ନିମାପଡା ସ୍ୱାସ୍ଥ୍ୟ ସେବାରେ ଯୋଡି ହେଲା ନୂଆ ଅଧ୍ୟାୟ
Key Points
ଡାଇବେଟିସ ଚେକ୍ କରିବ ହେଲ୍ଥ ATM
ନିମାପଡା ସ୍ୱାସ୍ଥ୍ୟ ସେବାରେ ଯୋଡି ହେଲା ନୂଆ ଅଧ୍ୟାୟ । ରାଜ୍ୟରେ ପ୍ରଥମ ଥର ପାଇଁ ପୁରୀ ଜିଲ୍ଲା ନିମାପଡ଼ା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡିଜିଟାଲ ହେଲ୍ଥ ଏଟିଏମ୍ ର ହେଲା ଶୁଭାରମ୍ଭ । ସ୍ୱାସ୍ଥ୍ୟ ପରୀକ୍ଷା ପାଇଁ ଅତ୍ୟାଧୁନିକ ସ୍ୱୟଂ ଡିଜିଟାଲ ହେଲ୍ଥ ATMକୁ ଉଦଘାଟନ କରିଛନ୍ତି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା ।
ଏହି ମେସିନ ସ୍ଥାପନ ଦ୍ବାରା ସ୍ବାସ୍ଥ୍ୟ ସେବା କ୍ଷେତ୍ରରେ ରାଜ୍ୟରେ ଏକ ବୈପ୍ଳବିକ ପରିବର୍ତ୍ତନ ଆସିବ ଓ ଗ୍ରାମୀଣ ସ୍ବାସ୍ଥ୍ୟ ବିକାଶ କ୍ଷେତ୍ରରେ ଏହା ଏକ ମାଇଲଖୁଣ୍ଟ ସଦୃଶ୍ୟ ହେବ । ଲୋକେ ଏହି ମେଶିନରେ ଟିପ ରଖିଲେ ସେମାନଙ୍କ ହାର୍ଟ,ଡାଇବେଟିସ, କୋଲେଷ୍ଟ୍ରୋଲ, ରକ୍ତଚାପ, ଇସିଜି ସମେତ ବିଭିନ୍ନ ରୋଗର ପରୀକ୍ଷା ସହିତ ପ୍ରେସକ୍ରିପସନ୍ ମଧ୍ୟ ବାହାରି ପାରିବ ।
📱 Get Argus News App
✨ଏହା ଫଳରେ ସାଧାରଣ ଲୋକଙ୍କ ସ୍ଵାସ୍ଥ୍ୟ ପରୀକ୍ଷା ସହଜରେ ହୋଇପାରିବ । ଏହି ମେସିନ ସ୍ଥାପନ ଦ୍ୱାରା ନିମାପଡାର ସ୍ୱାସ୍ଥ୍ୟ ସେବାରେ ନୂଆ ଅଧ୍ୟାୟ ଯୋଡି ହେଲା ବୋଲି କହିଛନ୍ତି ଉପମୁଖ୍ୟମନ୍ତ୍ରୀ।
ଆଜିକାଲି ଘରେ ଘରେ ରୋଗୀ । ମାସକରେ ଅନକେ ଥର ଡାକ୍ତରଖାନା ଯିବାକୁ ପଡୁଛି । ଲମ୍ବା ଲାଇନ ଲଗେଇ ଚିକିତ୍ସା କରିବାକୁ ପଡୁଛି । ଏପରି ସ୍ଥଳେ ଏହି ହେଲ୍ଥ ଏଟିଏମ୍ ଲୋକଙ୍କୁ ବେଶ ସହାୟକ ହେବ । ଏନେଇ ଖୁସି ବ୍ୟକ୍ତ କରିଛନ୍ତି ସ୍ଥାନୀୟ ବାସିନ୍ଦା ।