ଗତକିଛି ଦିନ ହେବ ବଲିଉଡ ଇଣ୍ଡଷ୍ଟ୍ରିରେ କିଛି ନା କିଛି ବିବାଦ ଚାଲିଛି। ଅନେକ ସେଲିବ୍ରିଟି କ୍ୟାରିଅରକୁ ଗୁଡ୍‌ ବାଏ କହୁଛନ୍ତି। ପ୍ରକୃତରେ ଏହା ପଛର କାରଣ କଣ ? ଏ ଖବରକୁ ନେଇ ଫ୍ୟାନ୍ସମାନେ ଚିନ୍ତାରେ ଥିବାବେଳେ ବର୍ତ୍ତମାନ କଥା ଉଠୁଛି କି ଏହା କଣ ପବ୍ଲିସିଟି ପାଇଁ କରାଯାଉଛି କି ? ୨୦୨୫ ମସିହାରେ ବିକ୍ରାନ୍ତ ମାସି, ଅନୁଷ୍କା ସେଟ୍ଟି ଏବଂ ବାବିଲ ଖାନଙ୍କ ପରି ଅଭିନେତାମାନେ କାମରୁ ବ୍ରେକ୍ ନେଇଥିଲେ। ଏବେ ୨୦୨୬ ଆରମ୍ଭରେ ଜାକିର ଖାନ,ନେହା କକ୍କର, ଅରିଜିତ ସିଂହ ଏବଂ କରଣ ଜୋହର କାମ ଓ ସୋସିଆଲ ମିଡିଆରୁ ବିରତି ନେଇ ପ୍ରଶଂସକମାନଙ୍କୁ ଆଶ୍ଚର୍ଯ୍ୟ କରି ଦେଇଥିଲେ।

୨୦୨୬ ଆରମ୍ଭରେ ଏତେ ବଡ ନାମ ଏକକାଳୀନ ବିରତି ନେବା ସ୍ପଷ୍ଟ ଭାବରେ ଦର୍ଶାଉଛି ଯେ ସେଲିବ୍ରିଟିମାନେ ମାନସିକ ଶାନ୍ତି, ସ୍ୱାସ୍ଥ୍ୟ ଏବଂ ବ୍ୟକ୍ତିଗତ ଜୀବନକୁ ପ୍ରାଥମିକତା ଦେଉଛନ୍ତି। ପ୍ରଶଂସକମାନେ ଏବେ ବିରତି ପରେ ଏହି ତାରକାମାନଙ୍କ ଫେରିବା ପାଇଁ ଉତ୍ସାହର ସହିତ ଅପେକ୍ଷା କରିଛନ୍ତି।

ଅରିଜିତ ସିଂହ:

ସବୁବେଳେ ଲାଇମଲାଇଟକୁ ଦୂରରେ ରହୁଥିବା ଅରିଜିତ ତାଙ୍କ ପ୍ଲେବ୍ୟାକ୍ ସିଙ୍ଗିଂ କ୍ୟାରିୟରକୁ ଛାଡିଛନ୍ତି । ସେ ଏହି ସମୟରେ ସଙ୍ଗୀତ ସହିତ ତାଙ୍କର ସମ୍ପର୍କକୁ ଅଧିକ ଗଭୀର ଭାବରେ ବୁଝିବା ପାଇଁ "ନୀରବତା ଏବଂ ଶାନ୍ତି" ଚାହାଁନ୍ତି। ସେ ଏବେ ନୂତନ କଳାକାରଙ୍କ ଠାରୁ ପ୍ରେରଣା ଖୋଜନ୍ତି। ସେ ଏହା ମଧ୍ୟ କହିଛନ୍ତି ଯେ ଏହି ବିରତି ହେଉଛି ସୃଜନଶୀଳତାର ଏକ ନୂତନ ଭାବନା ଅନୁଭବ କରିବା ପାଇଁ। ସେ ଏବେ ସ୍ୱାଧୀନ ଭାବରେ କାମ କରିବେ ଏବଂ ସଙ୍ଗୀତ ରଚନା କରିବେ। ସେ ତାଙ୍କ ଭାଗରେ ବାକି ଗୀତଗୁଡ଼ିକ ସମାପ୍ତ କରିବା ପରେ ହିଁ ପ୍ଲେବ୍ୟାକ୍ ଗାୟନରୁ ଦୂରେଇ ରହିଛନ୍ତି।

ଜାକିର ଖାନ:

ଷ୍ଟାଣ୍ଡ-ଅପ୍ କମେଡିଆନ୍ ଜାକିର ଖାନ । ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଷ୍ଟେଜ୍, ଟୁର୍ ଏବଂ ସୋସିଆଲ ମିଡିଆରେ ତାଙ୍କର ବ୍ରେକ ନେବା ଘୋଷଣା କରିଛନ୍ତି। ଜାକିର ଲେଖିଛନ୍ତି ଯେ ସେ ଗତ କିଛି ବର୍ଷ ଧରି ଅକ୍ଲାନ୍ତ ପରିଶ୍ରମ କରିଛନ୍ତି, ଯାହା ଫଳରେ ମାନସିକ ଏବଂ ଶାରୀରିକ ଥକାପଣ ଅନୁଭବ କରୁଛନ୍ତି। ସେ କହିଛନ୍ତି ଯେ ଏହି ବିରତି ତାଙ୍କ ପାଇଁ "ନିଜକୁ ପୁନଃସ୍ଥାପନ କରିବା ଏବଂ ଜୀବନକୁ ଟିକେ ଧୀରେ ଧୀରେ ବଞ୍ଚିବାର" ଏକ ସୁଯୋଗ। ଜାକିର ତାଙ୍କ ପ୍ରଶଂସକମାନଙ୍କୁ ପ୍ରତିଶ୍ରୁତି ଦେଇଛନ୍ତି ଯେ ଏହି ବିରତି ପରେ ସେ ନୂତନ ଶକ୍ତି ଏବଂ ନୂତନ ବିଷୟବସ୍ତୁ ସହିତ ଫେରିବେ।

ନେହା କକ୍କର:

ଗାୟିକା ନେହା କକ୍କର ତାଙ୍କ ବିରତିର କାରଣ ଭାବପ୍ରବଣ ଏବଂ ମାନସିକ ସ୍ୱାସ୍ଥ୍ୟକୁ ଉଲ୍ଲେଖ କରିଛନ୍ତି। ସେ ଲେଖିଛନ୍ତି ଯେ ନିରନ୍ତର ପ୍ରଦର୍ଶନ, ସୋସିଆଲ ମିଡିଆ ଚାପ ଏବଂ ବ୍ୟକ୍ତିଗତ ଚ୍ୟାଲେଞ୍ଜ ତାଙ୍କୁ କ୍ଲାନ୍ତ କରିଦେଇଥିଲା। ଏହି ବିରତି ତାଙ୍କ ପାଇଁ ନିଜର ଯତ୍ନ ନେବା, ପରିବାର ସହିତ ସମୟ ବିତାଇବା ଏବଂ ତାଙ୍କ ସ୍ୱାସ୍ଥ୍ୟ ଉପରେ ଧ୍ୟାନ ଦେବା ପାଇଁ ଆବଶ୍ୟକ। ସେ ସ୍ପଷ୍ଟ କରିଛନ୍ତି ଯେ ଏହି ବିରତି ସଙ୍ଗୀତ ଠାରୁ ଦୂରତା ନୁହେଁ, ବରଂ ନିଜକୁ ମଜବୁତ କରିବା ପାଇଁ ଏକ ପଦକ୍ଷେପ।

ଅଧିକ ପଢ଼ନ୍ତୁ ମନୋରଞ୍ଜନ ଖବର: