ପୁଣି ଚର୍ଚ୍ଚାରେ ବଲିଉଡ ସିଙ୍ଗର ଉଦିତ ନାରାୟଣ। ଦିନକୁ ଦିନ ବଢିଚାଲିଛି ଅଭିଯୋଗର ଲମ୍ୱା ଫର୍ଦ । ଦୀର୍ଘ ବର୍ଷ ପରେ ସ୍ତ୍ରୀର ଅଧିକାର ଦାବି କରିଛନ୍ତି ପ୍ରଥମ ପତ୍ନୀ । ଟାଣିଆଣିଛନ୍ତି କୋର୍ଟର କାଠଗଡାକୁ । ଅଭିଯୋଗ ଆଜିଯାଏଁ ମିଳିନି ପତ୍ନୀର ଅଧିକାର । ହେଲେ କାହିଁକି ଏତେ ଦିନ ପରେ ଏମିତି ଦାବି…ସୋସିଆଲ ମିଡିଆରେ ଚର୍ଚ୍ଚା ଉଦିତ୍‌ଙ୍କୁ ପ୍ରେମ ଅଡୁଆ । ଯାହାକୁ ନେଇ ଚିନ୍ତାରେ ଉଦିତ ନାରାୟର। ବିବାଦ-ବଲିଉଡ୍-ଉଦିତ୍ । ଜୀବନର ଅଡୁଆ ସୁତାରେ ଛନ୍ଦି ହୋଇପଡିଛନ୍ତି । କିଛି ଦିନ ତଳେ ଟ୍ରୋଲର ଶିକାର ହୋଇଥିଲେ ବଲିଉଡର ଲୋକପ୍ରିୟ ଗାୟକ ଉଦିତ ନାରାୟଣ । ସୋସିଆଲ ମିଡିଆରେ ଭାଇରାଲ ହୋଇଥିଲା କିସିଂ ଭିଡିଓ । ଲାଇଭ୍ କନସର୍ଟର, ଉଦିତ୍ ଗାଉଥିଲେ ହିଟ୍ ଗୀତ 'ଟିପ୍ ଟିପ୍ ବରସା ପାନି' ।

ଏତିକିବେଳେ ଜଣେ ମହିଳା ଫ୍ୟାନ୍ସଙ୍କୁ କିସ୍ କରୁଥିବା ନଜର ଆସିଥିଲେ । ଯାହା ପରେ ଉଦିତ ନାରାୟଣଙ୍କ ଏହି ହରକତକୁ ପସନ୍ଦ କରିନଥିଲେ ଦର୍ଶକ । ଅନେକ ୟୁଜର୍ସ ଓ ନେଟିଜେନ୍ସ ନିରାଶା ମଧ୍ୟ ହୋଇଥିଲେ । ତେବେ ଉଦିତ୍‌ ପ୍ରତିକ୍ରିୟା ଦେଇ କହିଥିଲେ, ପ୍ରଶଂସକଙ୍କୁ ମୁଁ ବହୁତ ଭଲ ପାଏ । ସେମାନେ ମଧ୍ୟ ମୋତେ ଖୁବ୍‌ ଭଲ ପାଆନ୍ତି। ତେଣୁ ପ୍ରଶଂସକଙ୍କୁ ଚୁମ୍ବନ ଦେବାରେ କିଛି ଅସୁବିଧା ନାହିଁ।ଚାରି ଦଶନ୍ଧିରୁ ଅଧିକ ସମୟ ଧରି ଦର୍ଶକଙ୍କ ହୃଦୟରେ ରାଜ୍ କରି ଆସୁଛନ୍ତି ଉଦିତ୍ । ନେପାଳ ରେଡିଓରୁ କ୍ୟାରିଅର ଆରମ୍ଭ କରିଥିଲେ ସେ ।

୧୯୮୦ ମସିହାରେ"ଉନ୍ନି-ବିଜ୍"ଚଳଚ୍ଚିତ୍ର ଜରିଆରେକ୍ୟାରିୟର ଆରମ୍ଭ କରିଥିଲେ ଉଦିତ୍ । ଚଳଚ୍ଚିତ୍ରରେ ସେ ସଂଗୀତ ଜଗତର କିମ୍ବଦନ୍ତୀ ମହମ୍ମଦ ରଫି ଏବଂ କିଶୋର କୁମାରଙ୍କ ସହ ଗୀତ ଗାଇବାର ସୁଯୋଗ ପାଇଥିଲେ । ପାରିବାରିକ କଳହ ବର୍ତ୍ତମାନ କୋର୍ଟରେ ପହଞ୍ଚିଲାଣି। ପ୍ରଥମ ପତ୍ନୀ ରଞ୍ଜନା ନାରାୟଣ ଝା ଦାୟର କରିଥିଲେ, ମାମଲା । କୋର୍ଟରେ ହାଜର ହେବା ପରେ ରଞ୍ଜନା କହିଥିଲେ ଯେ ଉଦିତ ନାରାୟଣ ଆପୋଷ କରିବାକୁ ମନା କରିଛନ୍ତି ।

ଆଗକୁ ବି ସେ ମାମଲା ଲଢ଼ିବେ ବୋଲି କହିଛନ୍ତି। ରଞ୍ଜନାଙ୍କ କହିବା କଥା ଏବେ ମୋର ବାର୍ଦ୍ଧକ୍ୟ ଆସିଲାଣି । ବୟସ ଏବଂ ସ୍ୱାସ୍ଥ୍ୟକୁ ଧ୍ୟାନରେ ରଖି ସ୍ୱାମୀଙ୍କ ସାହାରା ଦରକାର । ସେ ଏହା ମଧ୍ୟ ଅଭିଯୋଗ କରିଛନ୍ତି ଯେ ଯେତେବେଳେ ସେ ମୁମ୍ବାଇରେ ଉଦିତ ନାରାୟଣଙ୍କୁ ଭେଟିବାକୁ ଯାଆନ୍ତି, ତାଙ୍କ ପଛରେ ଗୁଣ୍ଡା ପଠାଯାଏ। ଆଉ ଏହି ବୟାନ ପରେ ବି-ଟାଉନରେ ଜୋଦରଦା ଚର୍ଚ୍ଚା ।

ଅଧିକ ପଢ଼ନ୍ତୁ ମନୋରଞ୍ଜନ ଖବର:

Argus News | argus news | -Argusnews Home: Odisha Latest News, Breaking News, Trending News, Live TV and more