Gold Price / ଆଜି ୫୦,୦୦୦ ସୁନାରେ ନିବେଶ କଲେ୨୦୩୬ରେ କେତେ ହେବ ? ଜାଣନ୍ତୁ ୧୦ ବର୍ଷର ହିସାବ

ଭାରତୀୟ ପରିବାରରେ ସୁନା କେବଳ ଅଳଙ୍କାର ନୁହେଁ, ବରଂ ଏକ ଭରସାଯୋଗ୍ୟ ଆର୍ଥିକ ସୁରକ୍ଷା ବୋଲି ମଧ୍ୟ ଧରାଯାଏ । ବିଶେଷକରି ଗତ କିଛି ବର୍ଷରେ ସୁନା ଦରରେ ଜୋରଦାର ବୃଦ୍ଧି ନିବେଶକଙ୍କ ଆକର୍ଷଣ ବଢ଼ାଇଛି । ତେବେ ଯଦି ଆଜି ସୁନାରେ ୫୦,୦୦୦ ନିବେଶ କରାଯାଏ, ତେବେ ୨୦୨୩ ମସିହାରେ ଏହାର ମୂଲ୍ୟ କେତେ ହୋଇପାରେ ?

ଗତ ୧୦ ବର୍ଷରେ କେମିତି ରହିଛି ସୁନାର ପ୍ରଦର୍ଶନ ?
ଦିଆଯାଇଥିବା ତଥ୍ୟ ଅନୁସାରେ, ୨୦୧୬ ମସିହାରେ ୨୪24 କ୍ୟାରେଟ୍ ସୁନାର ୧୦ ଗ୍ରାମର ହାରାହାରି ଦର ପ୍ରାୟ ୨୮,୬୨୩ ଥିଲା । ୨୦୨୬ରେ ଏହା ପ୍ରାୟ ୧,୫୩,୨୫୦କୁ ବୃଦ୍ଧି ପାଇଛି ।

ଅର୍ଥାତ୍ ଗତ ୧୦ ବର୍ଷରେ ସୁନାର ଦର ପ୍ରାୟ ୫.୩୫ ଗୁଣ ବଢ଼ିଛି । ଏହି ହିସାବରେ ବାର୍ଷିକ ଚକ୍ରବୃଦ୍ଧି ହାର ବା CAGR ପ୍ରାୟ ୧୮.୬% ହେଉଛି । ଏହି ଦର ଅନୁସାରେ ଆଜି ୫୦,୦୦୦ରେ ପ୍ରାୟ ୩.୨୬ ଗ୍ରାମ ସୁନା କିଣାଯାଇପାରେ । ତେବେ ମନେ ରଖିବା ଦରକାର, ଏହା ଗତ ପ୍ରଦର୍ଶନର ହିସାବ; ଭବିଷ୍ୟତରେ ମଧ୍ୟ ସମାନ ରିଟର୍ନ ମିଳିବ ବୋଲି ଏଥିରୁ ନିଶ୍ଚିତ କରାଯାଇପାରିବ ନାହିଁ ।

୨୦୩୬ରେ ୫୦,୦୦୦ କେତେ ହୋଇପାରେ ?
୧୦ ବର୍ଷ ପାଇଁ ୫୦,୦୦୦ ନିବେଶ କଲେ ଏହାର ଭବିଷ୍ୟତ ମୂଲ୍ୟ ମୁଖ୍ୟତଃ ସୁନାର ବାର୍ଷିକ ରିଟର୍ନ ଉପରେ ନିର୍ଭର କରିବ ।
ଚକ୍ରବୃଦ୍ଧି ହିସାବରେ
ଭବିଷ୍ୟତ ମୂଲ୍ୟ = ମୂଳ ନିବେଶ × (1 + ବାର୍ଷିକ ରିଟର୍ନ)¹⁰
ଉଦାହରଣ ସ୍ୱରୂପ:
- 8% ବାର୍ଷିକ ରିଟର୍ନ: ପ୍ରାୟ ₹1.08 ଲକ୍ଷ
- 10% ବାର୍ଷିକ ରିଟର୍ନ: ପ୍ରାୟ ₹1.30 ଲକ୍ଷ
- 12% ବାର୍ଷିକ ରିଟର୍ନ: ପ୍ରାୟ ₹1.55 ଲକ୍ଷ
- 15% ବାର୍ଷିକ ରିଟର୍ନ: ପ୍ରାୟ ₹2.02 ଲକ୍ଷ
- 18.6% ବାର୍ଷିକ ରିଟର୍ନ: ପ୍ରାୟ ₹2.73 ଲକ୍ଷ

ଅର୍ଥାତ୍ ଗତ ଦଶକ ଭଳି ପ୍ରାୟ 18.6% CAGR ଆଗାମୀ ଦଶକରେ ମଧ୍ୟ ମିଳିଲେ, ₹50,000ର ନିବେଶ 2036 ସୁଦ୍ଧା ପ୍ରାୟ ₹2.7 ଲକ୍ଷ ହୋଇପାରେ । କିନ୍ତୁ ଏହା କେବଳ ଗାଣିତିକ ଆକଳନ, ନିଶ୍ଚିତ ରିଟର୍ନର ପ୍ରତିଶ୍ରୁତି ନୁହେଁ ।

ସୁନା ଦରକୁ କେଉଁ କାରଣ ପ୍ରଭାବିତ କରେ ?
ସୁନାର ଦର ସବୁବେଳେ ଏକ ନିର୍ଦ୍ଦିଷ୍ଟ ଦିଗରେ ବଢ଼େ ନାହିଁ। ବିଶ୍ୱ ଅର୍ଥନୀତି ଓ ଭୂ-ରାଜନୈତିକ ପରିସ୍ଥିତି ଅନୁସାରେ ଏଥିରେ ବଡ଼ ଉତ୍ତାର-ଚଢ଼ା ଦେଖାଯାଇପାରେ । ସୁନା ଦର ଉପରେ ପ୍ରଭାବ ପକାଉଥିବା ପ୍ରମୁଖ କାରଣଗୁଡ଼ିକ ହେଲା

- ଆମେରିକାର Federal Reserveର ସୁଧହାର ନିଷ୍ପତ୍ତି
- ଆମେରିକୀୟ ଡଲାରର ମୂଲ୍ୟ
- ବିଶ୍ୱ ମୁଦ୍ରାସ୍ଫୀତି
- ଭୂ-ରାଜନୈତିକ ଉତ୍ତେଜନା ଓ ଯୁଦ୍ଧ ପରିସ୍ଥିତି
- ବିଶ୍ୱର ବିଭିନ୍ନ Central Bankର ସୁନା କ୍ରୟ
- ଭାରତରେ ଟଙ୍କା-ଡଲାର ବିନିମୟ ହାର ଓ ସ୍ଥାନୀୟ ଚାହିଦା
ଏହି କାରଣରୁ ଆଗାମୀ ୧୦ ବର୍ଷରେ ସୁନାର ରିଟର୍ନ ଗତ ୧୦ ବର୍ଷ ଭଳି ହେବ ବୋଲି ଧରିନେବା ଠିକ୍ ନୁହେଁ ।

Physical Gold ନା Gold ETF କେଉଁଟି ଭଲ ?
ଯଦି ଆପଣଙ୍କ ଉଦ୍ଦେଶ୍ୟ ସୁନାକୁ ଅଳଙ୍କାର ଭାବେ ବ୍ୟବହାର କରିବା ନୁହେଁ, ବରଂ କେବଳ ନିବେଶ କରିବା, ତେବେ Physical Gold ତୁଳନାରେ Gold ETF କିମ୍ବା Gold Mutual Fund ଭଳି ବିକଳ୍ପକୁ ବିଚାର କରାଯାଇପାରେ । ଗହଣା କିଣିବା ସମୟରେ ୩% GST ସହିତ Making Charges ଓ Wasteage Charges ଲାଗିପାରେ । ଏହି ଅତିରିକ୍ତ ଖର୍ଚ୍ଚ ଆପଣଙ୍କ ବାସ୍ତବ ରିଟର୍ନକୁ କମାଇପାରେ । ଅନ୍ୟପକ୍ଷରେ, Gold ETF ମାଧ୍ୟମରେ ସୁନାର ଦରର ଗତିବିଧିରେ ନିବେଶ କରିବାର ସୁଯୋଗ ମିଳେ, ଯଦିଓ ଏଥିରେ ମଧ୍ୟ ଫଣ୍ଡ ଖର୍ଚ୍ଚ ଓ ବଜାର ସମ୍ବନ୍ଧୀୟ ଝୁମ୍ପ ରହିଥାଏ ।

ଆଜି ୫୦,୦୦୦ ସୁନାରେ ନିବେଶ କରି ୨୦୩୬ ପର୍ଯ୍ୟନ୍ତ ରଖିଲେ ଏହାର ମୂଲ୍ୟ କେତେ ହେବ, ତାହା ନିର୍ଭର କରିବ ଆଗାମୀ ଦଶକରେ ସୁନା କେତେ ରିଟର୍ନ ଦେଉଛି ତା'ଉପରେ । 8%-15% ଭଳି ବିଭିନ୍ନ ରିଟର୍ନ ଧରିଲେ ୫୦,୦୦୦ ପ୍ରାୟ ୧.୦୮ ଲକ୍ଷରୁ ୨.୦୨ ଲକ୍ଷ ମଧ୍ୟରେ ପହଞ୍ଚିପାରେ । ଆଉ ଗତ ଦଶକର 18.6% CAGR ଅବିକଳ ରହିଲେ ଏହା ପ୍ରାୟ ୨.୭୩ ଲକ୍ଷ ହୋଇପାରେ । ତେବେ ନିବେଶର ନିଷ୍ପତ୍ତି କେବଳ ଗତ ରିଟର୍ନ ଦେଖି ନେବା ଉଚିତ୍ ନୁହେଁ। ନିଜର ଲକ୍ଷ୍ୟ, ଝୁମ୍ପ ନେବାର କ୍ଷମତା ଓ ନିବେଶର ସମୟସୀମାକୁ ବିଚାର କରି ନିଷ୍ପତ୍ତି ନେବା ଅଧିକ ଉଚିତ ।