ଟଲିଉଡ ଇଣ୍ଡଷ୍ଟ୍ରିରୁ ଆସିଛି ଖୁସି ଖବର। ଅଭିନେତା ବିଜୟ ଦେବରକୋଣ୍ଡା ଏବଂ ରଶ୍ମିକା ମନ୍ଦାନାଙ୍କ ମଧ୍ୟରେ ନିର୍ବନ୍ଧ ହୋଇଥିବା ଚର୍ଚ୍ଚା ଚାଲିଛି। ଯେଉଁ ଖବର ପରେ ତାଙ୍କ ଫ୍ୟାନ୍ସଙ୍କ ମହଲରେ ଖୁସି ଦେଖିବାକୁ ମିଳିଛି। ଉଭୟଙ୍କ ବିବାହ ଫେବୃଆରୀ ୨୦୨୬ରେ ହେବାର ଆଶା କରାଯାଉଛି। ସେମାନଙ୍କୁ ଅଭିନନ୍ଦନ ମଧ୍ୟ ଜଣାଉଛନ୍ତି। ବର୍ଷ ବର୍ଷ ଧରି ଡେଟିଂ କରିବା ପରେ, ସେମାନେ ସିକ୍ରେଟଲି ନିର୍ବନ୍ଧ କରିଛନ୍ତି। ବିଜୟ ଏବଂ ରଶ୍ମିକା ପରିବାରର ଲୋକେ ଓ ଘନିଷ୍ଠ ବନ୍ଧୁଙ୍କ ଉପସ୍ଥିତିରେ ନିର୍ବନ୍ଧ ହୋଇଛି। ରଶ୍ମିକା ଏବଂ ବିଜୟ ଗୀତା ଗୋବିନ୍ଦମ ଚଳଚ୍ଚିତ୍ରରେ ଏକାଠି କାମ କରିଥିଲେ। ସେମାନେ ଅନେକ ବର୍ଷ ଧରି ଡେଟିଂ କରୁଥିଲେ।

ହେଲେ ସେମାନଙ୍କ ମଧ୍ୟରୁ କେହି ପରସ୍ପରର ନାମ ନେଇ ନଥିଲେ, କିନ୍ତୁ ଏକ ସାକ୍ଷାତକାରରେ ସେମାନଙ୍କର ସମ୍ପର୍କ ବାବଦରେ ଘୋଷଣା କରିଥିଲେ । ସେମାନଙ୍କୁ ପ୍ରାୟତଃ ଡେଟ୍ ଏବଂ ଛୁଟିରେ ଏକାଠି ଦେଖିବାକୁ ମିଳିଥିଲା। ଏବେ, ସେମାନେ ନିର୍ବନ୍ଧ କରି ପ୍ରଶଂସକମାନଙ୍କୁ ଖୁସି ଖବର ଦେଇଛନ୍ତି। ଏସବୁ ମଧ୍ୟରେ, ଆସନ୍ତୁ ଜାଣିବା ବିଜୟ ଏବଂ ରଶ୍ମିକାଙ୍କ ମଧ୍ୟରେ କିଏ ଅଧିକ ଧନୀ।

ବିଜୟଙ୍କ ସମ୍ପତ୍ତି:

ବିଜୟ ଦେବରକୋଣ୍ଡା ଏକ ବିଳାସପୂର୍ଣ୍ଣ ଜୀବନଯାପନ କରନ୍ତି। ସେ ସର୍ବାଧିକ ରୋଜଗାର କରୁଥିବା ତେଲୁଗୁ ତାରକାଙ୍କ ମଧ୍ୟରୁ ଜଣେ। ସେ ଗୋଟିଏ ଚଳଚ୍ଚିତ୍ର ପାଇଁ ୧୫ କୋଟି ନିଅନ୍ତି। ତାଙ୍କର ସମ୍ପତ୍ତି ୫୦-୭୦ କୋଟି ମଧ୍ୟରେ ଅଛି। ଅଭିନେତାଙ୍କ ଆୟରେ ତାଙ୍କ ଫିଲ୍ମରୁ ମିଳୁଥିବା ଫିସ, ତାଙ୍କ ଫ୍ୟାଶନ ଲେବଲ, ରାଉଡି କ୍ଲବ ଏବଂ ଏକ ଭଲିବଲ ଦଳର ମାଲିକାନା ସାମିଲ ଅଛି। ସେ ବିଭିନ୍ନ ଏଣ୍ଡୋର୍ସମେଣ୍ଟ ଡିଲରୁ ମଧ୍ୟ ଯଥେଷ୍ଟ ରୋଜଗାର କରନ୍ତି। ହାଇଦ୍ରାବାଦର ଫିଲ୍ମ ନଗରରେ ବିଜୟ ଦେବରକୋଣ୍ଡାଙ୍କ ମଲ୍ଟି-ଫ୍ଲୋର ବଙ୍ଗଳାର ମୂଲ୍ୟ ୧୫ କୋଟି। ଅକ୍ଟୋବର ୧୫, ୨୦୧୮ରେ ସେ ତାଙ୍କର ଫ୍ୟାଶନ ବ୍ରାଣ୍ଡ, ରାଉଡି ୱେୟାର ଲଞ୍ଚ କରିଥିଲେ ଏବଂ ୨୦୨୦ରେ, ଏହାକୁ Myntra ରେ ଲଞ୍ଚ କରିଥିଲେ। ଏହି ଫ୍ୟାଶନ ବ୍ରାଣ୍ଡ ଗତ କିଛି ବର୍ଷ ମଧ୍ୟରେ ନିଜକୁ ପ୍ରମୁଖ ଆଥଲେଟିକ ଆଉଟଫିଟର୍ସ ମଧ୍ୟରୁ ଜଣେ ଭାବରେ ସଫଳତାର ସହ ପ୍ରତିଷ୍ଠିତ କରିଛି। ବିଜୟ ଦେବରକୋଣ୍ଡା ଲଗଜରୀ କାର ସଂଗ୍ରହ କରନ୍ତି। ତାଙ୍କ ପାଖରେ ୬୧.୪୮ ଲକ୍ଷ ମୂଲ୍ୟର ଏକ BMW 5 ସିରିଜ ସାମିଲ ଅଛି।

ରଶ୍ମିକାଙ୍କ ସମ୍ପତ୍ତି:

ରଶ୍ମିକା ମନ୍ଦାନା ଭାରତର ନ୍ୟାଶନାଲ୍‌ କ୍ରଶ ଭାବରେ ମଧ୍ୟ ଜଣାଶୁଣା। ତାଙ୍କ ମୋଟ ସମ୍ପତ୍ତି ୬୬ କୋଟି ଟଙ୍କା। ସେ ତାଙ୍କର ପ୍ରତ୍ୟେକ ଫିଲ୍ମ ପାଇଁ ୪-୮ କୋଟି ଟଙ୍କା ଫିସ ନିଅନ୍ତି। ‘ପୁଷ୍ପା ୨’ରେ ଶ୍ରୀବଲ୍ଲୀ ଭୂମିକାରେ ଅଭିନୟ କରିବା ପାଇଁ ସେ ସର୍ବାଧିକ ୧୦ କୋଟି ଟଙ୍କା ପାଇଥିଲେ। ରଶ୍ମିକାଙ୍କ ଆୟର ଅନ୍ୟାନ୍ୟ ଉତ୍ସ ମଧ୍ୟରେ ବ୍ରାଣ୍ଡ ଏଣ୍ଡୋର୍ସମେଣ୍ଟରୁ ଆୟ ସାମିଲ ଅଛି। ସେ ବୋଟ, କଲ୍ୟାଣ ଜୁଏଲର୍ସ, 7UP ଏବଂ ମିଶୋ ଭଳି ବ୍ରାଣ୍ଡ ସହିତ ଜଡିତ।ରଶ୍ମିକାଙ୍କର ମୁମ୍ବାଇ, ହାଇଦ୍ରାବାଦ, ଗୋଆ ଘର ରହିଛି। ତାଙ୍କର ବାଙ୍ଗାଲୋରରେ ୮ କୋଟି ମୂଲ୍ୟର ଏକ ବିଳାସପୂର୍ଣ୍ଣ ଘର ମଧ୍ୟ ଅଛି। ତାଙ୍କର ଏକ ମର୍ସିଡିଜ-ବେଞ୍ଜ ସି-କ୍ଲାସ, ଏକ ଟୟୋଟା ଇନୋଭା, ଏକ ହୁଣ୍ଡାଇ କ୍ରେଟା, ଏକ ରେଞ୍ଜ ରୋଭର ସ୍ପୋର୍ଟ ଏବଂ ଏକ ଅଡି Q3 ଅଛି। ଏହି ଯୋଡିଙ୍କୁ ବିବାହକୁ ତାଙ୍କ ଫ୍ୟାନ୍ସ ଅପେକ୍ଷାରେ ରହିଛନ୍ତି।

ଅଧିକ ପଢ଼ନ୍ତୁ ମନୋରଞ୍ଜନ ଖବର: