ଅର୍ଗସ ବ୍ୟୁରୋ: ଇତିହାସ ପୃଷ୍ଠାରେ ଆଜିର ଦିନଟି ଥିଲା ଖୁବ ଭୟଙ୍କର । ପରମାଣୁ ବୋମାରେ ଥରିଥିଲା ଜାପାନର ହିରୋସୀମା ଓ ନାଗାସାକି । ପୁରା ବିଶ୍ୱ ଆତଙ୍କିତ ହୋଇ ଉଠିଥିଲା । ନିମିଷକରେ ପ୍ରାଣ ହରାଇଥିଲେ ଲକ୍ଷ ଲକ୍ଷ ଲୋକ । ଛାରଖାର ହୋଇଯାଇଥିଲା ପୁରା ସହର ।

୧୯୪୫ ମସିହା ଅଗଷ୍ଟ ୬... ରାତି ପ୍ରାୟ ୮ଟା । ଯୁକ୍ତରାଷ୍ଟ୍ର ଆମେରିକା ଜାପାନ ଉପରେ ପରମାଣୁ ବୋମା ପକାଇଥିଲା । ହିରୋସିମାରେ ପରମାଣୁ ବୋମା ପଡିବା ପରେ ସେଠାରେ ସଙ୍ଗେ ସଙ୍ଗେ ୩୦ ପ୍ରତିଶତ ଲୋକ ପ୍ରାଣ ହରାଇଥିଲେ । ପରମାଣୁ ଆକ୍ରମଣ ଏତେ ଭୟଙ୍କର ଥିଲା ଯେ, ଯୁଦ୍ଧ ସରିଲାପରେ ସେଠାର ଅନେକ ଲୋକ ବିକଳାଙ୍ଗ ହୋଇ ପଡିଥିଲେ । କେବଳ ଏତିକିରେ ମୃତ୍ୟୁର ବିଭିଷିକା ସରିନଥିଲା ଏହାର ୩ ଦିନ ପରେ ଅର୍ଥାତ ଅଗଷ୍ଟ ୯ ରେ ପୁଣି ଥରେ ଜାପାନର ନାଗାସାକି ସହରରେ ଆମେରିକା ପରମାଣୁ ଆକ୍ରମଣ କରିଥିଲା । ଏହି ଆକ୍ରମଣରେ ଦୁଇ ସହରର ପ୍ରାୟ ସାଢେ 3 ଲକ୍ଷ ଲୋକ ପ୍ରାଣ ହରାଇଥିଲେ । ମୃତକଙ୍କ ମଧ୍ୟରେ ଅଧିକାଂଶ ଥିଲେ ସାଧାରଣ ନାଗରିକ । ଏହା ହେଉଛି ଏବେ ସୁଦ୍ଧା ପ୍ରଥମ ଓ ଶେଷ ପରମାଣୁ ଆକ୍ରମଣ ।

ସେହି ଦୁଃଖଦ ଦିବସକୁ ମନେ ପକାଇବାକୁ ଆଜି ହିରୋସୀମା ଦିବସ ଭାବେ ପାଳନ କରାଯାଏ ।

ଜାପାନର ଦୁଇ ସହର ଉପରେ ଯେଉଁ ବୋମା ପଡିଥିଲା ତାହାର ଓଜନ ଥିଲା ୯୭୦୦ ପାଉଣ୍ଡ ଅର୍ଥାତ ୪୪୦୦ କିଲୋଗ୍ରାମ । ଲମ୍ବ ୧୦ ଫୁଟ ଓ ଚଉଡା ୨୮ ଇଞ୍ଚ । ତେବେ ଏହି ପରମାଣୁ ବୋମାକୁ ଯେଉଁ ସ୍ଥାନରେ ପକାଯିବାର କଥା ଥିଲା ସେଠାରେ ପଡିନଥିଲା ବୋଲି କୁହାଯାଏ । ବୋମା ପଡିବା ସମୟରେ ପବନ ବହୁଥିବାରୁ ଏହାର ଲକ୍ଷ୍ୟରେ ପରିବର୍ତ୍ତନ ହୋଇଥିଲା । ଆଉ ପରମାଣୁ ଆକ୍ରମଣରେ ଆଜି ବି ଜାପାନର ୨ ଲକ୍ଷ ଲୋକଙ୍କ ଦେହରେ ପରମାଣୁ ବିକିରଣ ହେଉଥିବା ଜଣାଯାଏ ।

ହିରୋସିମା ସହର ଜାପାନର ଶିଳ୍ପ ଏବଂ ସାମରିକ କାର୍ଯ୍ୟକଳାପର ଏକ ପ୍ରମୁଖ କେନ୍ଦ୍ର ଥିଲା । ନାଜି ଜର୍ମାନୀ ଏବଂ ଇଟାଲୀ ରାଜ୍ୟ ସମେତ ଆକ୍ସିସ୍ ମିଳିତ ମଞ୍ଚର ଏକ ଅଂଶ । ବ୍ରିଟେନ, ଆମେରିକା, ସୋଭିଏତ ସଂଘ ଏବଂ ଚୀନ୍ ଅନ୍ତର୍ଭୁକ୍ତ ଆକ୍ସିସ୍ ସହଯୋଗୀମାନଙ୍କ ବିରୁଦ୍ଧରେ ଛିଡ଼ା ହୋଇଥିଲେ ।

ଦକ୍ଷିଣ ପୂର୍ବ ଏସିଆରେ ୟୁରୋପୀୟ ଏବଂ ଆମେରିକୀୟ ଉପନିବେଶ ଏବଂ ସେମାନଙ୍କ ସମ୍ବଳକୁ ନିୟନ୍ତ୍ରଣ କରିବା ପାଇଁ ଜାପାନ ଆମେରିକା ଏବଂ ବ୍ରିଟିଶ ସୈନ୍ୟ ବିରୁଦ୍ଧରେ ଅନେକ ଆକ୍ରମଣ କରିଥିଲା । ଡିସେମ୍ବର ୭ ଏବଂ ଡିସେମ୍ବର ୮, ୧୯୪୧ ରେ ଯଥାକ୍ରମେ ଜାପାନ ପର୍ଲ ହାର୍ବର୍, ହାୱାଇ ଏବଂ ବ୍ରିଟିଶ ଅଧିକୃତ ହଂକଂ ଉପରେ ଆକ୍ରମଣ କରି ଆମେରିକା ଏବଂ ବ୍ରିଟେନ ଜାହାଜରେ ଅନେକ ଆହତ ତଥା ବ୍ୟାପକ କ୍ଷତି ଘଟାଇଥିଲା ।

ଦ୍ୱିତୀୟ ବିଶ୍ୱଯୁଦ୍ଧ ସମୟରେ ଜାପାନ ଉପରେ ପରମାଣୁ ବୋମା ପକାଇଥିଲା ଆମେରିକା । ଯାହାର ବିଧ୍ୱଂସକାରୀ କ୍ଷମତା ସାଧାରଣ ବୋମା ତୁଳନାରେ 15 ହଜାର ଗୁଣ ଅଧିକ ଥିଲା । ନିମିଷକରେ ସବୁକିଛି ଛାରଖାର ହୋଇଯାଇଥିଲା । ଶେଷରେ ଆମେରିକା ଆଗରେ ଆତ୍ମସମର୍ପଣ କରିଥିଲା ଜାପାନ । ସରିଥିଲା ବିଶ୍ୱଯୁଦ୍ଧ ।

ଆହୁରି ପଢନ୍ତୁ ଭାରତ ଖବର...

Argus News | argus news | -Argusnews Home: Odisha Latest News, Breaking News, Trending News, Live TV and more