ସବୁ ସରିଯିବ। ସମସ୍ତେ ମରିଯିବେ। ଏହା ଶୁଣିବା ପରେ ଭୟ ଲାଗୁଥିବ ନିଶ୍ଚୟ। ହେଲେ ଏପରି କିଛି ଦାବି କରିଛନ୍ତି ବୈଜ୍ଞାନିକମାନେ। ୨୦୩୦ ସୁଦ୍ଧା ୩୦ ଲକ୍ଷରୁ ଅଧିକ ଲୋକ ମୃତ୍ୟୁର ସାମ୍ନା କରିବେ। ବୈଜ୍ଞାନିକମାନେ ସତର୍କ ସୂଚନା ଜାରି କରିଛନ୍ତି। ଏଚ୍‌ଆଇଭି ନିବାରଣ ଏବଂ ଚିକିତ୍ସା କାର୍ଯ୍ୟକ୍ରମ ପାଇଁ ଅନ୍ତର୍ଜାତୀୟ ପାଣ୍ଠିରେ ହ୍ରାସ ଘଟିଲେ ୨୦୩୦ ସୁଦ୍ଧା ୧ କୋଟିରୁ ଅଧିକ ସଂକ୍ରମଣ ଏବଂ ପ୍ରାୟ ୩୦ ଲକ୍ଷ ଲୋକଙ୍କର ମୃତ୍ୟୁ ଘଟିପାରେ ବୋଲି ଲାନସେଟ ଏଚ୍‌ଆଇଭି ଜର୍ଣ୍ଣାଲରେ ପ୍ରକାଶିତ ଏକ ଅଧ୍ୟୟନରେ ଏହା କୁହାଯାଇଛି।

ଆମେରିକାର ନୂତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଶପଥ ଗ୍ରହଣ ପରେ ଜାନୁଆରୀ ୨୦ରେ HIV ପାଣ୍ଠିରେ ବିଶ୍ୱର ସବୁଠାରୁ ବଡ଼ ଯୋଗଦାନକାରୀ ଆମେରିକା ସମସ୍ତ ସହାୟତା ବନ୍ଦ କରିଦେଇଥିଲା। ଅଧ୍ୟୟନ ଅନୁଯାୟୀ, ରାଷ୍ଟ୍ରପତିଙ୍କ ଏଡ୍‌ସ ରିଲିଫ ପାଇଁ ଜରୁରୀକାଳୀନ ଯୋଜନା (PEPFAR) ଗାଏବ ଏବଂ ଅନ୍ୟାନ୍ୟ ପାଣ୍ଠି ହ୍ରାସ ୨୦୩୦ ସୁଦ୍ଧା HIV/AIDS ଦୂର କରିବା ଦିଗରେ ଅଗ୍ରଗତିକୁ ବାଧା ଦେଇପାରେ। ଅଷ୍ଟ୍ରେଲିଆର ମେଲବୋର୍ନର ବର୍ନେଟ ଇନ୍‌ଷ୍ଟିଚ୍ୟୁଟ୍‌ର ଗବେଷକମାନଙ୍କ ଦ୍ୱାରା କରାଯାଇଥିବା ଏହି ଅଧ୍ୟୟନରେ ୨୦୨୬ ସୁଦ୍ଧା ବିଶ୍ୱବ୍ୟାପୀ HIV ପାଣ୍ଠିରେ ପ୍ରାୟ ୨୪ ପ୍ରତିଶତ ହ୍ରାସର ପ୍ରଭାବ ବିଶ୍ଳେଷଣ କରାଯାଇଛି।

ଆମେରିକା, ବ୍ରିଟେନ, ଫ୍ରାନ୍ସ, ଜର୍ମାନୀ ଏବଂ ନେଦରଲାଣ୍ଡ ସମେତ ପ୍ରମୁଖ ଦାତାମାନେ ୮ରୁ ୭୦ପ୍ରତିଶତ ପର୍ଯ୍ୟନ୍ତ ସହାୟତା କାଟ୍‌ ଘୋଷଣା କରିବା ପରେ ଏହି ଅଧ୍ୟୟନ କରାଯାଇଛି। ଏହି ପାଞ୍ଚଟି ଦେଶ ବିଶ୍ୱର ୯୦ ପ୍ରତିଶତରୁ ଅଧିକ ଏଚ୍‌ଆଇଭି ସହାୟତା ପାଇଁ ପାଣ୍ଠି ଯୋଗାଇଥାନ୍ତି।ଗବେଷକଙ୍କ ମତରେ, ଯଦି ଆମେରିକା ଏବଂ ବ୍ରିଟେନ ସମେତ ପାଞ୍ଚଟି ପ୍ରମୁଖ ଦାତା ଦେଶ ଦ୍ୱାରା ପ୍ରସ୍ତାବିତ ପାଣ୍ଠି ହ୍ରାସକୁ ହ୍ରାସ କରା ନ ଯାଏ, ତେବେ ୨୦୨୫ରୁ ୨୦୩୦ ମଧ୍ୟରେ ଅତିରିକ୍ତ ୪.୪ରୁ ୧୦.୮ ନିୟୁତ ନୂତନ ଏଚ୍‌ଆଇଭି ସଂକ୍ରମଣ ଏବଂ ୭୭୦,୦୦୦ରୁ ୨.୯ ନିୟୁତ ମୃତ୍ୟୁ ହୋଇପାରେ।

ଅଧିକ ପଢ଼ନ୍ତୁ ବିଦେଶ ଖବର:

Argus News | argus news | Odisha Latest News, Breaking News, Trending News, Live TV