କାର୍ଲିଫର୍ଣ୍ଣିଆରେ ହିନ୍ଦୁ ମନ୍ଦିରରେ ଭଙ୍ଗାରୁଜା । ଆମେରିକାର କାର୍ଲିଫର୍ଣ୍ଣିଆର ଚିନୋ ହିଲ୍ସ ସ୍ଥିତ ବିଏପିଏସ୍ ହିନ୍ଦୁ ମନ୍ଦିରରେ ଭଙ୍ଗାରୁଜା କରାଯାଇଛି । ଏହାସହ କଟ୍ଟରପନ୍ଥୀଙ୍କ ଦ୍ୱାରା ଆପତ୍ତିଜନକ ଟିପ୍ପଣୀ ମଧ୍ୟ ମନ୍ଦିରରେ ଲେଖାଯାଇଛି । ଏହି ଘଟଣାରେ ଭାରତ କଡ଼ା ଆପତ୍ତି ଉଠାଇବା ସହ କାର୍ଯ୍ୟାନୁଷ୍ଠାନ ପାଇଁ ଦାବି କରିଛି । ମନ୍ଦିରରେ ଭଙ୍ଗାରୁଜା ଘଟଣାକୁ ଭାରତ ନିନ୍ଦା କରିଛି । ବୈଦେଶିକ ବ୍ୟାପାର ମନ୍ତ୍ରଣାଳୟ ମୁଖପାତ୍ର ରଣଧୀର ଜୈସ୍ୱାଲ ଏହି ଆକ୍ରମଣକୁ ଘୃଣିତ ବୋଲି କହିଛନ୍ତି । ଏହାସହ ଏଥିରେ ସମ୍ପୃକ୍ତ ଲୋକଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଅପିଲ୍ କରିଛନ୍ତି ।

ବିଦେଶ ମନ୍ତ୍ରଣାଳୟ କହିଛି, 'କାର୍ଲିଫର୍ଣ୍ଣିଆର ଚିନୋ ହିଲ୍ସରେ ହିନ୍ଦୁ ମନ୍ଦିରରେ ହୋଇଥିବା ଭଙ୍ଗାରୁଜା ଘଟଣା ଆମ ନଜରକୁ ଆସିଛି । ଆମେ ଏହିପରି ଘୃଣ୍ୟ କାର୍ଯ୍ୟକୁ କଡ଼ା ଶବ୍ଦରେ ନିନ୍ଦା କରୁଛୁ । ଆମେ ସ୍ଥାନୀୟ ଅଧିକାରୀଙ୍କୁ ଏହି ଘଟଣାରେ ସମ୍ପୃକ୍ତ ଲୋକଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ ଓ ପୂଜା ସ୍ଥଳରେ ପର୍ଯ୍ୟାପ୍ତ ସୁରକ୍ଷା ସୁନିଶ୍ଚିତ କରିବା ପାଇଁ ଆହ୍ୱାନ କରୁଛୁ ।'