ପାଉଲା ମୋର ସିରିୟସ ଗାର୍ଲଫ୍ରେଣ୍ଡ
ତାଙ୍କୁ ପାଇ ମୁଁ ଭାଗ୍ୟବାନ
ଆମେ ଦୁଇଜଣ ବେଶ ଖୁସିରେ ଅଛୁ
ଗାର୍ଲଫ୍ରେଣ୍ଡ କଥା ପ୍ରଥମ ଥର କହିଲେ ବିଲଗେଟ୍ସ

ଅର୍ଗସ ବ୍ୟୁରୋ : ପ୍ରଥମ ଥର ଗଣମାଧ୍ୟମ ସାମ୍ନାରେ ନିଜ ଗାର୍ଲଫ୍ରେଣ୍ଡ କଥା କହିଛନ୍ତି ଅବରପତି ତଥା ମାଇକ୍ରୋସଫ୍ଟର ସହ ପ୍ରତିଷ୍ଠାତା ବିଲ ଗେଟ୍ସ । ସେ ସାର୍ବଜନୀନ ଭାବେ ନିଜର ଏକ ସିରିୟସ ଗାର୍ଲଫ୍ରେଣ୍ଡ ଥିବା କଥା ଗଣମାଧ୍ୟମକୁ କହିଛନ୍ତି । ୬୯ ବର୍ଷୀୟ ବିଲ ଗେଟ୍ସ ଏକ ସାକ୍ଷାତକାରରେ କହିଛନ୍ତି, ପାଉଲା ହର୍ଡ ତାଙ୍କର ସିରିୟସ ଗର୍ଲଫ୍ରେଣ୍ଡ । ସେ ହର୍ଡଙ୍କ ପାଇ ଖୁବ ଭାଗ୍ୟବାନ । ସେମାନେ ଏକସହ ମଜା ମସ୍ତି କରୁଛନ୍ତି । ବୁଲୁଛନ୍ତି । ଅଲମ୍ପିକ ଯାଉଛନ୍ତି, ଏବଂ ଆହୁରି ଭଲଭଲ ଜିନିଷ ଉପଭୋଗ କରୁଛନ୍ତି ।

ତେବେ ପାଉଲା ହର୍ଡଙ୍କ କଥା ଯଦି କୁହାଯାଏ, ତେବେ ସେ ହେଉଛନ୍ତି ଜଣେ ସମାଜସେବୀ । ସେ ପୂର୍ବରୁ ଓରାକଲର ପୂର୍ବତନ ସିଇଓ ମାର୍କ ହର୍ଡଙ୍କୁ ବିବାହ କରିଥିଲେ । ଏବଂ ତାଙ୍କର ଦୁଇଜଣ ଝିଅ ମଧ୍ୟ ଅଛନ୍ତି । ୨୦୧୯ରେ ତାଙ୍କର ଦେହାନ୍ତ ହୋଇଥିଲା । ପରେ ବିଲ ଗେଟ୍ସଙ୍କ ସହ ତାଙ୍କର ପ୍ରେମ ସମ୍ପର୍କ ଗଢି ଉଠିଥିଲା । ବିଲ୍ ଗେଟ୍ସ ଏବଂ ପାଉଲାଙ୍କୁ ୨୦୨୨ ରେ ପ୍ରଥମେ ଏକାଠି ଦେଖିବାକୁ ମିଳିଥିଲା । ଅନେକ ବଡବଡ କାର୍ଯ୍ୟକ୍ରମ , ଅଲମ୍ପିକ୍ସରେରେ ଉଭୟ ଏକାଠି ନଜର ଆସିଥିଲେ । ହେଲେ ନିଜ ସମ୍ପର୍କକୁ ନେଇ କେବେ ବି ମୁହଁ ଖୋଲି କହି ନଥିଲେ ବିଲ୍ ଗେଟ୍ସ । ଅମ୍ବାନୀ ପରିବାରର ବିବାହକୁ ମଧ୍ୟ ଉଭୟ ଏକାଠି ଆସିଥିବାର ଦେଖିବାକୁ ମିଳିଥିଲା ।

ତେବେ ଯଦି ବିଲ ଗେଟ୍ସଙ୍କ କଥା କୁହାଯାଏ , ବିଲଗେଟ୍ସ ପୂର୍ବରୁ ମେଲିଣ୍ଡା ଫ୍ରେଞ୍ଚଙ୍କୁ ବିବାହ କରିଥିଲେ । ହେଲେ ଉଭୟଙ୍କ ବିଚ୍ଛେଦ ହୋଇଥିଲା ୨୦୨୧ ରେ । ଦୀର୍ଘ ୨୭ ବର୍ଷ ସେମାନେ ଏକାଠି ରହିବା ପରେ ପରସ୍ପରଠୁ ଛାଡପତ୍ର ନେଇଥିଲେ । ଗେଟ୍ସ ତାଙ୍କର ଏହି ବିଚ୍ଛେଦକୁ ସବୁଠୁ ଦୁଃଖର ସମୟ ବୋଲି ବର୍ଣ୍ଣନା କରିଥିଲେ । ବର୍ତ୍ତମାନ ସେ ନିଜ ଗାର୍ଲଫ୍ରେଣ୍ଡ ସହ ଖୁସିରେ ଥିଲେ ମଧ୍ୟ ସେତେବେଳର ସମୟ ତାଙ୍କ ପାଇଁ ଏବଂ ମେଲିଣ୍ଡାଙ୍କ ପାଇଁ ଖୁବ କଷ୍ଟସାଧ୍ୟ ଥିଲା ।

ତେବେ ଛାଡପତ୍ର ପରେ ସେ ନିଜେ ତାଙ୍କ ପତ୍ନୀଙ୍କୁ ଖୁବ ଯନ୍ତ୍ରଣା ଦେଇଥିବା ସ୍ବୀକାର କରିଥିଲେ । ଏବଂ ତାଙ୍କର ଯୌନ ଅପରାଧି ଜେଫ୍ରି ଏପଷ୍ଟିନଙ୍କ ସହ ଅତୀତର ଅବୈଧ ସମ୍ପର୍କ ଥିଲା । ଯାହାକୁ ନେଇ ତାଙ୍କର ପୂର୍ବତନ ପତ୍ନୀ ମେଲିଣ୍ଡା ଏହାକୁ ତୀବ୍ର ବିରୋଧ କରିଥିଲେ । କିନ୍ତୁ ଏପଷ୍ଟିନଙ୍କ ସହ ଥିବା ତାଙ୍କର ସମ୍ପର୍କ ଭୁଲ ବୋଲି ସେ ଗଣମାଧ୍ୟମରେ କହିଥିଲେ ।
ଆଉ ଏବେ ପ୍ରଥମଥର ପାଇଁ ନିଜ ଗାର୍ଲଫ୍ରେଣ୍ଡ କଥା ସାକ୍ଷାତକାରରେ କହିଛନ୍ତି ବିଲ୍ ଗେଟ୍ସ ।

Argus News | argus news | -Argusnews Home: Odisha Latest News, Breaking News, Trending News, Live TV and more