ଅର୍ଗସ ବ୍ୟୁରୋ: ବଲିଉଡ ଅଭିନେତା ସୈଫ ଅଲ୍ଲୀ ଖାନ୍‌ଙ୍କୁ ଆକ୍ରମଣ କରିଥିବା ଅଭିଯୁକ୍ତ ବାଂଲାଦେଶୀ ହେଉଛି ମହମ୍ମଦ ଆଲିୟାନ । ସେ ହିଁ ଜାନୁଆରୀ ୧୬ ରାତିରେ ସୈଫଙ୍କୁ ଆଟାକ୍ କରିଥିବା ନେଇ ପୋଲିସ ଆଗରେ ସ୍ବୀକାର କରିଛି । ଅଭିଯୁକ୍ତ ବାଂଲାଦେଶୀ ବେଆଇନ ଭାବେ ଭାରତରେ ପ୍ରବେଶ କରିଥିଲା । ତା ପରେ ସେ ତାର ନାଁ ବଦଳାଇଛି । ୬ ମାସ ତଳେ ସେ ମୁମ୍ବାଇ ଆସି ଆଖପାଖ ଏରିଆରେ ରହୁଥିଲା । ସେ ଭାରତୀୟ ହେବାର କୌଣସି ପ୍ରମାଣ ନାହିଁ ବୋଲି କହିଛନ୍ତି ମୁମ୍ବାଇ ଜୋନ୍-୯ ଡିସିପି ।

ଗତକାଲି ମହାରାଷ୍ଟ୍ରର ଥାନେରୁ ମହମ୍ମଦ ଆଲିୟାନକୁ ମୁମ୍ବାଇ ପୋଲିସ ଗିରଫ କରିଛି । ଅଭିଯୁକ୍ତ ମହମ୍ମଦ ଆଲିୟାନ ଥାନେର ରକିସ୍ ବାରରେ ୱେଟର ଭାବେ କାମ କରୁଛି । ସୈଫଙ୍କୁ ଆକ୍ରମଣ କରିବା ପରେ ମହମ୍ମଦ ଆଲିୟାନ ପୋଲିସଠାରୁ ବଞ୍ଚିବା ଲାଗି ନିଜ ନାମ ପରିବର୍ତ୍ତନ କରି ବିଜୟ ଦାସ କରିଥିଲା । ୩ ଦିନ ତଳେ ମୁମ୍ବାଇର ବାନ୍ଦ୍ରା ସ୍ଥିତ ବାସଭବନରେ ସୈଫ ଅଲ୍ଲୀ ଖାନଙ୍କ ଉପରକୁ ଛଅ ଥର ଛୁରାମାଡ ହୋଇଥିଲା । ତାଙ୍କ ମେରୁଦଣ୍ଡ ନିକଟରେ ଗୁରୁତର ଆଘାତ ଲାଗିଥିଲା । ପ୍ରାୟ ୫ଘଣ୍ଟା ଧରି ଚାଲିଥିଲା ଅପରେସନ୍ । ଏବେ ସୈଫ୍ ଧୀରେ ଧୀରେ ସୁସ୍ଥ ହେଉଛନ୍ତି ।