ସମ୍ପତ୍ତିକୁ ନେଇ ଦୁଇ ସ୍ତ୍ରୀଙ୍କ ମଧ୍ୟରେ ଦେଖିବାକୁ ମିଳିଛି ଘମାଘୋଟ ଝଗଡା। କିୀଏ ପାଇବ ସମ୍ପତ୍ତି କାହାର ଛୁଆ ହେବେ କୋଟି କୋଟି ସମ୍ପତ୍ତି ମାଲିକ ତାକୁ ନେଇ ଚାଲିଛି ବଡ଼ ଆଲୋଚନା। ଏହା ଭିତରେ ସୁପ୍ରିମକୋର୍ଟ ଦେଲେ ରୋକଠୋକ୍‌ ଆଦେଶ। ଯାହାକୁ ମାନିବାକୁ ପଡ଼ିବ ବଲିଉଡ ଅଭିନେତ୍ରୀ କରିସ୍ମା କପୁରଙ୍କୁ। ଶିଳ୍ପପତି ସଞ୍ଜୟ କପୁରଙ୍କ ମୃତ୍ୟୁ ପରେ ତାଙ୍କ ସମ୍ପତ୍ତିକୁ ନେଇ ଚାଲିଥିବା ବିବାଦ ଆହୁରି ଗଭୀର ହେବାରେ ଲାଗିଛି। ଏହି ହାଇ-ପ୍ରୋଫାଇଲ ଆଇନଗତ ଲଢ଼େଇ ସୁପ୍ରିମକୋର୍ଟରେ ପହଞ୍ଚିଥିବା ଜଣାପଡ଼ିଛି। ଜଣେ ପ୍ରସିଦ୍ଧ ଶିଳ୍ପପତି ଏବଂ କରିସ୍ମା କପୁରଙ୍କ ପୂର୍ବତନ ସ୍ବାମୀ ସଞ୍ଜୟ କପୁର ଜୁନ ୧୨, ୨୦୨୫ରେ ଇଂଲଣ୍ଡରେ ଏକ ପୋଲୋ ମ୍ୟାଚ ସମୟରେ ହୃଦଘାତରେ ମୃତ୍ୟୁବରଣ କରିଥିଲେ। ସେ ପ୍ରାୟ ୩୦,୦୦୦ କୋଟି ମୂଲ୍ୟର ଏକ ସମ୍ପତ୍ତି ଛାଡି ଯାଇଥିଲେ। ସଞ୍ଜୟଙ୍କ କୋଟି କୋଟି ସମ୍ପତ୍ତିକୁ ନେଇ ଆରମ୍ଭ ହୋଇଛି ବିବାଦ।

ସଞ୍ଜୟଙ୍କ ତୃତୀୟ ପତ୍ନୀ ପ୍ରିୟା କପୁର ସଞ୍ଜୟ ଏବଂ ବଲିଉଡ ଅଭିନେତ୍ରୀ କରିସ୍ମା କପୁରଙ୍କ ମଧ୍ୟରେ ୨୦୧୬ରେ ହୋଇଥିବା ଛାଡପତ୍ର ପ୍ରକ୍ରିୟା ସହିତ ଜଡିତ ଗୋପନୀୟ ଦଲିଲଗୁଡ଼ିକ ପାଇବା ପାଇଁ ଭାରତର ସୁପ୍ରିମକୋର୍ଟର ଦ୍ୱାରସ୍ଥ ହୋଇଛନ୍ତି।ସଞ୍ଜୟ କପୁରଙ୍କ ପିଲାମାନେ ମଧ୍ୟ ପ୍ରିୟା କପୁରଙ୍କ ବିରୋଧରେ ଫୌଜଦାରୀ କାର୍ଯ୍ୟାନୁଷ୍ଠାନ ଦାବି କରିଛନ୍ତି। ସେମାନେ ଭାରତୀୟ ଦଣ୍ଡ ସଂହିତାର ଧାରା ୩୩୮ ଏବଂ ୩୪୦ ଲାଗୁ କରିବାକୁ କୋର୍ଟକୁ ଅନୁରୋଧ କରିଛନ୍ତି। ପିଲାମାନେ ଅଭିଯୋଗ କରିଛନ୍ତି, ସେମାନଙ୍କୁ ସେମାନଙ୍କର ବୈଧ ଉତ୍ତରାଧିକାରରୁ ବଞ୍ଚିତ କରିବା ଉଦ୍ଦେଶ୍ୟରେ ଏକ ଜାଲ ଦଲିଲ ପ୍ରସ୍ତୁତ କରାଯାଇଥିଲା।

ପ୍ରିୟା କପୁର କରିସ୍ମା କପୁର ଏବଂ ସଞ୍ଜୟ କପୁରଙ୍କ ମଧ୍ୟରେ ୨୦୧୬ରେ ହୋଇଥିବା ଛାଡପତ୍ର ପ୍ରକ୍ରିୟା ସହିତ ଜଡିତ ସମସ୍ତ ଦଲିଲର ପ୍ରମାଣିତ କପି ପାଇଁ ସୁପ୍ରିମକୋର୍ଟରେ ଏକ ଆବେଦନ ଦାଖଲ କରିଛନ୍ତି। ଏହି ଆବେଦନର ଶୁଣାଣି ଜଷ୍ଟିସ ଏ.ଏସ. ଚାନ୍ଦୁରକରଙ୍କ ଅଧ୍ୟକ୍ଷତାରେ ଗଠିତ ଏକ ଖଣ୍ଡପୀଠ କରିବେ। କୋର୍ଟ କହିଛନ୍ତି, କରିସ୍ମା କପୁରଙ୍କୁ ତାଙ୍କ ଛାଡପତ୍ର ପତ୍ର କୋର୍ଟରେ ଦାଖଲ କରିବାକୁ ପଡିବ। ପ୍ରିୟା କପୁର ପୂର୍ବତନ ଦମ୍ପତିଙ୍କ ମଧ୍ୟରେ ଆର୍ଥିକ ସମାଧାନ ଏବଂ ପିଲାମାନଙ୍କ ପାଇଁ ହେପାଜତ ବ୍ୟବସ୍ଥା ସହିତ ଜଡିତ ସୂଚନା ଯାଞ୍ଚ କରିବା ପାଇଁ ଏହି ଅନୁରୋଧ କରିଛନ୍ତି। ଏହି ବିବରଣୀଗୁଡ଼ିକ ଚାଲୁଥିବା ଉତ୍ତରାଧିକାର ବିବାଦରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିପାରେ।

ଏଥିସହ ପଢ଼ନ୍ତୁ: ବିନା ଦୋକାନୀରେ ଦୋକାନ ଖୋଲା, ଏହି ଗାଁରେ ପଶୁ ଶିକାର ମନା

ସଞ୍ଜୟ କପୁରଙ୍କ ସମ୍ପତ୍ତି ବିବାଦ କ୍ରମଶଃ ଗମ୍ଭୀର ହେବାରେ ଲାଗିଛି। କରିସ୍ମା କପୁର ଏବଂ ତାଙ୍କ ପିଲାମାନେ, ସମାଇରା ଏବଂ କିୟାନ କପୁର, ସେମାନଙ୍କ ପିତାଙ୍କ ସମ୍ପତ୍ତି କାର୍ଯ୍ୟକାରୀ କରିବା ସହିତ ଜଡିତ ଇଲେକ୍ଟ୍ରୋନିକ ପ୍ରମାଣ ଉପରେ ପ୍ରଶ୍ନ ଉଠାଇଛନ୍ତି। ରିପୋର୍ଟ ଅନୁଯାୟୀ, ଦୁଇ ପିଲା ପ୍ରିୟା କପୁରଙ୍କ ଦ୍ୱାରା ଦିଲ୍ଲୀ ହାଇକୋର୍ଟରେ ଦାଖଲ କରାଯାଇଥିବା ଡିଜିଟାଲ ରେକର୍ଡରେ କଥିତ ଅସଙ୍ଗତି ଦର୍ଶାଇଛନ୍ତି। ତେବେ ଆଗକୁ ପରିସ୍ଥିତି କଣ ହେଉଛି ଏବଂ ସବୁ ସମ୍ପତ୍ତି କିଏ ପାଇବ ତାକୁ ହିଁ ଅପେକ୍ଷା।

ଅଧିକ ପଢ଼ନ୍ତୁ ମନୋରଞ୍ଜନ ଖବର: