ଭିଟାମିନ୍ ଇ ଏକ ଜରୁରୀ ଆଣ୍ଟିଅକ୍ସିଡାଣ୍ଟ ଯାହା ଶରୀରର କୋଷଗୁଡ଼ିକୁ ମୁକ୍ତ ରାଡିକାଲ୍ସରୁ ରକ୍ଷା କରେ ଏବଂ ରୋଗ ପ୍ରତିରୋଧକ ଶକ୍ତିକୁ ସୁଦୃଢ଼ ​​କରେ। ଏହା ସ୍କିନ୍, ଆଖି, ମାଂସପେଶୀ ଏବଂ ମସ୍ତିଷ୍କର ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଯଦି ଶରୀରରେ ଏହାର ଅଭାବ ହୁଏ ତେବେ ଧୀରେ ଧୀରେ ଅନେକ ସମସ୍ୟା ଦେଖାଦେବା ଆରମ୍ଭ କରେ ଯାହା ପରେ ଗମ୍ଭୀର ରୋଗର ରୂପ ନେଇପାରେ।

ଭିଟାମିନ୍-ଇ ଅଭାବ କାହିଁକି ହୁଏ?
-ଭିଟାମିନ୍ ଇ ଅଭାବ ଯୋଗୁଁ ମାଂସପେଶୀଗୁଡ଼ିକୁ ପୁଷ୍ଟିକର ଖାଦ୍ୟ ମିଳେ ନାହିଁ, ଯାହା ଫଳରେ ଦୁର୍ବଳତା, ଥକ୍କାପଣ ଏବଂ ମାଂସପେଶୀ ଯନ୍ତ୍ରଣାର ସମସ୍ୟା ଆରମ୍ଭ ହୁଏ। ଦୀର୍ଘକାଳୀନ ଭାବରେ ଏହି ଅଭାବ ମାଂସପେଶୀଗୁଡ଼ିକର କାର୍ଯ୍ୟ କରିବାର କ୍ଷମତାକୁ କମାଇଥାଏ ।

-ଏହି ଭିଟାମିନ୍ ସ୍ନାୟୁତନ୍ତ୍ରକୁ ସୁରକ୍ଷିତ ରଖେ। ଏହାର ଅଭାବରେ ହାତ ଏବଂ ପାଦରେ ଝିମ୍ ଝିମ୍ ଅନୁଭବ, ସନ୍ତୁଳନ ସମସ୍ୟା ଏବଂ ଚାଲିବାରେ କଷ୍ଟ ଭଳି ଲକ୍ଷଣ ଦେଖାଯାଏ। ଏହି ଲକ୍ଷଣଗୁଡ଼ିକ ସ୍ନାୟୁଗତ ସମସ୍ୟା ସୃଷ୍ଟି କରିଥାଏ ।

-ଭିଟାମିନ୍ ଇ ରୋଗ ପ୍ରତିରୋଧକ ଶକ୍ତିକୁ ସକ୍ରିୟ ଏବଂ ମଜବୁତ କରିଥାଏ, କିନ୍ତୁ ଯେତେବେଳେ ଏହାର ଅଭାବ ହୁଏ, ଶରୀରର ରୋଗ ପ୍ରତିରୋଧକ ଶକ୍ତି ଦୁର୍ବଳ ହୋଇଯାଏ ଏବଂ ବାରମ୍ବାର ସଂକ୍ରମଣ ହେବା ଆରମ୍ଭ ହୁଏ।

-ଏହି ଭିଟାମିନର ଅଭାବ ଦୃଷ୍ଟିଶକ୍ତିକୁ ପ୍ରଭାବିତ କରିପାରେ। ବିଶେଷକରି ବୟସ ବଢ଼ିବା ସହିତ, ଏହି ଅଭାବ ଦୃଷ୍ଟିଶକ୍ତିକୁ ଝାପ୍ସା ଏବଂ ରେଟିନା ସମ୍ବନ୍ଧୀୟ ସମସ୍ୟା ସୃଷ୍ଟି କରିପାରେ, ଯାହା ଧୀରେ ଧୀରେ ଆଖିକୁ ଦୁର୍ବଳ କରିପାରେ।

-ଭିଟାମିନ୍ ଇ ଅଭାବରେ ଚର୍ମ ଶୁଷ୍କ ଏବଂ ନିର୍ଜୀବ ହୋଇଯାଏ। ଏହା ଜଳିବା,କୁଣ୍ଡାଇ ହେବା ସହ କୁଞ୍ଚା ହୋଇଥାଏ । କେଶରେ ଶୁଷ୍କତା,କେଶ ଝଡ଼ିବା ମଧ୍ୟ ଏହି ଅଭାବ ସହିତ ଜଡିତ ହୋଇପାରେ।

-ଭିଟାମିନ୍ ଇ ଲୋହିତ ରକ୍ତ କୋଷକୁ ଅକ୍ସିଡେଟିଭ୍ କ୍ଷତିରୁ ରକ୍ଷା କରେ। ଏହାର ଅଭାବରେ କୋଷଗୁଡ଼ିକ ଶୀଘ୍ର ଭାଙ୍ଗିଯାଏ, ଯାହା ବିଶେଷକରି ପିଲା ଏବଂ ଗର୍ଭବତୀ ମହିଳାଙ୍କଠାରେ ରକ୍ତହୀନତାର ଆଶଙ୍କା ବୃଦ୍ଧି କରେ।

ଭିଟାମିନ୍ ଇ ଅଭାବ ହେଲେ କ’ଣ ଖାଇବା ଉଚିତ:-
ଭିଟାମିନ୍ ଇ ଅଭାବ ହେଲେ ଅତ୍ୟଧିକ ମାତ୍ରାରେ ସବୁଜ ପନିପରିବା ଖାଇବା ଆବଶ୍ୟକ ଯେପରି ପାଳଙ୍ଗ ଏବଂ ସବୁଜ ପତ୍ରଯୁକ୍ତ ପନିପରିବା, ବାଦାମ, ପ୍ରତିଦିନ ଏକ ଚାମଚ ସୂର୍ଯ୍ୟମୁଖୀ ମଞ୍ଜି ଖାଆନ୍ତୁ । ଏଥିସହ ଆଭୋକାଡୋ, ଚିନାବାଦାମ, ପିସ୍ତା ଭଳି ନଟ୍ସ ଖାଆନ୍ତୁ। ଚର୍ବି ମାଛ (ସାଲମନ, ମାକେରେଲ) ନନଭେଜ୍ ଖାଉଥିବା ଲୋକଙ୍କ ପାଇଁ ଉତ୍କୃଷ୍ଟ ଉତ୍ସ। ଖାଦ୍ୟରୁ ପର୍ଯ୍ୟାପ୍ତ ପରିମାଣର ଭିଟାମିନ ନମିଳିଲେ ଅଳସୀ ମଞ୍ଜି ଏବଂ ଚିଆ ସିଡ୍, ଭିଟାମିନ ଯଦି ଆବଶ୍ୟକ ହୁଏ ଇ ସପ୍ଲିମେଣ୍ଟ ନିଅନ୍ତୁ।