ଅର୍ଗସ ବ୍ୟୁରୋ: ଚା ପିଇବାକୁ ସମସ୍ତଙ୍କୁ ବହୁତ ଭଲ ଲାଗେ। ଆଉ ଯଦି ଶୀତ ଦିନ ହୋଇଥାଏ, ତେବେ ଅଧିକ ଚା ସମସ୍ତେ ପିଅନ୍ତି। ଚା ପିଇବାର ଏହି ଅଭ୍ୟାସକୁ ଦୃଷ୍ଟିରେ ରଖି ଚା ବ୍ୟାଗ ସହିତ ଚା ଆଜିକାଲି ବହୁତ ଲୋକପ୍ରିୟ ହୋଇଛି । ଏହା ସ୍ବାସ୍ଥ୍ୟ ପାଇଁ ହାନିକାରକ ବୋଲି କୁହାଯାଇଛି ।ଟି ବ୍ୟାଗଗୁଡ଼ିକ ପ୍ରାୟତଃ ଅଫିସ୍ ଏବଂ ହୋଟେଲରେ ବ୍ୟବହୃତ ହୁଏ । କିନ୍ତୁ ନିକଟରେ ଏହାକୁ ନେଇ ଏକ ରିସର୍ଚ୍ଚ କରାଯାଇଥିଲା । ବୈଜ୍ଞାନିକମାନେ ଜାଣିବାକୁ ପାଇଲେ ଯେ ପଲିପ୍ରୋପିଲିନ ଚା ବ୍ୟାଗରୁ ତିଆରି ହୋଇଥିବା ଏକ ବୁନ୍ଦା ଚା’ରେ ପ୍ରାୟ 1.2 ବିଲିୟନ ପ୍ଲାଷ୍ଟିକ କଣିକା ଥାଏ। ସେଲୁଲୋଜର 135 ନିୟୁତ କଣିକା ଏବଂ 8.18 ନିୟୁତ ନାଇଲନ୍ -6 ରିଲିଜ କରଥାଏ ।

ଏହି ଅଧ୍ୟୟନରୁ ଜଣାପଡିଛି ଯେ ଏହି କଣିକାଗୁଡ଼ିକ ଅନ୍ତନଳୀ କୋଷଗୁଡିକ ଅବଶୋଷଣ କରନ୍ତି, ଯାହା ପରେ ଶରୀରର ଅନ୍ୟ ଅଂଶକୁ ବିସ୍ତାର ହୋଇପାରେ । ଏହି କଣିକା ଆମ ରକ୍ତରେ ପ୍ରବେଶ କରି ଅନ୍ତନଳୀ କୋଷ ଦ୍ୱାରା ଶୋଷିତ ହୋଇ ସ୍ୱାସ୍ଥ୍ୟ ପ୍ରତି ଗୁରୁତର କ୍ଷତି ପହଞ୍ଚାଇଥାଏ । ପଲିମର-ଆଧାରିତ ଚା ବ୍ୟାଗ, ଯାହା ସାଧାରଣତଃ ନାଇଲନ୍ -6, ପଲିପ୍ରୋପିଲିନ୍ ଏବଂ ସେଲୁଲୋଜ୍ ଭଳି ସାମଗ୍ରୀରେ ନିର୍ମିତ। କୋଟି କୋଟି ମାଇକ୍ରୋପ୍ଲାଷ୍ଟିକ୍ ଏବଂ ନାନୋପ୍ଲାଷ୍ଟିକ୍ (MNPL) ଗରମ ପାଣିରେ ବ୍ୟବହାର କରାଯିବା ପରେ ଛାଡିଥାଏ ।

ଅଧିକ ପଢ଼ନ୍ତୁ ସ୍ୱାସ୍ଥ୍ୟ ଖବର:

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV