ଆପଣ ଏହି କଥା ଶୁଣିଥିବେ ଯେ ମଦ ପିଇଲେ ଲିଭର୍ କ୍ୟାନସର ହୁଏ । ଏକଥା ମଧ୍ୟ ଅନେକ ମାତ୍ରାରେ ସତ । ସାଧାରଣତଃ ଫ୍ୟାଟି ଲିଭର ହେଉ କି ଲିଭର୍ କ୍ୟାନସର ବୟସ୍କ ଏବଂ ଯେଉଁମାନେ ଅତ୍ୟଧିକ ମଦ ପିଅନ୍ତି ତାଙ୍କ କ୍ଷେତ୍ରରେ ଦେଖାଯାଏ । ହେଲେ ଆଜିକାଲି ଏହି ରୋଗ ଯୁବକଙ୍କ କ୍ଷେତ୍ରରେ ବେଶୀ ଦେଖାଦେଉଛି । ତାହା ବି ସେହି ମାନଙ୍କ କ୍ଷେତ୍ରରେ ଯେଉଁମାନେ ମଦ୍ୟପାନ କରୁନାହାନ୍ତି ।

ବିଶ୍ୱ ସ୍ୱାସ୍ଥ୍ୟ ସଂଗଠନ ଅନୁସାରେ 1990 ମସିହା ପର ଠାରୁ ଲିଭର୍ କ୍ୟାନସର ମାମଲା ଦୁଇ ଗୁଣା ବୃଦ୍ଧି ପାଇଛି । ସେଥିମଧ୍ୟରୁ ନନ୍ ଆଲକହଲିକ୍ ଫ୍ୟାଟି ଲିଭର୍ ଡିଜିଜ୍ ବେଶୀ । ଯଦି କେବଳ ଭାରତ କଥା କୁହାଯାଏ ତେବେ 16-32 ପ୍ରତିଶତ ଲୋକଙ୍କୁ ହେଉଛି ନନ୍ ଆଲକହଲିକ୍ ଫ୍ୟାଟି ଲିଭର୍ ଡିଜିଜ୍ । ତାହା ବି 15 ରୁ 39 ବର୍ଷ ଲୋକଙ୍କ ମଧ୍ୟରେ ବେଶୀ ହେଉଛି ।

ତେବେ ଏହାର ପ୍ରମୁଖ କାରଣ କ'ଣ ?

ଆଜିକାଲିକା ଜୀବନଶୈଳୀ, ମେଟାବୋଲିକ୍ କାରଣ, ଅତ୍ୟଧିକ ଖାଦ୍ୟ, ଚାପ, ମଧୁମେହ ଏ ସବୁ ଗୋଟିଏ ଗୋଟିଏ କାରଣ । କିନ୍ତୁ ଏହି ବିପଦକୁ ହ୍ରାସ କରାଯାଇପାରିବ । ଯଦି ଆପଣଙ୍କର ଫ୍ୟାଟି ଲିଭର ଅଛି, ତେବେ ନିୟମିତ ଭାବରେ ଆପଣଙ୍କର ଲିଭର ଟେଷ୍ଟ କରନ୍ତୁ । ଏଥିପାଇଁ ସଜାଗ ରୁହନ୍ତୁ । ସନ୍ତୁଳିତ ଖାଦ୍ୟ ଖାଆନ୍ତୁ, ଓଜନ ଏବଂ ରକ୍ତ ଶର୍କରା ନିୟନ୍ତ୍ରଣ କରନ୍ତୁ । ଥକ୍କାପଣ, ଅସ୍ୱସ୍ତି କିମ୍ବା ସାମାନ୍ୟ ଜଣ୍ଡିସ୍ ଭଳି ପ୍ରାରମ୍ଭିକ ସତର୍କତା ଲକ୍ଷଣ ଦେଖାଗଲା ଡାକ୍ତରଙ୍କ ପରାମର୍ଶ ନିଅନ୍ତୁ ।

ଡାକ୍ତରଙ୍କ କହିବା କଥା ଯକୃତ କର୍କଟ ମଦ୍ୟପାନ ନ କରୁଥିବା ଲୋକଙ୍କୁ ମଧ୍ୟ ପ୍ରଭାବିତ କରିପାରେ । ଆଉ ଯଦି ଶୀଘ୍ର ଚିହ୍ନଟ ହୁଏ ତେବେ ବହୁତ ଜୀବନ ବଞ୍ଚି ପାରିବ ।

ତେବେ NAFLDରୁ ବଞ୍ଚିବେ କିପରି ?
ଫ୍ୟାଟି ଲିଭର୍ ଅଛି ତ ନିୟମିତ ଲିଭର ଟେଷ୍ଟ କରନ୍ତୁ
ସପ୍ତାହକୁ ଅତି କମ୍ ରେ 5 ଦିନ 30 ମିନିଟ୍ ବ୍ୟାୟାମ କରନ୍ତୁ
ଏକ ସନ୍ତୁଳିତ ଆହର ପ୍ରତିଦିନ ନିଅନ୍ତୁ
ଯେଉଁଥିରେ ଫଳ, ପନିପରିବା, ପ୍ରୋଟିନ ଆଦି ସାମିଲ୍ ଥିବ
ପ୍ରୋସେସଡ୍ ଫୁଡ୍ , ମିଠା ଥଣ୍ଡା ପାନୀୟ, ତେଳ ଭଜା ଜିନି, ଖାଆନ୍ତୁ ନାହିଁ
ନିଜର ଓଜନ, ବ୍ଲଡ୍ ସୁଗାର୍, କୋଲେଷ୍ଟ୍ରୋଲ୍ ନିୟନ୍ତ୍ର ରଖନ୍ତୁ
ବିଶେଷ କରି ଖାଦ୍ୟ, ପାନୀୟ ଓ ନିଦ ଉପରେ ଧ୍ୟାନ ଦିଅନ୍ତୁ
ଶରୀରରୁ ହାଇଡ୍ରେଟେଡ୍ ରଖନ୍ତୁ ଏବଂ 6- 8 ଘଣ୍ଟା ଶୁଅନ୍ତୁ

ତଳିପେଟ ଧୀରେ ଧୀରେ ପୃଥୁଳକାୟ ହେବା,ପ୍ରବଳ ଚୁଟି ଝଡ଼ିବା, ମୁହଁରେ ବ୍ରଣ ଉଠିବା, ବାରମ୍ବାର ଓକାର ଆସିବା ଓ ଭୋକ ନ ଲାଗିବା ବି ଏହାର ଲକ୍ଷଣ ହୋଇପାରେ । ଏଭଳି ଲକ୍ଷଣ ଦେଖିଲେ ଡାକ୍ତରଙ୍କ ସହ ପରାମର୍ଶ କରି ଆବଶ୍ୟକ ଚିକିତ୍ସା ଆରମ୍ଭ କରନ୍ତୁ । ଏ ବିଷୟରେ ଆପଣଙ୍କ ନିକଟ ଲୋକଙ୍କୁ ମଧ୍ୟ ଜଣାନ୍ତୁ । କାରଣ ଆରମ୍ଭରୁ ଚିକିତ୍ସା କଲେ ଗୋଚେ ମୂଲ୍ୟବାନ ଜୀବନ ବଞ୍ଚିଯିବ ।