ଅଙ୍କିତାଙ୍କ ବିରୋଧରେ ମାନହାନି ମାମଲା ରୁଜୁ । ମଡେଲ ଏବଂ ଅଭିନେତ୍ରୀ ରୋଜଲିନ୍ ଖାନ ଅଙ୍କିତାଙ୍କ ବିରୋଧରେ ମାନହାନି ମାମଲା ଦାୟର କରିଛନ୍ତି । ଏହି ବିବାଦ ସୋସିଆଲ ମିଡିଆରେ ଝଡ଼ ସୃଷ୍ଟି କରିଛି । ଫ୍ୟାନ୍ସଙ୍କ ମନରେ ପ୍ରଶ୍ନ କି କଣ ହୋଇଛି, କାହିଁକି ଏପରି କଲେ ରୋଜଲିନ୍‌। ଅଭିନେତ୍ରୀ ଅଙ୍କିତା ଲୋଖଣ୍ଡେ ବର୍ତ୍ତମାନ କାର୍ଯ୍ୟକ୍ରମ ଲାଫଟର ସେଫ କାର୍ଯ୍ୟକ୍ରମରେ ଖୁବ ଚର୍ଚ୍ଚାରେ ଅଛନ୍ତି। ହେଲେ କାହିଁକି ରୋଜଲିନ ତାଙ୍କ ବିରୋଧରେ ମାନହାନି ମାମଲା ରୁଜୁ କଲେ ତାହା ବଡ ପ୍ରଶ୍ନ। ପ୍ରକୃତରେ ଘଟଣାକ୍ରମ କିଛି ଏପରି ରହିଛି।

ରୋଜଲିନ୍ ଖାନ କହିଥିଲେ ଯେ ଅଙ୍କିତା ତାଙ୍କୁ ସୋସିଆଲ ମିଡିଆରେ ଅପମାନିତ କରିଛନ୍ତି। ରୋଜଲିନ୍ କହିଥିଲେ, 'ମୁଁ ଏକ ୟୁଟ୍ୟୁବ୍ ଚ୍ୟାନେଲକୁ ଏକ ସାକ୍ଷାତକାର ଦେଇଥିଲି, ଯେଉଁଥିରେ ମୁଁ ହିନା ଖାନଙ୍କ ସହ ଜଡିତ କିଛି ପ୍ରଶ୍ନ ପଚାରିଥିଲି।

ଅଙ୍କିତା ଲୋଖଣ୍ଡେ ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ଏକ ଭିଡିଓ ସେୟାର କରିଥିଲେ ଏବଂ ମୋତେ ତଳକୁ ଖସିବା ପରି କହି ମୋର ଚିନ୍ତାଧାରାକୁ ଆକ୍ରମଣ କରିଥିଲେ। ଏହା ମୋ ଚରିତ୍ର ଉପରେ ସମ୍ପୂର୍ଣ୍ଣ ଆକ୍ରମଣ ଥିଲା, ଯାହାକୁ ମୁଁ ଗ୍ରହଣ କରିନଥିଲି। ରୋଜଲିନ୍ କୁହନ୍ତି ଯେ ସେ କେବେ ଅଙ୍କିତାଙ୍କୁ ବ୍ୟକ୍ତିଗତ ଭାବରେ ଭେଟି ନଥିଲେ ଏବଂ ତାଙ୍କ ଜୀବନରେ କୌଣସି ପ୍ରକାରେ ଜଡିତ ନଥିଲେ।

ସେ କହିଥିଲେ, 'ମୁଁ ହିନାଙ୍କୁ କିଛି ପ୍ରଶ୍ନ ପଚାରିଥିଲି ଯେ କର୍କଟ ଚିକିତ୍ସା ପରେ ସ୍କୁବା ଡାଇଭିଂ କରାଯାଇପାରିବ କି?' ମୁଁ କେବଳ ମୋର ଚିନ୍ତାକୁ ଦୃଷ୍ଟିରେ ରଖି ଏହି ପ୍ରଶ୍ନ ଉଠାଇଥିଲି, କିନ୍ତୁ ହିନା କିମ୍ବା ତାଙ୍କ ସମର୍ଥକମାନେ ଏହାକୁ ଭୁଲ ଉପାୟରେ ନେଉଛନ୍ତି।

କଥାଟି ସେତେବେଳେ ଆରମ୍ଭ ହୋଇଥିଲା ଯେତେବେଳେ ଅଙ୍କିତା ଲୋଖଣ୍ଡେ ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ରୋଜଲିନଙ୍କ ଭିଡିଓ ସେୟାର କରି ଲେଖିଥିଲେ, 'କେହି ଏତେ ତଳକୁ କିପରି ଯାଇପାରେ?' ଏହା ବହୁତ ଘୃଣ୍ୟ।’ ଅଙ୍କିତାଙ୍କ ଏହି ପୋଷ୍ଟ ବିବାଦକୁ ଆହୁରି ବଢ଼ାଇ ଦେଇଥିଲା। ଯାହା ମାମଲାକୁ ଆହୁରି ଖରାପ କରିଦେଇଥିଲା। ଯାହାକୁ ପାଥେୟ କରି ରୋଜଲିନ୍ ଖାନ ଅପମାନଜନକ ପୋଷ୍ଟ ଲେଖିବା ପାଇଁ ଅନ୍ଧେରୀ ମାଜିଷ୍ଟ୍ରେଟ୍ କୋର୍ଟରେ ଅଙ୍କିତାଙ୍କ ବିରୁଦ୍ଧରେ ମାନହାନି ମାମଲା ଦାୟର କରିଛନ୍ତି।