ଚର୍ଚ୍ଚାରେ ସାଉଥ ଅଭିନେତା ଥଲାପତି ବିଜୟ। କୁହାଯାଉଛି ଯେ, ସେ ଆଉ ଫିଲ୍ମ କରିବେନି। ସେ କୁଆଡେ ତାଙ୍କ ଫିଲ୍ମ କ୍ୟାରିୟରର ଶେଷ ଫିଲ୍ମ କରିବାକୁ ଯାଉଛନ୍ତି । ଜନ ନାୟଗନ ପରେ ସେ ଆଉ ଫିଲ୍ମ କରିବେ ନାହିଁ ବୋଲି ଘୋଷଣା କରିଛନ୍ତି । ଏକ ରିପୋର୍ଟ ଅନୁସାରେ ବିଜୟ ଏହି ଫିଲ୍ମ ପାଇଁ ୨୭୫ କୋଟି ଟଙ୍କା ନେଇଛନ୍ତି । ଫିଲ୍ମର ଲାଭରେ କିନ୍ତୁ ତାଙ୍କୁ କୌଣସି ଅଂଶ ମିଳିବ ନାହିଁ । ଏହି ଫିଲ୍ମକୁ ଏଚ ବିନୋଦ ନିର୍ଦ୍ଦେଶନା ଦେଉଛନ୍ତି । କେଭିଏନ ପ୍ରଡକ୍ସନ ଏହାର ମେକର୍ସ ରହିଛି । ବିଜୟଙ୍କ ଏହି ଚର୍ଚ୍ଚିତ ଫିଲ୍ମରେ ବବି ଦେଓଲ ଓ ପୂଜା ହେଗଡେ ଗୁରୁତ୍ୱପୂର୍ଣ୍ଣ ଭୂମିକା କରୁଛନ୍ତି ।

ରାଜନୀତିରେ ପ୍ରବେଶ କରିବା ପରେ ଆଉ ଫିଲ୍ମ କରିବେ ନାହିଁ ବୋଲି ଏହି ସୁପରଷ୍ଟାରଜଣଙ୍କ କହିଥିଲେ । ୧୯୯୨ରେ ବାପା ଏସଏ ଚନ୍ଦ୍ରଶେଖରଙ୍କ ଫିଲ୍ମ ନାଲେୟା ଥୀରପୁ ମାଧ୍ୟମରେ ସେ ପଦାର୍ପଣ କରିଥିଲେ । ପୁଲୀ ଫିଲ୍ମ ପରେ ତାଙ୍କର ଆଉ କୌଣସି ଫିଲ୍ମ ଫ୍ଲପ ହୋଇ ନାହିଁ । ବୀଷ୍ଟ, ୱାରିସୁ ଓ ଦି ଗ୍ରେଟେଷ୍ଟ ଅଫ ଅଲ ଟାଇମର ରିଭ୍ୟୁ ଭଲ ନ ଥିଲେ ମଧ୍ୟ ଏହା ଭଲ ଆୟ କରିଥିଲା । ଜାନୁୟାରୀ ୨୦୨୫ରେ ଏହି ଫିଲ୍ମର ନାମ ଘୋଷଣା କରାଯାଇଥିଲା । ଫେବୃୟାରୀ ୨୦୨୪ରେ ବିଜୟ ତାଙ୍କର ନୂତନ ରାଜନୈତିକ ପାର୍ଟି ତାମି ଲଗା ବେତ୍ରି କଲଗାମର ଘୋଷଣା କରିଥିଲେ ।