ଖୁବଶୀଘ୍ର ବାହା ହେବେ ଦୁଇ ସୁପରଷ୍ଟାର। ନିଜେ ଅଭିନେତା ଦେଲେ ସୂଚନା। ଯାହାକୁ ନେଇ ସୋସିଆଲ ମିଡିଆରେ ଚର୍ଚ୍ଚା ଜୋର। ଆମେ କହୁଛୁ ସାଉଥ୍‌ ଷ୍ଟାର ବିଜୟ ଦେବାକୋଣ୍ଡା ଓ ରଶ୍ମିକା ମନ୍ଦାନା ଏବେ ଏହି କାରଣରୁ ଚର୍ଚ୍ଚାରେ ଅଛନ୍ତି। ଉଭୟଙ୍କ ମଧ୍ୟରେ କିଛି ଚାଲିଥିବା ନେଇ ସୋସିଆଲ ମିଡିଆରେ ଚର୍ଚ୍ଚା ଜୋର୍‌ ଧରିଛି। ବେଶ୍‌ କିଛିଦିନ ଧରି ଦକ୍ଷିଣୀ ଇଣ୍ଡଷ୍ଟ୍ରିରେ ଚର୍ଚ୍ଚା ଲାଗି ରହିଛି ଯେ ବିଜୟ ଓ ରଶ୍ମିକା ପରସ୍ପରକୁ ଡେଟ୍‌ କରୁଛନ୍ତି । ଖୁବଶୀଘ୍ର ବିଜୟଙ୍କ ହାତ ଧରିବାକୁ ଯାଉଛନ୍ତି ରଶ୍ମିକା । ବେଳେବେଳେ ସୋସିଆଲ୍‌ ମିଡିଆରେ ବି ନିଜ ସଂପର୍କ ବିଷୟରେ ଆଭାସ ଦେଉଛନ୍ତି ଉଭୟ ବିଜୟ ଓ ରଶ୍ମିକା ।

ବିଜୟ କହିଛନ୍ତି ରଶ୍କିକାଙ୍କ ଉପରେ ଅଭିମାନ କରି ବେଶି ଦିନ ରହିବା ସମ୍ଭବ ନୁହେଁ । ଗତ ସପ୍ତାହରେ ଦୁହିଁଙ୍କ ସଂପର୍କ ନେଇ ରଶ୍ମିକା କହିଛନ୍ତି ବିଜୟ ତାଙ୍କର ସର୍ବସ୍ୱ। ଏକ ଅନୁଷ୍ଠାନ ଅବସରରେ ରଶ୍ମିକାଙ୍କୁ କିଛି ସାମ୍ବାଦିକ ପ୍ରଶ୍ନ କରିଥିଲେ ବିଜୟଙ୍କ ସହିତ ତାଙ୍କ ସଂପର୍କ କିପରି । ବିଜୟ ଦେବରାକୋଣ୍ଡା ରଶ୍ମିକାଙ୍କ ପାଇଁ କ’ଣ? ଏଭଳି ପ୍ରଶ୍ନରେ ରଶ୍ମିକା ଟିକେ ଅପ୍ରସ୍ତୁତ ହୋଇପଡ଼ିଥିଲେ । ତେବେ ଡେରି ନ କରି ଉତ୍ତର ଦେଇଥିଲେ ବିଜୟ ତାଙ୍କର ସର୍ବସ୍ୱ । ମୋର ସମସ୍ତ କିଛି ତାଙ୍କର । ଏକଥା କହିଲା ବେଳେ ରଶ୍ମିକା ଲାଜେଇ ଯାଇଥିଲେ ।

ମୁହଁରେ ହସକୁ ଚାପି ରଖିଥିଲେ ଲାଜକୁ ଢାଙ୍କିବାକୁ ଚେଷ୍ଟା କରୁଥିଲେ । ସିନେ ଜଗତରେ ଷ୍ଟାରଙ୍କ ଆଫେୟାର ଖବର ଖୁବ୍‌ ଭାଇରାଲ ହୁଏ। କହିବାକୁ ଗଲେ କିଛିଦିନ ତଳେ ଦୁହିଁଙ୍କର ବ୍ରେକଅପ୍‌ ହୋଇଛି ବୋଲି ଖବର ଆସିଥିଲା। ହେଲେ ସେମିତି କିଛି ହୋଇନାହିଁ ବୋଲି କହିଛନ୍ତି ଅଭିନେତ୍ରୀ ରଶ୍ମିକା ମନ୍ଦାନା । ବିଜୟ ଦେବରାକୋଣ୍ଡାଙ୍କ ସହ ତାଙ୍କ ସଂପର୍କ ସେମିତି ଅଛି ଯେମିତି ଆଗରୁ ଥିଲା ।