Weak Nails Causes / ନଖ ବାରମ୍ବାର ଭାଙ୍ଗୁଛି କି? ଶରୀରରେ ଏହି ଭିଟାମିନ୍‌ର ଅଭାବ ସହ ବଡ଼ ରୋଗ ହୋଇପାରେ

ନଖ କେବଳ ସୌନ୍ଦର୍ଯ୍ୟ ପାଇଁ ନୁହେଁ; ଏହା ଆପଣଙ୍କ ସ୍ୱାସ୍ଥ୍ୟର ପ୍ରତିଫଳନ ମଧ୍ୟ। ଯଦି ଆପଣଙ୍କର ନଖ ବାରମ୍ବାର ଭାଙ୍ଗିଯାଏ, ଫାଟିଯାଏ କିମ୍ବା ଦୁର୍ବଳ ଦେଖାଯାଏ, ତେବେ ଏହା ପୋଷକ ତତ୍ତ୍ୱର ଅଭାବ ଯୋଗୁଁ ହୋଇପାରେ। ଜମା ଅଣଦେଖା କରନ୍ତୁ ନାହିଁ। କେତେକ ସମୟରେ, ଦୈନନ୍ଦିନ ଅଭ୍ୟାସ ଦାୟୀ, ଏବଂ ସେଗୁଡ଼ିକୁ ଅଣଦେଖା କରିବା ଉଚିତ୍ ନୁହେଁ। ତେଣୁ, ଆସନ୍ତୁ ଜାଣିବା କାହିଁକି ନଖ ଭାଙ୍ଗିଯାଏ, କେଉଁ ଅଭାବ ଯୋଗୁ ଏମିତି ହୋଇଥାଏ ଏହାର ନିରାକରଣ ସହ ନଖକୁ କିପରି ମଜବୁତ କରିବେ ଚାଲନ୍ତୁ ଜାଣିବା।

• କେଉଁ ଅଭାବରୁ ନଖ ଭାଙ୍ଗିଥାଏ?

କେରାଟିନ ନାମକ ଏକ ପ୍ରୋଟିନରେ ନଖ ତିଆରି ହୋଇଥାଏ। ଲୌହ, ପ୍ରୋଟିନ, ଜିଙ୍କ ଏବଂ ଭିଟାମିନ ବି୧୨ ଭଳି ଉପାଦାନ ସେମାନଙ୍କୁ ମଜବୁତ ରଖିବା ପାଇଁ ଅତ୍ୟାବଶ୍ୟକ। ଲୌହ ଅଭାବ ସବୁଠାରୁ ସାଧାରଣ କାରଣ ମଧ୍ୟରୁ ଗୋଟିଏ। ନଖ ପତଳା ଏବଂ ଦୁର୍ବଳ ହୋଇଯାଏ, କେତେକ ସମୟରେ ଚାମଚ ପରି ଭିତରକୁ ଦବିଯା,। ଯଦି ଥକ୍କାପଣ, କିମ୍ବା ଶରୀର ହଳଦିଆ କିମ୍ବା ନିଃଶ୍ବାସ ଫୁଲୁଛି। ତେବେ ଆପଣଙ୍କୁ ପରୀକ୍ଷା କରାଇବା ଉଚିତ। ବାୟୋଟିନ, କିମ୍ବା ଭିଟାମିନ ବି୭, ମଧ୍ୟ ପ୍ରାୟତଃ ଉଲ୍ଲେଖ କରାଯାଏ, କିନ୍ତୁ ଏହି ରୋଗ ବହୁ କମ ଲୋକଙ୍କୁ ହୋଇଥାଏ।

ପ୍ରତିଥର ପୋଷଣ ପାଇଁ ଏଭଳି ରୋଗ ହୋଇ ନଥାଏ। ବାରମ୍ବାର ହାତ ଧୋଇବା, ବାସନ ମାଜିବା, ଲୁଗା ସଫା କରିବାରେ ନଖ ପାଣିରେ ବୁଡ଼ିଥାଏ। ଏହିଭଳି କାମ କଲେ ନଖର ପରସ୍ତ ଦୁର୍ବଳ ହୋଇଥଥାଏ। ଡିଟରଜେଣ୍ଟ, ସାନିଟାଇଜର ଏବଂ ନେଲ ପଲିଶ ରିମୁଭରର ବହୁଳ ବ୍ୟବହାର କଲେ ନଖ ରୁକ୍ଷ ହୋଇଥାଏ। ଶୀତ ଦିନ କିମ୍ବା ଖରା ଦିନରେ ନଖ ସମସ୍ୟା ଅଧିକ ବଢ଼ିଯାଇଥାଏ। ଥାଇରଏଡ ସମସ୍ୟା ଥିଲେ ନଖ ଭାଙ୍ଗିବାର କାରଣ ହୋଇଥାଏ। ଏଭଳି ରୋଗ ହେଲେ କେଶ ଝଡ଼ିବା, ଶରୀରକୁ ଅତି ମାତ୍ରାରେ ଥଣ୍ଡା ଲାଗିବା ଏବଂ ଥକ୍କାପଣ ଭଳି ଲକ୍ଷଣ ଦେଖାଦେଇଥାଏ।

-ବୟସ ବଢ଼ିବା ସହ ଧୀରେ ଧୀରେ ନଖ ନଷ୍ଟ ହୋଇଥାଏ।
-ଏହି ସମସ୍ୟାରୁ ନିଜ ନଖକୁ କିପରି ରକ୍ଷା କରିବେ
-ଖାଦ୍ୟପେୟରେ ବିଶେଷ ଭାବେ ଧ୍ୟାନ ଦେବାକୁ ପଡ଼ିବ।
-ଡାଲିଜାତୀୟ ଶସ୍ୟ ଖାଇବାରେ ସାମିଲ କରନ୍ତୁ। ଆଇରନ ସହ ଭିଟାମିନ ସି ଜାତୀୟ ଫଳ ଖାଆନ୍ତୁ।
-ଯେମିତିକି ଲେମ୍ବୁ କିମ୍ବା ଅଁଳା ଆପଣ ପ୍ରତିଦିନ ନେଇପାରିବେ।
-ନଖ କଣରେ ହାଲକା ତେଲ କିମ୍ବା ହ୍ୟାଣ୍ଡ ମଶ୍ଚରାଇଜର ଲଗାନ୍ତୁ
-ଏହାଛଡ଼ା ନଖ ସବୁବେଳେ ଛୋଟ ରଖନ୍ତୁ
-ନଖ କାମୁଡ଼ିବା ଅଭ୍ୟାସ ବନ୍ଦ କରନ୍ତୁ

ଯଦି କିଛି ସପ୍ତାହ ପରେ ଆପଣ କୌଣସି ଉନ୍ନତି ଦେଖୁନାହାଁନ୍ତି, ଆପଣଙ୍କ ନଖର ରଙ୍ଗ ପରିବର୍ତ୍ତନ ହେଉଛି ତେବେ ତୁରନ୍ତ ଡାକ୍ତରଙ୍କ ସହିତ ପରାମର୍ଶ କରନ୍ତୁ। ଡାକ୍ତରଙ୍କ ବିନା ପରାମର୍ଶରେ କୌଣସି ଔଷଧ ଖାଆନ୍ତୁ ନାହିଁ।