Gold Price Today / ଧନତେରାସ ପୂର୍ବରୁ ସୁନା ଦରରେ ବଡ଼ ହ୍ରାସ…ସର୍ବୋଚ୍ଚ ସ୍ତରରୁ ଏ ପର୍ଯ୍ୟନ୍ତ ପାଖାପାଖି ୫୦ ହଜାର ଟଙ୍କା ଶସ୍ତା

ପାର୍ବଣରେ ଶସ୍ତା ହେଲା ସୁନା ଦର। ଧନତେରାସ ପୂର୍ବରୁ ସୁନା ଦର ଖସିଥିବା ବେଳେ ଖାଉଟି ବଜାରରେ ଏହାକୁ ନେଇ ଜାରି ରହିଛି ଉତ୍ସାହ। ରେକର୍ଡ ସର୍ବୋଚ୍ଚ ସ୍ତରରୁ ଏ ପର୍ଯ୍ୟନ୍ତ ପାଖାପାଖି ୫୦ ହଜାର ଟଙ୍କା ହ୍ରାସ ହେଲାଣି ସୁନା ଦର। ଦେଶ ଓ ବିଦେଶୀ ବଜାରରେ ସୁନା ଦରରେ ଏକ ବଡ଼ଧରଣର ହ୍ରାସ ଦେଖିବାକୁ ମିଳିଛି। ଦୀପାବଳି ଏବଂ ଧନତେରସ ପୂର୍ବରୁ ସୁନା କିଣିବାକୁ ଅପେକ୍ଷା କରିଥିବା ଗ୍ରାହକଙ୍କ ପାଇଁ ଏହା ଏକ ବଡ଼ ଆଶ୍ୱସ୍ତି ଆଣିଦେଇଛି।

ଚଳିତ ବର୍ଷ ଜାନୁଆରୀ ମାସରେ ୨୪ କ୍ୟାରେଟ୍ ୧୦ ଗ୍ରାମ ସୁନାର ମୂଲ୍ୟ ୧.୯୧ ଲକ୍ଷ ଟଙ୍କା ପର୍ଯ୍ୟନ୍ତ ପହଞ୍ଚି ଯାଇଥିଲା। ବର୍ତ୍ତମାନ ବିଭିନ୍ନ ଆର୍ଥିକ ପରିସ୍ଥିତି ଓ ବଜାରରେ ସଂଶୋଧନ ଯୋଗୁଁ ସୁନା ଦରରେ ଏହି ପ୍ରଭାବ ପଡ଼ିଛି। ତେବେ ଆଜି ଭୁବନେଶ୍ବରରେ ୨୪ କ୍ୟାରେଟ ସୁନା ଦର ପ୍ରତି ଦଶ ଗ୍ରାମ ପିଛା ଏକ ଲକ୍ଷ ୪୨ ହଜାର ୨୬୦ ଟଙ୍କା ରହିଛି। ସେପଟେ ୨୨ କ୍ୟାରେଟ୍ ସୁନା ଦର ୧୦ ଗ୍ରାମ ପିଛା ଏକ ଲକ୍ଷ ୩୦ ହଜାର ଟଙ୍କା ରହିଛି। ବର୍ତ୍ତମାନ ବିଭିନ୍ନ ଆର୍ଥିକ ପରିସ୍ଥିତି ଓ ବଜାରରେ ସଂଶୋଧନ ଯୋଗୁଁ ସୁନା ଦରରେ ଏହି ପ୍ରଭାବ ପଡ଼ିଛି।

• ସୁନା ଦରରେ ବଡ଼ ହ୍ରାସ

ରୂପା ସହିତ ସୁନା ଦରରେ ମଧ୍ୟ ହ୍ରାସ ପରିଲକ୍ଷିତ ହୋଇଛି। MCX ରେ ସୁନା ଦରରେ ପ୍ରତି ୧୦ ଗ୍ରାମ ପିଛା ୭୦୦ ଟଙ୍କାର ହ୍ରାସ ରେକର୍ଡ କରାଯାଇଛି। ଏହି ହ୍ରାସ ପରେ, ଡିସେମ୍ବର ଫ୍ୟୁଚର୍ସ ପାଇଁ ସୁନା ଦର ପ୍ରତି ୧୦ ଗ୍ରାମ ପିଛା ୧,୪୨,୨୬୦ ଟଙ୍କାକୁ ଖସି ଆସିଛି। କରୱା ଚୌଥ ଦିନରେ ଘଟିଥିବା ଏହି ଦର ହ୍ରାସ, ଅଳଙ୍କାର କ୍ରେତାମାନଙ୍କୁ କିଛିଟା ଆଶ୍ୱସ୍ତି ପ୍ରଦାନ କରିଛି।

ଫେଡ୍‌ର ନିଷ୍ପତ୍ତି ସତ୍ତ୍ୱେ ବଜାର ଉପରେ ଚାପ ଜାରି ରହିଛି
ବଜାର ବିଶେଷଜ୍ଞଙ୍କ ଅନୁଯାୟୀ, ଆମେରିକାର କେନ୍ଦ୍ରୀୟ ବ୍ୟାଙ୍କ 'ଫେଡେରାଲ୍ ରିଜର୍ଭ' ସୁଧ ହାରରେ କୌଣସି ପରିବର୍ତ୍ତନ କରିନଥିଲେ ମଧ୍ୟ ମୂଲ୍ୟବାନ ଧାତୁଗୁଡ଼ିକ ଉପରେ ଚାପ ରହିଛି। ଏହାର ପ୍ରଭାବରେ ଗୁରୁବାର ରାତିରେ ଆନ୍ତର୍ଜାତୀୟ ତଥା ଘରୋଇ ବଜାରରେ ବିକ୍ରିବଟାର ଏକ ଲହରୀ ଦେଖିବାକୁ ମିଳିଥିଲା, ଯାହା ଫଳରେ ଦରଦାମ ହ୍ରାସ ପାଇଛି। ଉତ୍ସବ ସମୟରେ ଦରଦାମରେ ଏହି ହ୍ରାସ ସେହି ଲୋକମାନଙ୍କ ପାଇଁ ସିଧାସଳଖ ଲାଭଦାୟକ ହେବ, ଯେଉଁମାନେ ଗହଣା କିମ୍ବା ମୁଦ୍ରା କିଣିବାକୁ ଯୋଜନା କରୁଥିଲେ।