ଅର୍ଗସ ବ୍ୟୁରୋ: ବାସ୍ତୁ ଶାସ୍ତ୍ର ଅନୁସାରେ ଘର ପାଇଁ ଅନେକ ପ୍ରକାରର ନିୟମ ରହିଥାଏ । ଘର ପାଇଁ କଣ କରିବା ଉଚିତ୍ ଆଉ କଣ ନକରିବା ଉଚିତ୍ ବାସ୍ତୁ ଶାସ୍ତ୍ର କହିଥାଏ । ଆଉ ମଧ୍ୟରୁ ଗୋଟାଏ ହେଉଛି ପିତ୍ତଳ କଇଁଛ । ବାସ୍ତୁ ଶାସ୍ତ୍ର ଅନୁସାରେ ପିତ୍ତଳ କଇଁଛ ରଖିବା ଦ୍ୱାରା ସକରାତ୍ମକ ଶକ୍ତି ବଢିଥାଏ । ଏହି କଇଁଛକୁ ଘରେ ରଖିବା ଦ୍ୱାରା ଆର୍ଥିକ ସମସ୍ୟା ଦୂର ହୋଇଥାଏ । ଧନ ପ୍ରାପ୍ତି ପାଇଁ ନୂଆ ନୂଆ ମାର୍ଗ ସାମ୍ନାକୁ ଆସିଥାଏ । ଘରେ ସୁଖସମୃଦ୍ଧି ବୃଦ୍ଧି ସହ ଧନର ଅଭାବ ଦୂର ହୋଇଥାଏ । ଅଯଥାରେ ଟଙ୍କା ଖର୍ଚ୍ଚ ହୁଏ ନାହିଁ । ତେବେ ପିତ୍ତଳ କଇଁଛକୁ ସର୍ବଦା ସଠିକ୍‌ ଦିଗରେ ରଖିବା ନିହାତି ଜରୁରୀ । ନଚେତ୍‌ ବିପରୀତ ଫଳ ମିଳିଥାଏ । ଜାଣନ୍ତୁ ବାସ୍ତୁରେ ବର୍ଣ୍ଣନା କରାଯାଇଥିବା ନିୟମ ବିଷୟରେ

ଯଦି ଆପଣ ନିଜ ଘରେ ସୁଖ, ସମୃଦ୍ଧି,ଧନ ପାଇବାକୁ ଚାହୁଁଛନ୍ତି, ତେବେ ବାସ୍ତୁ ଶାସ୍ତ୍ର ଅନୁଯାୟୀ ନିର୍ଦ୍ଧାରିତ ଦିଗରେ ଏକ ପିତ୍ତଳ କଇଁଛ ରଖନ୍ତୁ । ଏକ ପିତ୍ତଳ କଇଁଛକୁ ସର୍ବଦା ଘରର ଉତ୍ତର କିମ୍ବା ଉତ୍ତରପଶ୍ଚିମ ଦିଗରେ ରଖିବା ଉଚିତ୍ । ଏହା କରିବା ଦ୍ୱାରା ଘରେ ସକାରାତ୍ମକ ଉର୍ଜା ଆସିଥାଏ ଏବଂ ନକାରାତ୍ମକତା ଦୂର ହୋଇଥାଏ ।

ବାସ୍ତୁ ଶାସ୍ତ୍ର ଅନୁଯାୟୀ ସଠିକ୍ ଦିଗରେ ରଖାଯାଇଥିବା ଏକ ପିତ୍ତଳ କଇଁଛ ପରିବାର ପାଇଁ ସୁଖ ଆଣିଥାଏ । ଯଦି ଏହାକୁ ଦକ୍ଷିଣ ପଶ୍ଚିମ ଦିଗରେ ରଖାଯାଏ, ତେବେ ପିଲାମାନଙ୍କର ଅଧ୍ୟୟନରେ ଆଗ୍ରହ ବଢିଥାଏ ଏବଂ ସେମାନେ ଆଗକୁ ବଢିଥାନ୍ତି ।

ଯଦି ଘରେ ଏକ ପିତ୍ତଳ କଇଁଛ ରଖାଯାଏ, ତେବେ ଏହା ସୁଖ ଏବଂ ସମୃଦ୍ଧି ଆଣିଥାଏ। ଏଥିସହ ଘର ଉପରେ ମାତା ଲକ୍ଷ୍ମୀଙ୍କ ବିଶେଷ କୃପା ମିଳେ ଓ ମାତା ଲକ୍ଷ୍ମୀଙ୍କ ଆଶୀର୍ବାଦ ଥିଲେ କେବେ ବି ଟଙ୍କା ଅଭାବର ସମ୍ମୁଖୀନ ହେବାକୁ ପଡିବ ନାହିଁ । ଘରେ କଇଁଛ ରଖିବା ମଧ୍ୟ ଦୀର୍ଘ ଜୀବନର ପ୍ରତୀକ ଭାବରେ ବିବେଚନା କରାଯାଏ ।

ଯଦି ପିତ୍ତଳ କଇଁଛକୁ ଘରର ପଶ୍ଚିମ ଦ୍ୱାର ଆଡକୁ ରଖାଯାଏ, ଏହା ଦ୍ବାରା ଘରେ ନକାରାତ୍ମକତା ଆସେ ନାହିଁ । ଏହା ବ୍ୟତୀତ ଏହା ଘର ଉପରେ ନଜର ଲାଗେ ନାହିଁ ।

ବାସ୍ତୁ ଶାସ୍ତ୍ର ଅନୁଯାୟୀ,ଡ୍ରଇଂ ରୁମରେ ଏକ ପିତ୍ତଳ କଇଁଛ ରଖିବା ମଧ୍ୟ ଶୁଭ ବୋଲି ବିବେଚନା କରାଯାଏ। ଏହି କାରଣରୁ ଘରର ପରିବେଶ ସର୍ବଦା ଭଲ ଏବଂ ଶାନ୍ତ ରହିଥାଏ । ପରସ୍ପର ମଧ୍ୟରେ ଭଲ ପାଇବା ବଢିଥାଏ ।

ବାସ୍ତୁ ଅନୁଯାୟୀ, ଯଦି ଆପଣ ଘରେ ଏକ ପିତ୍ତଳ କଇଁଛ ରଖୁଛନ୍ତି, ତେବେ କଇଁଛର ମୁହଁ ସର୍ବଦା ପୂର୍ବ ଦିଗରେ ଆଡକୁ ରହିବା ଉଚିତ୍ । ଯଦି କଇଁଛକୁ ପାଣିରେ ଭର୍ତ୍ତି ଏକ ପାତ୍ର ଭିତରେ ରଖାଯାଏ ତେବେ ଏହା ଅଧିକ ଶୁଭ ଅଟେ ।

Argus News | argus news | Odisha Latest News, Breaking News, Trending News, Live TV