'ତେରେ ଇସ୍କ ମେଁ' ଏହି ନାଁ ବର୍ତ୍ତମାନ ସମୟରେ ସମସ୍ତଙ୍କ ମୁହଁରେ । କାରଣ ଏହି ଫିଲ୍ମଟି ଦର୍ଶକଙ୍କ ମନକୁ ଛୁଇଁଛି,ଏହା ଦ୍ଵାରା ଏହି ଫିଲ୍ମଟି ବକ୍ସ ଅଫିସରେ ମଧ୍ୟ କମାଲ କରୁଛି । ଧନୁଷ ଏବଂ କ୍ରିତି ସନନଙ୍କ କେମେଷ୍ଟ୍ରି ସମସ୍ତଙ୍କୁ ଖୁବ୍ ପସନ୍ଦ ଆସିଛି । ଏହି ଫିଲ୍ମ ମୁକ୍ତିଲାଭ କରିବାର ଗୋଟିଏ ସପ୍ତାହ ମଧ୍ୟରେ ବକ୍ସ ଅଫିସର ରେକର୍ଡ ଭାଙ୍ଗିଛି।

ନିର୍ଦ୍ଦେଶକ ଆନନ୍ଦ ଏଲ୍. ରାୟଙ୍କ "ତେରେ ଇସ୍କ ମେଁ", ଯାହା ଧନୁଷ ଏବଂ କ୍ରିତି ସାନନ୍ ଅଭିନୟ କରିଛନ୍ତି । ଯାହା ବକ୍ସ ଅଫିସରେ ଧମାଲ ମଚାଇଛି । ଏହା ଗୋଟିଏ ସପ୍ତାହ ମଧ୍ୟରେ ଭଲ ରୋଜଗାର କରିଚାଲିଛି । ତଥାପି, ବୁଧବାରର କଲେକ୍ସନ ବହୁତ କମ୍ ହେଇଥିଲେ, "ତେରେ ଇସ୍କ ମେଁ" ସାରା ବିଶ୍ଵରେ ବକ୍ସ ଅଫିସରେ ଏକ ବଡ଼ ମାଇଲଖୁଣ୍ଟ ଅତିକ୍ରମ କରିଛି ।

ସାରା ବିଶ୍ୱରେ 'ତେରେ ଇସ୍କ ମେ' କେତେ ଟଙ୍କା ରୋଜଗାର କରିଛି ?
ଦର୍ଶକଙ୍କ ମଧ୍ୟରେ 'ତେରେ ଇସ୍କ ମେ' ପାଇଁ କ୍ରେଜ୍ ବହୁତ ଉପରେ । ତଥାପି, ବୁଧବାର ବକ୍ସ ଅଫିସରେ ଏହା ହ୍ରାସ ପାଇଛି । କିନ୍ତୁ ଏହା ମଙ୍ଗଳବାର ଦିନ ଭଲ ରୋଜଗାର କରିଛି । ସାକନିଲ୍କର ପ୍ରାରମ୍ଭିକ ଆକଳନ ଅନୁଯାୟୀ, ବୁଧବାର ଏହି ରୋମାଣ୍ଟିକ ଡ୍ରାମା ପ୍ରାୟ ୬.୭୫ କୋଟି ଟଙ୍କା ରୋଜଗାର କରିଛି । ଏଥିମଧ୍ୟରୁ ପ୍ରାୟ ୬.୪ କୋଟି ଟଙ୍କା ହିନ୍ଦୀରୁ ଆସିଥିବା ବେଳେ ତାମିଲ ବଜାର ଆନୁମାନିକ ୩୫ ଲକ୍ଷ ଟଙ୍କା ଆସିଛି ।

ବୁଧବାରର ଦିନର ଟଙ୍କା ମିଶାଇ, ଭାରତରେ ଫିଲ୍ମର ନେଟ୍ କଲେକ୍ସନ ପ୍ରାୟ ୭୬.୭୫ କୋଟି, ଯେତେବେଳେ କି ଏହାର ମୋଟ ଘରୋଇ ଆୟ ୯୨.୫ କୋଟିରେ ପହଞ୍ଚିଛି । ଏହା ବିଦେଶରେ ମଧ୍ୟ ପ୍ରାୟ ୮ କୋଟି ଟଙ୍କା ରୋଜଗାର କରିଛି । ଏହା ସହିତ, "ତେରେ ଇସ୍କ ମେ" ପ୍ରଥମ ସପ୍ତାହରେ ସାରା ବିଶ୍ୱରେ ୧୦୦ କୋଟିର ଆୟ କରିଛି ।

ତେରେ ଇସ୍କ ମେ, ହେଉଛି ଧନୁଷଙ୍କର ଏପର୍ଯ୍ୟନ୍ତ ସବୁଠାରୁ ବଡ଼ ବଲିଉଡ୍ ହିଟ୍ ହୋଇପାରିଛି, ଯାହା ମାତ୍ର ଛଅ ଦିନରେ ଘରୋଇ ବଜାରରେ ପ୍ରାୟ ୯୨.୫୦ କୋଟି ଆୟ କରିଛି । ଏହା ସାରା ବିଶ୍ୱରେ ୧୦୦ କୋଟି ଆୟ କରିଥିବା ତାଙ୍କର ପ୍ରଥମ ବଲିଉଡ୍ ଚଳଚ୍ଚିତ୍ର କିନ୍ତୁ କ୍ରିତି ସାନନଙ୍କର ଏହା ସପ୍ତମ ହିଟ୍ ଫିଲ୍ମ ।

ଅଧିକ ପଢ଼ନ୍ତୁ ମନୋରଞ୍ଜନ ଖବର...