Food Poisoning / ଯଦି ତରଭୁଜକୁ କାଟିବା ମାତ୍ରେ ସେଥିରୁ ଫେଣ ବାହାରୁଛି, ତେବେ ସାବଧାନ, ଏହାକୁ ଖାଆନ୍ତୁ ନାହିଁ?

ଆପଣ ପ୍ରାୟତଃ ଖରାରେ ଖୋଲା ସ୍ଥାନରେ ରଖାଯାଇଥିବା ତରଭୁଜ କିଣିଥିବେ। ଏପରି ତରଭୁଜ ସବୁବେଳେ ବିପଦପୂର୍ଣ୍ଣ ହୋଇପାରେ। ଧରାଯାଉ ଆପଣ ଗୋଟିଏ ତରଭୁଜ କିଣିଛନ୍ତି ଏବଂ ଏହାକୁ କାଟିବା ମାତ୍ରେ ସେଥିରୁ ଫେଣ ବାହାରିବାକୁ ଲାଗିଲା କିମ୍ବା ଏକ ତୀବ୍ର ଦୁର୍ଗନ୍ଧ ବାହାରିବାକୁ ଲାଗିବା ସହ ଖଟା ଲାଗିଲା। ଏହାକୁ ଆଦୌ ଖାଆନ୍ତୁ ନାହିଁ, କାରଣ ଏହା ବହୁତ ବିପଦପୂର୍ଣ୍ଣ ହୋଇପାରେ। ଆପଣଙ୍କ ଜୀବନ ବି ଯାଇପାରେ।
ମୁମ୍ବାଇରେ, ବିରିୟାନି ପରେ ତରଭୁଜ ଖାଇ ଗୋଟିଏ ପରିବାରର ଚାରି ଜଣ ସଦସ୍ୟଙ୍କ ମୃତ୍ୟୁ ହୋଇଛି। ଡାକ୍ତରମାନେ କହିଛନ୍ତି ଯେ ତରଭୁଜରେ କିଛି ବିଷାକ୍ତ ପଦାର୍ଥ ସମସ୍ତଙ୍କ ଉପରେ ମାରାତ୍ମକ ପ୍ରଭାବ ପକାଇଥିଲା। କିଡନୀ ଫେଲ ହୋଇଥିଲା। ଡାକ୍ତରମାନେ ଅନୁମାନ କରୁଛନ୍ତି ଯେ ତରଭୁଜରେ କିଛି ବିପଦପୂର୍ଣ୍ଣ ରାସାୟନିକ ପଦାର୍ଥ ମିଶିଥାଇପାରେ କିମ୍ବା କିଛି ବିପଦପୂର୍ଣ୍ଣ ଜୀବାଣୁ ଏଥିରେ ପୂର୍ବରୁ ଥାଇପାରେ। ଯେଉଁଥିପାଇଁ ସେମାନଙ୍କ ଜୀବନ ଚାଲିଗଲା।

ସାଧାରଣତଃ ତରଭୁଜ ଭୂମିରେ ବିକଶିତ ହେଉଥିବାରୁ ଏହା ବହୁ ରୋଗକୁ ଆମନ୍ତ୍ରଣ କରିଥାଏ। ଭୂଇଁରେ ଏହି ତରଭୁଜ ଗୁଡ଼ିକ ବଢ଼ୁଥିବାରୁ ଏହାର ବାହାର ଅଂଶରେ ବହୁତ ସାରା ବ୍ୟାକ୍ଟେରିଆ ଭଳି ଜୀବ ଲାଗିଥାଏ। ଏହି କାରଣରୁ କିଛି ତରଭୁଜ ଭିତରକୁ ପ୍ରବେଶ କରିବାରେ ମଧ୍ୟ ସମ୍ଭାବନା ରହିଛି। ଯାହାଦ୍ବାରା ସଂକ୍ରମଣ ହୋଇପାରେ। ନିଶ୍ଚିତ ଭାବରେ, ରାସାୟନିକ ପଦାର୍ଥ ସେମାନଙ୍କୁ ସର୍ବଦା ବିଷାକ୍ତ କରିପାରେ।
ତରଭୁଜରେ ପ୍ରାକୃତିକ ଶର୍କରା ଓ ପାଣି ଅଧିକ ଥାଏ । ଯେତେବେଳେ ଏହା ୩୫° ରୁ ୪୫° ଡିଗ୍ରୀ ଖରାରେ ରହେ, ଏହାର ଭିତରର ତାପମାତ୍ରା ବଢ଼ିଯାଏ । ଫଳରେ ଏହାର ଚିନିରେ 'ଫର୍ମେଣ୍ଟେସନ୍' ବା କିଣ୍ୱନ ପ୍ରକ୍ରିୟା ଆରମ୍ଭ ହୁଏ । ଏହାଦ୍ୱାରା ଫଳ ଭିତରେ ଗ୍ୟାସ୍ ସୃଷ୍ଟି ହୁଏ ଏବଂ ଏହା ବିଷାକ୍ତ ହୋଇଯାଏ ।

କାହିଁକି ବିପଦଜନକ ହୋଇଥାଏ ଖରାରେ ରଖାଯାଇଥିବା ତରଭୁଜ ?
୧. ପ୍ରବଳ ଗରମ ଯୋଗୁଁ ତରଭୁଜର ଚୋପା ଦୁର୍ବଳ ହୋଇଯାଏ । ଫଳରେ ସେଥିରେ ସୂକ୍ଷ୍ମ ଫାଟ ସୃଷ୍ଟି ହୁଏ ଏବଂ ବାହାରୁ 'ସାଲମୋନେଲା' କିମ୍ବା 'ଇ-କୋଲାଇ' ଭଳି ଭୟଙ୍କର ବ୍ୟାକ୍ଟେରିଆ ଭିତରକୁ ପଶି ଯାଆନ୍ତି ।
୨. ପୋଷକ ତତ୍ତ୍ୱ ନଷ୍ଟ: ଖରାରେ ଉତପ୍ତ ତରଭୁଜରୁ ଭିଟାମିନ-ସି ଏବଂ ଲାଇକୋପିନ ନଷ୍ଟ ହୋଇଯାଏ । ଏହା ଶରୀରକୁ ଥଣ୍ଡା ଦେବା ପରିବର୍ତ୍ତେ ତାପମାତ୍ରା ବିଗାଡ଼ି ଦିଏ ।
୩. କେମିକାଲର ଭୟ: ଅନେକ ସମୟରେ ତରଭୁଜକୁ ଶୀଘ୍ର ବଡ଼ କରିବା ପାଇଁ ନାଇଟ୍ରୋଜେନ ସାର କିମ୍ବା ଲାଲ୍ ଦେଖାଯିବା ପାଇଁ 'ଏରିଥ୍ରୋସିନ୍ ଡାଇ' କେମିକାଲ ବ୍ୟବହାର କରାଯାଏ, ଯାହା ଶରୀର ପାଇଁ ବିଷ ସଦୃଶ ।

ଭଲ ତରଭୁଜ କିପରି ଚିହ୍ନିବେ ?
ତରଭୁଜକୁ ଛୁଇଁବା ପରେ ଯଦି ଏହା ବାହାର ପରିବେଶଠାରୁ ଗରମ ଲାଗୁଛି, ତେବେ କିଣନ୍ତୁ ନାହିଁ। ତରଭୁଜକୁ ହାତରେ ବାଡ଼େଇଲେ ଯଦି ଶବ୍ଦ ଭାରି ଲାଗେ, ତେବେ ବୁଝିବେ ଏହା ଭିତରୁ ଗଳିବା ଆରମ୍ଭ ହେଲାଣି । ଡେମ୍ଫ ପାଖରୁ ଯଦି କୌଣସି ପ୍ରକାର ଚିପଚିପା ତରଳ ବାହାରୁଛି କିମ୍ବା ଦୁର୍ଗନ୍ଧ ହେଉଛି, ତେବେ ଏହା ନିଶ୍ଚିତ ଭାବେ ଖରାପ ।

ଘରେ ରଖିବା ସମୟରେ ଏହି ଭୁଲ୍ କରନ୍ତୁନି:
ତରଭୁଜ ଖାଇବା ପରେ ତୁରନ୍ତ ପାଣି ପିଅନ୍ତୁ ନାହିଁ, ଏହା ହଜମ ପ୍ରକ୍ରିୟାକୁ ଧୀମା କରିଦିଏ । ଫ୍ରିଜ୍ ରେ ରଖିବା ସମୟରେ ଏହାକୁ କ୍ଷୀର ବା ଦୁଗ୍ଧଜାତ ଦ୍ରବ୍ୟ ପାଖରେ ରଖନ୍ତୁ ନାହିଁ । ତରଭୁଜ ମାଟି ଉପରେ ହେଉଥିବାରୁ ଏହାର ଚୋପାରେ ମାଟିର ବ୍ୟାକ୍ଟେରିଆ ଥାଏ । ତେଣୁ କାଟିବା ପୂର୍ବରୁ ଏହାକୁ ଭଲଭାବେ ଧୋଇବା ନିହାତି ଜରୁରୀ । ବିନା କଟା ତରଭୁଜ ସାଧାରଣ ତାପମାତ୍ରାରେ ୧-୨ ସପ୍ତାହ ଏବଂ କଟା ତରଭୁଜ ଫ୍ରିଜରେ ମାତ୍ର ୨-୩ ଦିନ ସୁରକ୍ଷିତ ରହେ । ସବୁବେଳେ ତାଜା ତରଭୁଜ ଖାଆନ୍ତୁ । ଯଦି କାଟିବା ପରେ ଫଳର ରଙ୍ଗ ଅସ୍ୱାଭାବିକ ଗାଢ଼ ଲାଲ୍ କିମ୍ବା ଛିଦ୍ର ଥିବା ପରି ଜଣାପଡ଼େ, ତେବେ ତାକୁ ନ ଖାଇବା ହିଁ ଭଲ ।