ବର୍ଷା ଦିନରେ ବାଇଗଣ ଖାଇବା ଉଚିତ୍ ନୁହେଁ। ଏହି ଋତୁରେ ବାଇଗଣ ଖାଇଲେ ହଜମ କରିବା କଷ୍ଟକର ହୋଇଯାଏ। ଏହା ଗ୍ୟାସ ଏସିଡିଟି କରିଥାଏ ଏବଂ ବାଇଗଣ ଖାଇବା ଦ୍ଵାରା କୃମି ମଧ୍ୟ ବୃଦ୍ଧି ପାଏ। ସେଥିପାଇଁ ବର୍ଷା ଋତୁରେ ବାଇଗଣ ଖାଆନ୍ତୁ ନାହିଁ ।

କିଛି ଲୋକ ଅସମୟରେ ପନିପରିବା ଖାଆନ୍ତି, ଯେତେବେଳେ ଶୀତଦିନେ ମିଳୁଥିବା ବନ୍ଧାକୋବି ଏବଂ ଫୁଲକୋବି ବର୍ଷା ଦିନରେ ଖାଆନ୍ତି ଏହା ସ୍ଵାସ୍ଥ୍ୟ ପାଇଁ କ୍ଷତିକାରକ ହୋଇଥାଏ । ବର୍ଷା ଦିନରେ କୋବି ଆଦୌ ଖାଇବା ଉଚିତ୍ ନୁହେଁ। ବର୍ଷାଦିନେ କୋବିରେ ପୋକ ହେଇଥାନ୍ତି ଯାହା ବିପଜ୍ଜନକ ହୋଇପାରେ।

ବର୍ଷାଦିନେ ଛତୁ ଖାଇବା ମଧ୍ୟ ଭଲ ନୁହେଁ। ଛତୁ କେବଳ ଓଦା ସ୍ଥାନରେ ବଢ଼ିଥାଏ । ସେଥିପାଇଁ ଛତୁ ଖାଇବା ଦ୍ଵାରା ଖାଦ୍ୟ ବିଷାକ୍ତ ହେବାର ଆଶଙ୍କା ବଢ଼ିଯାଏ।

ଏହି ଋତୁରେ ଯେକୌଣସି ପନିପରିବା ନସିଝେଇ ଖାଇବା ଉଚିତ୍ ନୁହେଁ। କଞ୍ଚା ସାଲାଡ ମଧ୍ୟ ଖାଆନ୍ତୁ ନାହିଁ । ସାଲାଡ କିମ୍ବା ପନିପରିବାକୁ ହାଲୁକା ସିଝେଇବା ପରେ ଖାଆନ୍ତୁ। ସେହିପରି ବର୍ଷାଦିନେ ଗଜା ମୁଗ ଏବଂ ଚଣା କଞ୍ଚା ଖାଇବା ଠାରୁ ଦୂରରେ ରୁହନ୍ତୁ । ସେଗୁଡ଼ିକୁ ଫୁଟାଇବା ପରେ ହିଁ ଖାଆନ୍ତୁ।

Argus News | argus news | -Argusnews Home: Odisha Latest News, Breaking News, Trending News, Live TV and more