ଭକ୍ତି ଭାବନାରେ ବୁଡ଼ିଛନ୍ତି କିଙ୍ଗ କୋହଲି । ପତ୍ନୀ ଅନୁଷ୍କାଙ୍କ ସହ ବିଭିନ୍ନ ମନ୍ଦିରରେ ନଜର ଆସୁଛନ୍ତି। ଟି-୨୦ ଅନ୍ତର୍ଜାତୀୟ କ୍ରିକେଟକୁ ଅଲବିଦା ପରେ ଏବେ ଭକ୍ତି ଭାବନାରେ ବୁଡ଼ିଛନ୍ତି କିଙ୍ଗ କୋହଲି । ବିରାଟ-ଅନୁଷ୍କା ଅଯୋଧ୍ୟାରେ ଅଛନ୍ତି । ସେଠାରେ ଥିବା ହଜାରେ ବର୍ଷର ପୁରୁଣା ମନ୍ଦିର ହନୁମାନ ଘଡିରେ ପୂଜା କରୁଥିବାର ନଜର ଆସିଛନ୍ତି । 

ରବିବାର ସକାଳ ପ୍ରାୟ ୯ଟାରେ ତାଙ୍କ ପତ୍ନୀ ତଥା ଅଭିନେତ୍ରୀ ଅନୁଷ୍କା ଶର୍ମାଙ୍କ ସହ ଅଯୋଧ୍ୟାରେ ପହଞ୍ଚିଥିଲେ। ଏହି ସମୟରେ, ଟ୍ରଷ୍ଟର ପ୍ରତିନିଧି ଉଭୟଙ୍କୁ ମନ୍ଦିର ପରିସରରେ ସ୍ୱାଗତ କରିଥିଲେ। ପରେ ରାମଲାଲାଙ୍କୁ ଦର୍ଶନ କଲେ ଏବଂ ରାମଲାଲାଙ୍କ ସ୍ୱତନ୍ତ୍ର ପ୍ରସାଦ ପ୍ରଦାନ କରିଥିଲେ। ଏହି ସମୟ ମଧ୍ୟରେ ଦୁହେଁ ଗଣମାଧ୍ୟମ ପ୍ରତିନିଧିଙ୍କଠାରୁ ଦୂରତା ବଜାୟ ରଖିଥିଲେ। ଅନ୍ୟପକ୍ଷରେ, ପ୍ରଶଂସକମାନେ ସେମାନଙ୍କର ପ୍ରିୟ କ୍ରିକେଟରଙ୍କ ସହ ସେଲଫି ନେବାକୁ ଉତ୍ସାହିତ ଥିବା ଦେଖାଯାଇଥିଲା କିନ୍ତୁ ସୁରକ୍ଷା ଦୃଷ୍ଟିରୁ ପୋଲିସ ସେମାନଙ୍କୁ ଅଟକାଇଥିଲେ।

ଏହା ପରେ କୋହଲି ଏବଂ ଅନୁଷ୍କା କଡ଼ା ସୁରକ୍ଷା ମଧ୍ୟରେ ହନୁମାନଗଡ଼ୀରେ ପହଞ୍ଚି ବଜରଙ୍ଗବଳୀଙ୍କୁ ପ୍ରାର୍ଥନା କରିଥିଲେ। ଏହା ପରେ, କୋହଲି ହନୁମାନଗଡ଼ୀ ସହିତ ଜଡିତ କିଛି ସନ୍ଥଙ୍କୁ ମଧ୍ୟ ଭେଟିଥିଲେ। ଭିଡିଓରେ ଦୁହେଁ ଭକ୍ତି ଭାବନରେ ବୁଡ଼ି ପୂଜା କରିବା ସହ ଭଗବାନଙ୍କ ଆଶୀର୍ବାଦ ନେଇଥିଲେ। କିଛି ଦିନ ପୂର୍ବରୁ ବିରାଟ ଏବଂ ପତ୍ନୀ ଅନୁଷ୍କା ପ୍ରେମାନନ୍ଦ ମହାରାଜଙ୍କ ପାଖକୁ ଯାଇଥିଲେ । ଏବେ ସେ ବିଭିନ୍ନ ମନ୍ଦିର ଏବଂ ଗୁରୁଙ୍କ ଆଶୀର୍ବାଦ ନେବାକୁ ବିଭିନ୍ନ ମନ୍ଦିର ଯାଉଛନ୍ତି । ଦୁହିଁଙ୍କୁ ଦେଖି ତାଙ୍କ ଫ୍ୟାନ୍ସଙ୍କ ମଧ୍ୟରେ ଉତ୍ସାହ ବଢ଼ୁଛି।