ସ୍ତନ କର୍କଟ ରୋଗୀଙ୍କ ଚିକିତ୍ସା ହେବ ସହଜ, ନୂଆ ଔଷଧକୁ ମିଳିଲା ମଞ୍ଜୁରୀ
ଆଜିକା ଦିନରେ ସ୍ତନ କର୍କଟ ବା ବ୍ରେଷ୍ଟ କ୍ୟାନସର ମାମଲା ଦ୍ରୁତ ଗତିରେ ବଢ଼ି ଚାଲିଛି । ବ୍ରେଷ୍ଟ କ୍ୟାନସର ମାମଲା ବଢ଼ି ଚାଲିଥିବା ବେଳେ ଏକ ଭଲ ଖବର ଆସିଛି । ଶୁକ୍ରବାର ଏକ ନୂଆ ଔଷଧକୁ ମଞ୍ଜୁରୀ ମିଳିଛି । କୁହାଯାଉଛି, ଏହି ଔଷଧ ସ୍ତନ କର୍କଟ ବ୍ୟାପିବା ଗତିକୁ ମନ୍ଥର କରିବାରେ ସହାୟକ ହେବ । ଏହାକୁ ବ୍ରିଟେନର ସରକାରୀ ରାଷ୍ଟ୍ରୀୟ ସ୍ଵାସ୍ଥ୍ୟ ସେବା ମଞ୍ଜୁରୀ ଦେଇଛି ।
କ୍ୟାପିବାସେରଟିବକୁ ନ୍ୟାସନାଲ ଇନଷ୍ଟିଚ୍ୟୁଟ୍ ଫର୍ ହେଲ୍ଥ ଆଣ୍ଡ୍ କେୟାର ଏକ୍ସିଲେନ୍ସ ମଞ୍ଜୁରୀ ଦେବାକୁ ବୈଜ୍ଞାନିକ ଐତିହାସିକ କହିଛନ୍ତି । ଏନଆଇସିଇ କହିଛି, ଏଚଆର୍-ପଜିଟିଭ୍, ଏଚଇଆଇର୨-ନେଗେଟିଭ୍ରେ ପୀଡ଼ିତ ୧ ହଜାରରୁ ଅଧିକ ମହିଳାଙ୍କୁ ପ୍ରତିବର୍ଷ ଦିନକୁ ୨ଟି ଔଷଧ ଦେଲେ ଉପକାରୀ ହେବ ।
ବ୍ରିଟିଶ୍ ଫାର୍ମାସ୍ୟୁଟିକାଲ୍ କମ୍ପାନୀ ଆଷ୍ଟ୍ରେଜେନକା ଦ୍ଵାରା ପ୍ରସ୍ତୁତ ଏହି ଔଷଧ ଯାହାକୁ ଟ୍ରୁକ୍ୟାପ କୁହାଯାଉଛି । କ୍ୟାନସର ବିସ୍ତାରକୁ ଏହା ମନ୍ତର କରିବାରେ ସହାୟକ ହେବ । ଏହାର ଅର୍ଥ ଏହି ଔଷଧ କିଛି ରୋଗୀଙ୍କୁ ଲମ୍ବା ସମୟ ଜୀବିତ ରଖିବାରେ ସମର୍ଥ ହୋଇ ପାରିବ ।
ଏନଆଇସିଇର ମେଡିସିନ୍ ନିର୍ଦ୍ଦେଶକ ହେଲେନ୍ ନାଇଟ୍ କହିଛନ୍ତି, ଆଡଭାନ୍ସ ଷ୍ଟେଜର ବ୍ରେଷ୍ଟ କ୍ୟାନସର ପୀଡ଼ିତଙ୍କ ପାଇଁ ସୀମିତ ବିକଳ୍ପ ରହିଛି । କେମୋଥେରାପି ଆବଶ୍ୟକତା ବିଳମ୍ବ ହେଉଥିବା ବେଳେ ଏହା ଦ୍ଵାରା କ୍ଷତିର ସମ୍ଭାବନା ବହୁତ କମ୍ ।
