତି। ସେହି ସମୟରେ, ୬୮ଟି ଟି-୨୦ ମ୍ୟାଚ୍ ରେ, ସେ ୨୭.୯୨ ହାରରେ ଭାରତ ପାଇଁ ୧୭୫୯ ରନ୍ କରିଛନ୍ତି।ଶିଖର ଧାୱନଙ୍କୁ ପ୍ରଥମ ଥର ପାଇଁ ICC ଚାମ୍ପିଅନ୍ସ ଟ୍ରଫି 2025 ସମୟରେ ସୋଫି ସାଇନଙ୍କ ସହ ଦେଖାଯାଇଥିଲା, ଯାହା ପରେ ଏହି ଦମ୍ପତି ଆଲୋଚନାର ବିଷୟ ପାଲଟିଥିଲେ। ଧାୱନ କିଛି ସମୟ ପରେ ସେମାନଙ୍କ ସମ୍ପର୍କକୁ ନିଶ୍ଚିତ କରିଥିଲେ ।

ସୋଫି ଏବଂ ଧାୱନଙ୍କୁ ସୋସିଆଲ ମିଡିଆ ପୋଷ୍ଟରେ ପ୍ରାୟତଃ ଏକାଠି ଦେଖାଯାଉଥିଲା। ଆଇରିଶ ପ୍ରଡକ୍ଟ କନସୋଲଟାଣ୍ଟ ସୋଫି ଲିମେରିକ୍ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିରୁ ମାର୍କେଟିଂ ଏବଂ ମ୍ୟାନେଜମେଣ୍ଟ ଡିଗ୍ରୀ ହାସଲ କରିଛନ୍ତି। ସେ ବର୍ତ୍ତମାନ ଆବୁଧାବିରେ ନର୍ଦ୍ଦନ ଟ୍ରଷ୍ଟ କର୍ପୋରେସନର ସେକେଣ୍ଟ ଭାଇସ ପ୍ରେସିଡେଣ୍ଟ।

ଅଧିକ ପଢ଼ନ୍ତୁ ମନୋରଞ୍ଜନ ଖବର: