Argus News - ଗ୍ରାହକଙ୍କୁ ମିଳିଲା ଟିକିଏ ଆଶ୍ଵସ୍ତି... କମିଲା ସୁନାଦର

କମିଲା ସୁନାଦର... ଗ୍ରାହାକଙ୍କୁ ମିଳିଲା ଟିକିଏ ଆଶ୍ଵସ୍ତି । ଉଭୟ ୨୨ ଓ ୨୪ କ୍ୟାରେଟ୍ ସୁନାଦର ହ୍ରାସ ପାଇଛି । ଖାଲିସେତିକି ନୁହେଁ ରୁପା ବି ଖସିଛି ୩ ଲକ୍ଷ ତଳକୁ । ସୁନାପ୍ରେମୀଙ୍କୁ ଏବେ ଯେମିତି ଛାନିଆଁ କରୁଛି ସୁନାର ଦାମ୍ । କମୁଛି କମ୍... ବଢ଼ୁଛି ବେଶି । ଗତ କିଛି ଦିନର ବୃଦ୍ଧି ପରେ ଏବେ ପୁଣି ସୁନା ଦରରେ ସାମାନ୍ୟ ପରିବର୍ତ୍ତନ ଆସିଛି । ହେଲେ ସେମିତି କିଛି ଦରରେ ବଡ଼ ପରିବର୍ତ୍ତନ ହୋଇନଥିବାରୁ ଗ୍ରାହକମାନେ ସେତେଟା ଖୁସି ନାହାନ୍ତି ।

ସୋମବାର ଗୋଟିଏ ଦିନରେ ୨୪ କ୍ୟାରେଟ୍‌ ସୁନା ଦର ୧୩ ଶହ ୧୦ ଟଙ୍କା ହ୍ରାସ ପାଇଛି । ଫଳରେ ୧୦ ଗ୍ରାମ୍‌ ପିଛା ୨୪ କ୍ୟାରେଟ୍‌ ସୁନା ଦର ୧ ଲକ୍ଷ ୫୬ ହଜାର ୪୪୦ ଟଙ୍କା ହୋଇଛି । ସେହିପରି, ୨୨ କ୍ୟାରେଟ୍‌ ସୁନା ଦର ୧୨ ଶହ ଟଙ୍କା ଖସି ୧୦ ଗ୍ରାମ୍‌ ପିଛା ୧ ଲକ୍ଷ ୪୩ ହଜାର ୪୦୦ ଟଙ୍କାରେ ପହଞ୍ଚିଛି ।

ପ୍ରତ୍ୟେକ ଦିନ ଗୋଲ୍ଟ-ସିଲଭର ପ୍ରାଇସ୍ ବଢ଼ୁଛି ଖସୁଛି । ସବୁଦିନ ଦରରେ ପରିବର୍ତ୍ତନ ଘଟି, ସୁନା ଓ ରୁପା ଦର କେବେ ତଳମୁହାଁ ତ ପୁଣି କେବେ ଉପରମୁହାଁ ହେଉଛି । ଏବେ ପୁଣି ସୁନା ଦର ୧୨ ଶହ ଟଙ୍କା ହ୍ରାସ ପାଇଥିବାବେଳେ ରୁପା ଦରରେ କୌଣସି ପରିବର୍ତ୍ତନ ଘଟିନାହିଁ । ଗତ ୩ ଦିନ ହେବ ଦର ଅପରିବର୍ତ୍ତିତ ରହି ରୁପା କେଜି ପ୍ରତି ୨ ଲକ୍ଷ ୮୦ ହଜାର ଟଙ୍କା ରହିଛି ।

ସବୁଠାରୁ ବଡ଼ କଥା ହେଉଛି, ସୁନା ଓ ହୀରା ଠାରୁ ପ୍ଲାଟିନମକୁ ଆହୁରି ମୂଲ୍ୟବାନ ବୋଲି ମନାଯାଏ । ହେଲେ ବର୍ତ୍ତମାନ ପ୍ଲାଟିନମର ମୂଲ୍ୟ ଠାରୁ ଢେର ଆଗକୁ ଯାଇସାରିଛି ସୁନା ଦର । ଫଳରେ ପ୍ଲାଟିନମ ସୁନା ଆଗରେ ଫିକା ପଡ଼ିଛି । ତେବେ ଆଗକୁ ଆହୁରି ସୁନା ଦର ଆହୁରି ବଢ଼ିବା ନେଇ ଆକଳନ କରାଯାଉଛି ।

ସେପଟେ ୧୮ କ୍ୟାରେଟ ସୁନା ପ୍ରତି ଏବେ ଗ୍ରାହକଙ୍କ ଚାହିଦା ବଢ଼ୁଛି । ବର୍ତ୍ତମାନ ୧୮ କ୍ୟାରେଟ୍ ସୁନା ଦର ୧୦ ଗ୍ରାମ ପ୍ରତି ୯୮୦ ଟଙ୍କା ହ୍ରାସ ପାଇଥିବା ବେଳେ ଏବେ ଲକ୍ଷେ ୧୭ ହଜାର ୩୩୦ ଟଙ୍କା ରହିଛି । ତେବେ ସୁନା ବଜାରରେ ସୁନା-ରୁପା ଦରକୁ ନେଇ ଧାରଣ ଗ୍ରାହକଙ୍କର ଚିନ୍ତା ବଢ଼ିଚାଲିଛି ।