ଅର୍ଗସ ବ୍ୟୁରୋ:  ଜାପାନରେ ଶକ୍ତିଶାଳୀ ଭୂମିକଂପରେ ୬ ଜଣଙ୍କ ମୃତ୍ୟୁ । ଅନେକ କୋଠା ଭୁଶୁଡ଼ିଥିବାରୁ ମୃତ୍ୟୁସଂଖ୍ୟା ବଢ଼ିବା ଆଶଙ୍କା ରହିଛି । ଗତକାଲି ୨୧ ଥର ଭୂକମ୍ପ ଝଟକା ପରେ ଓ୍ବାଜିମା ଓ କାନାଓ୍ବାଜା ସହରରେ ୧.୨ ମିଟର ଉଚ୍ଚର ଢେଉ ଆସିଥିଲା । ଏଥିପାଇଁ ସୁନାମୀ ୱାର୍ଣ୍ଣିଂ ଜାରି ହୋଇଥିଲା । ଉପକୂଳବର୍ତ୍ତୀ ଅଞ୍ଚଳବାସୀଙ୍କୁ ଅନ୍ୟତ୍ର ସ୍ଥାନାନ୍ତର କରାଯିବା ସହ ଆଲର୍ଟ କରାଯାଇଥିଲା । ୨୦୧୧ ମାର୍ଚ୍ଚ ୧୧ରେ ଆସିଥିବା ସୁନାମୀରେ ଜାପାରେ ପ୍ରାୟ ୨୦ ହଜାର ଲୋକଙ୍କ ଜୀବନ ଯାଇଥିଲା ।

ଯାହାକୁ ଦୃଷ୍ଟିରେ ରଖି ସତର୍କ ଅଛନ୍ତି ଜାପାନ ସରକାର । ଭୂକମ୍ପରେ ୨୧ଟି ଝଟକା ପରେ ପ୍ରାୟ ୩୪ ହଜାର ଘରରେ ବିଜୁଳି ସଂଯୋଗ ବିଚ୍ଛିନ୍ନ ହୋଇଛି । ସଡ଼କରେ ବଡ଼ ବଡ଼ ଫାଟ ହୋଇଥିବାରୁ ଅନେକ ରାଜପଥରେ ଗାଡ଼ି ଚଳାଚଳ ବନ୍ଦ ହୋଇଯାଇଛି । ଜାପାନରେ ଥିବା ଭାରତୀୟ ଏମ୍ବାସି ପକ୍ଷରୁ ଭାରତୀୟଙ୍କ ପାଇଁ ୨୪ ଘଣ୍ଟିଆ କଣ୍ଟ୍ରୋଲ ରୁମ୍‌ ଖୋଲାଯାଇଛି । ଏଥିସହ ସହାୟତା ପାଇଁ ଟୋଲ୍‌ ଫ୍ରି ନମ୍ବର ଏବଂ ଇ-ମେଲ୍‌ ଆଇଡି ଜାରି କରାଯାଇଛି । ଅନେକ କୋଠା ଭୁଶୁଡି ପଡିଥିବାରୁ ଏହା ତଳେ ଲୋକମାନେ ଚାପି ହୋଇ ରହିଛନ୍ତି । ଉଦ୍ଧାର କାର୍ଯ୍ୟ ଜାରି ରହିଥିବାବେଳେ ମୃତ୍ୟୁ ସଂଖ୍ୟା ବଢିପାରେ ।

ଅଧିକ ପଢ଼ନ୍ତୁ ବିଦେଶ ଖବର: