ଅର୍ଗସ ବ୍ୟୁରୋ: ଦେଶରେ ବେଗ ବଢାଉଛି HMPV ଭାଇରସ । ଛୋଟ ଶିଶୁଙ୍କ ପରେ ଏବେ ବୟସ୍କ ଏହି ଭାଇରସ୍ ରେ ସଂକ୍ରମିତ ହେବା ଆରମ୍ଭ ହୋଇଛି । ଉତ୍ତରପ୍ରଦେଶର ଲକ୍ଷ୍ନୌରେ ୬୦ ବର୍ଷର ଜଣେ ମହିଳାଙ୍କ ଠାରେ HMPV ଭାଇରସ୍ ର ଲକ୍ଷଣ ଦେଖାଯିବା ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ତାଙ୍କର ସାମ୍ପଲକୁ ଲାବ୍ ଟେଷ୍ଟ ପାଇଁ ପଠାଯାଇଛି । ତେବେ ଭାରତରେ ଏପର୍ଯ୍ୟନ୍ତ 9ଟି ମାମଲା ମିଳିଛି । ଛୋଟ ଶିଶୁଙ୍କୁ ଅଧିକ ହେଉଥିବାର ଦେଖାଯାଉଥିବାବେଳେ ବର୍ତ୍ତମାନ ବୟସ୍କଙ୍କ ଠାରେ ଏହି ସଂକ୍ରମଣକୁ ନେଇ ଚିନ୍ତା ବଢିଛି ।

ଅନ୍ୟପଟେ ହ୍ୟୁମାନ ମେଟାପ୍ନ୍ୟୁମୋ ଭାଇରସ ତଥା HMPVକୁ ନେଇ ମୁହଁ ଖୋଲିଲା ବିଶ୍ବ ସ୍ବାସ୍ଥ୍ୟ ସଂଗଠନ । ଚୀନରୁ ପୁଣି ଆଉ ଏକ ଭୂତାଣୁ ଆସିବ ବୋଲି ପୂର୍ବରୁ ସନ୍ଦେହ କରାଯାଉଥିଲା ବୋଲି WHO ତରଫରୁ କୁହାଯାଇଛି । ତେବେ ଏହି ଭୂତାଣୁ HMPVକୁ ନେଇ ଆତଙ୍କିତ ହେବାର କୌଣସି ଆବଶ୍ୟକତା ନାହିଁ । ଏହା ପୂର୍ବରୁ ଆସୁଥିବା ଇନଫ୍ଲୁଏନ୍ଜା ଭାଇରସ, ଏକ ପ୍ରକାର ଅଟେ । ଏଥିରେ ରେସ୍ପିରେଟୋରୀ ସିନସାଇଟାଲ୍ ଭାଇରସ୍ ଏବଂ କୋଭିଡ -୧୯ର SARS-COV-2 ଭୂତାଣୁର ଲକ୍ଷଣ ରହିଛି । ଆଗାମୀ ଦିନରେ ଭାଇରସ ମାମଲା ଦ୍ରୁତ ଗତିରେ ବୃଦ୍ଧି ପାଇବାର ଆଶଙ୍କା ରହୁଛି । ତେବେ ବର୍ତ୍ତମାନ ପାଇଁ କୈାଣସି ଗାଇଡ ଲାଇନ୍ ବା ଲକ୍ ଡାଉନର ଆବଶ୍ୟକତା ନାହିଁ ବୋଲି ବିଶ୍ବ ସ୍ବାସ୍ଥ୍ୟ ସଂଗଠନ ସ୍ପଷ୍ଟ କରିଛନ୍ତି ।