ଭାରତ - ଆମେରିକା ସହ ସମ୍ପର୍କ ବେଶି ଖରାପ ହେଲେ ଆମେରିକା ଭାରତ ପାଇଁ ନେଇପାରେ ଏମିତି କଠୋର ନିଷ୍ପତ୍ତି । ଭାରତ ପାଇଁ ଜି ମେଲ୍ ବ୍ୟାନ୍ କରିପାରେ ଆମେରିକା । ଯାହାଦ୍ଵାରା ଅନ୍ୟ ଆପ୍ ଯେମିତିକି ଫେସବୁକ, ହ୍ଵାଟ୍‌ସପ୍ ୟୁପିଆଇ ଭଳି ଅନ୍ୟ ଆପ୍ ଗୁଡିକ ବନ୍ଦ ହୋଇଯିବ । ସୋସିଆଲ ମିଡିଆରେ ଭିଡିଓ କରି କିଛି ଏମିତି ଦାବି କରିଛନ୍ତି ଫୈଜଲ ଖାନ୍ ଓରଫ ଖାନ୍ ସାର୍ ।

ଟ୍ରମ୍ଫଙ୍କ ଟାରିଫ୍ ନୀତି ଯୋଗୁ ଭାରତ ଆମେରିକାର ସମ୍ପର୍କ ଦିନକୁ ଦିନ ଆହୁରି ଖରାପ ହେବାରେ ଲାଗିଛି । ଟ୍ରମ୍ଫ ପ୍ରଶାସନର କଠୋର ନୀତି ଏବଂ ଭାରତ ଉପରେ ପକାଉଥିବା ଚାପକୁ ଭାରତ ଦୃଢତାର ସହ ସାମ୍ନା କରୁଥିବା ବେଳେ, ଏବେ ଖାନ୍ ସାରଙ୍କର ଏକ ବୟାନ ଯାହା ସୋସିଆଲ ମିଡିଆରେ ଚର୍ଚ୍ଚା ସୃଷ୍ଟି କରିଛି ।

ଭିଡିଓରେ ଖାନ୍ ସାର କହିଛନ୍ତି, ଆମେରିକା ଖୁବଶୀଘ୍ର ଗୁଗଲ୍ ଦ୍ଵାରା Gmail ସେବା ବନ୍ଦ କରିପାରେ । ଯାହାଦ୍ଵାରା ଭାରତର ମୋବାଇଲ ସେବା ଉପରେ ଗଭିର ପ୍ରଭାବ ପଡିପାରେ । ଏବଂ ଡିଜିଟାଲ ପେମେଣ୍ଟ ଆପ୍ ଉପରେ ପଡିପାରେ ବଡ ପ୍ରଭାବ । ଆମେ ଯେକୌଣସି ବି ଆପ୍ଲିକେସନ ଡାଉନଲୋଡ କରନ୍ତି, ତାହା ପ୍ଲେ ଷ୍ଟୋରରୁ କରନ୍ତି । ଆଉ ଗୁଗଲ୍ ବନ୍ଦ ହେଲେ ସିଧା ପ୍ଲୋ ଷ୍ଟୋର ହିଁ ବନ୍ଦ ହୋଇଯିବ । କହିବାକୁ ଗଲେ କେବଳ ଗୁଗଲ୍ ବନ୍ଦ ହେଲେ ଆମର ମୋବାଇଲ ସର୍ଭିସ ଏକପ୍ରକାର ବନ୍ଦ ହୋଇଯିବ ବୋଲି କହିଛନ୍ତି ଖାନ୍ ସାର । ଖାନ୍‌ ସାରଙ୍କ ଏପରି ଦାବିକୁ ଅନେକ ଲୋକ ସପୋର୍ଟ କରିଥିବା ବେଳେ ଅନେକ ଏହା ଭୁଲ ବୋଲି କହିଛନ୍ତି ।

ତେବେ ଏହି ଚର୍ଚ୍ଚା ଭିତରେ ଗ୍ରକ୍‌ ଏକ ବଡ ବୟାନ ଦେଇଛି । ଗ୍ରକ୍‌କୁ ଖାନ୍‌ସାରଙ୍କ ଦାବି ଉପରେ ପ୍ରଶ୍ନ କରାଯାଇଥିବା ବେଳେ ଗ୍ରକ୍‌ ଉତ୍ତର ଦେଇଛି , ୟୁପିଆଇ ଏବଂ NCPI ଭଳି ଆପ୍‌ ଭାରତର ଡାଟା ସେଣ୍ଟରରେ ଚାଲିଥାଏ । Gmail କିମ୍ବା ଗୁଗଲ୍ ସର୍ଭିସ ସହ ଏହାର ସିଧାସଳଖ ଲିଙ୍କ୍ ନଥାଏ । ଯଦି Gmail ବ୍ୟାନ୍ ବି ହୋଇଯାଏ, ତେବେ Paytm , BHIM ଭଳି ଆପ୍‌ ଗୁଡିକରେ କୌଣସ ପ୍ରଭାବ ପଡିବ ନାହିଁ ।

ଭାରତ ପାଖରେ ନ୍ୟାସନାଲ ପେମେଣ୍ଟ କପୋରେସନ୍ ଅଫ୍ ଇଣ୍ଡିଆ ବା NPCI ଭଳି ଡାଟା ସେଣ୍ଟର ରହିଛି । ଯେଉଁଥିରେ ଭାରତର ଟଙ୍କା ନେଣଦେଣ ପ୍ରକ୍ରିୟା ଆହୁରି ସରଳ ଆଉ ସୁରକ୍ଷିତ ହୋଇପାରିବ ।
ସେହପରି ଅନ୍ୟ ଏକ ରିପୋର୍ଟରେ କୁହାଯାଇଛି, ଟ୍ରମ୍ପ କେବେବି ଜିମେଲ ବନ୍ଦ କରିପାରିବ ନାହିଁ । କାରଣ ଗୁଗଲ୍ ହେଉଛି ଏକ ପ୍ରାଇଭେଟ୍ କମ୍ପାନୀ । ଗୁଗଲ୍ ମଧ୍ୟ ନିଜର Google Payର ଡାଟା ଭାରତରେ ହିଁ ଷ୍ଟୋର କରିଥାଏ । ଏବଂ ଭାରତ ଉପରେ ଜିମେଲ ବନ୍ଦ କରିବାର ଅଧିକାର କେବଳ ଆଉ କେବଳ ଭାରତ ପାଖରେ ଅଛି ।

Argus News | argus news | -Argusnews Home: Odisha Latest News, Breaking News, Trending News, Live TV and more