"ରନୱେ ଆଲର୍ଟ! “ଦୟାକରି ଧ୍ୟାନ ଦିଅନ୍ତୁ। ଠିକ ୧୦:୪୦ରେ ଟ୍ରେନ୍ ଆସିଯାଉଅଛି! ଆପଣଙ୍କ ଉଡାଣ ସ୍ଵପ୍ନକୁ ଦିଅନ୍ତୁ ଟିକେ ବିରତି। ଯାତ୍ରୀଗଣ ଏହି ଦୁର୍ଲଭ ଦୃଶ୍ୟକୁ ଉପଭୋଗ କରନ୍ତୁ । ଟ୍ରେନ୍ ଓ ପ୍ଲେନ ରନଓ୍ବେରେ! କେବଳ ଗିଜବୋର୍ନ ବିମାନବନ୍ଦରରେ ପାଇପାରିବେ ଏପରି ଅନୁଭବ!"ଏଭଳି ଆନାଉନ୍ସମେଣ୍ଟ ଆପଣ କେବଳ ଗିଜବୋର୍ନ ଏୟାରପୋର୍ଟରେ ହିଁ ଶୁଣିବାକୁ ପାଇବେ। କାରଣ ଏହା ଏକ ଟୁରିଷ୍ଟ ସ୍ପଟ ଭାବେ ଉଭା ହେଇଛି ଓ ନିଆରା ଅନୁଭୁତି ସାଉଁଟୁଛନ୍ତି ଯାତ୍ରୀମାନେ ।

ବିଶ୍ବରେ ଏମିତି ଏକ ଏୟାରପୋର୍ଟ ଅଛି ଯାହାର ରନଓ୍ବେର ମଝିରେ ଟ୍ରେନ ଯାତାୟାତ କରିଥାଏ। ବିଶ୍ବର ବିରଳତମ ଓ ବିପଦଜନକ ଏୟାରପୋର୍ଟ, ଯେଉଁଠି ପ୍ଲେନ ଓ ଟ୍ରେନ ଉଭୟ ଚାଲିଥାନ୍ତି । ତେବେ ଏହାକୁ ପରିଚାଳନା କରିବା ଏକ ବଡ଼ ଚ୍ୟାଲେଂଜ air ଓ train traffic ବିଭାଗ ପାଇଁ ।

ଏହିଭଳି ଅଦଭୁତ ଏୟାରପୋର୍ଟ ହେଉଛି ନ୍ୟୁଜିଲାଣ୍ଡର ଗିଜବୋର୍ନ ବିମାନବନ୍ଦର । ଗିଜର୍ବୋନ ହେଉଛି ନ୍ୟୁଜିଲ୍ୟାଣ୍ଡର ପୂର୍ବ ଉପକୂଳରେ ଅବସ୍ଥିତ ଏକ ଛୋଟିଆ ସହର । ସେହିଠାରେ ହିଁ ଅଛି ଏଭଳି ବିରଳ ଏୟାରପୋର୍ଟ । ବିମାନବନ୍ଦରରେ ସୁରକ୍ଷା ବି ସବୁବେଳେ କଡ଼ାକଡ଼ି ରହିଥାଏ। ରନଓ୍ବେ ଉପରେ ମଧ୍ୟ ସବୁ ବେଳେ କର୍ମଚାରୀଙ୍କ ନଜର ଥାଏ। ପ୍ଲେନ ଓ ଟ୍ରେନର ପରିଚାଳନା ଅତ୍ୟନ୍ତ ସମନ୍ବୟ ରକ୍ଷାକରି କରାଯାଏ । ଯାହା ପାଇଁ ବିମାନ ଓ ରେଳ ଦୁହେଁ ସୁରକ୍ଷିତ ଭାବେ ଚାଲିପାରନ୍ତି।

ଏହି ବିମାନମବନ୍ଦରରେ ସକାଳ ୬.୩୦ରୁ ରାତ୍ରି ୮.୩୦ଯାଏଁ ଟ୍ରେନ-ରୂଟ ଓ ପ୍ଲେନ-ରୂଟ ଉଭୟ ବ୍ୟସ୍ତ ରୁହେ। ରାତି ୮.୩୦ପରେ ରନଓ୍ବେକୁ ବନ୍ଦ କରିଦିଆଯାଏ। ଏୟାରପୋର୍ଟରୁ ୬୦ରୁ ଅଧିକ ଡୋମେଷ୍ଟିକ ଫ୍ଲାଇଟ ଉଡ଼ାଣ ଭରେ । ପ୍ରତ୍ୟେକ ବର୍ଷ ୧୫ଲକ୍ଷରୁ ଅଧିକ ଯାତ୍ରୀ ଏହି ବିମାନନ୍ଦରରୁ ଯାତ୍ରା କରନ୍ତି।

ବିମାନ ଓ ରେଳ-ଦୁଇଟି ଅଲଗା-ଅଲଗା ଯାତାୟାତର ମାଧ୍ୟମ। କିନ୍ତୁ ବିଶ୍ୱର ଏହା ଏମିତି ଏକ ବିମାନବନ୍ଦର ଯେଉଁଠାରେ ଏହି ଦୁଇ ଯାତାୟାତ ମାଧ୍ୟମ ଏକାଠି ଚାଲିଥାଏ।