ଆମେରିକା ଦେଲା ଇସ୍ରାଏଲକୁ ବଡ଼ ଝଟକା... ଇସ୍ରାଏଲର ବିଶ୍ଵାସକୁ ଭାଙ୍ଗିଦେଲା ଆମେରିକା । ଏକାଠି ମିଶିଗଲେ ଇରାନ୍‌ ଆମେରିକା ହେବନି ଯୁଦ୍ଧ ଏବେ ଆଉ ଆମେରିକା ଇରାନ୍‌ ଉପରେ ଆକ୍ରମଣ କରିବନି । ବନ୍ଦ ହୋଇଛି ଇରାନ୍‌ ଆମେରିକା ମଧ୍ୟରେ ଯୁଦ୍ଧ । ମାସ ମାସ ଧରି ଲାଗି ରହିଥିବା ଯୁଦ୍ଧରେ ପୂର୍ଣ୍ଣଛେଦ ପଡ଼ିଛି । ପୁରା ବିଶ୍ଵ ଏହି ଯୁଦ୍ଧର ଅନ୍ତ କେବେ ହେବ ଚାହିଁ ରହିଥିଲେ। କିନ୍ତୁ ଏହି ଚୁକ୍ତି ପରେ ଇସ୍ରାଏଲର ମୁଣ୍ଡ କିଛି କାମ କରୁ ନାହିଁ । ଇସ୍ରାଏଲର ସବୁ ପ୍ଲାନ୍‌ ବିଫଳ ହୋଇଯାଇଛି ।

ଆମେରିକା ଶେଷରେ ଇସ୍ରାଏଲକୁ ଧୋକା ଦେଇ ଇରାନ୍‌ ସହ ହାତ ମିଶାଇଛି । ଦୀର୍ଘ ୧୦୭ ଦିନର ଯୁଦ୍ଧରେ ଲାଗିଛି ବିରାମ । ଦୁଇ ଦେଶ ମଧ୍ୟରେ ଶାନ୍ତି ଚୁକ୍ତି ହୋଇଛି ବୋଲି ରାଷ୍ଟ୍ରପତି ଟ୍ରମ୍ପ ସୋସିଆଲ ମିଡିଆରେ ଘୋଷଣା କରିଛନ୍ତି । ସେପଟେ ଶାନ୍ତି ଚୁକ୍ତିକୁ ନେଇ ଇରାନ ଉପ ବୈଦେଶିକ ମନ୍ତ୍ରୀ ମଧ୍ୟ ସୂଚନା ଦେଇଛନ୍ତି । ଦୁଇ ଦେଶ ମଧ୍ୟରେ ଯୁଦ୍ଧ ଶେଷ ହୋଇଥିବାରୁ ଖୁବଶୀଘ୍ର ଗୁରୁତ୍ଵପୂର୍ଣ୍ଣ ସାମୁଦ୍ରିକ ପଥ ହର୍ମୁଜ ପ୍ରଣାଳୀ ଖୋଲିବ ବୋଲି ଆଶା କରାଯାଉଛି, ଯାହାଦ୍ଵାରା ଆଗକୁ ତେଲ ଦର ମଧ୍ୟ ହ୍ରାସ ପାଇପାରେ ।

ଟ୍ରମ୍ପ ଶାନ୍ତି ଚୁକ୍ତି ନେଇ ନିଜ ସୋସିଆଲ ମିଡିଆରେ ଲେଖିଛନ୍ତି, "ଇରାନ ସହିତ ଚୁକ୍ତି ସମ୍ପୂର୍ଣ୍ଣ ହୋଇଛି । ସମସ୍ତଙ୍କୁ ଅଭିନନ୍ଦନ । ହର୍ମୁଜ୍ ପ୍ରଣାଳୀ ଏବେ ଖୋଲିବ । ସେଠାରେ ଆମେରିକାର ନୌସେନାଙ୍କୁ ମଧ୍ୟ ହଟାଯିବ ।" ତେବେ ଶୁକ୍ରବାର ସ୍ୱିଜରଲ୍ୟାଣ୍ଡରେ ଏହି ଚୁକ୍ତି ଉପରେ ମୋହର ଲାଗିବ ଏବଂ ଇରାନ ମଧ୍ୟ ଏହା ଘୋଷଣା କରିଛି । ଏହି ଚୁକ୍ତି ଉପରେ ମୋହର ଲାଗିବା ପରେ, ଦୁଇ ଦେଶ ମଧ୍ୟରେ ୬୦ ଦିନିଆ ଯୁଦ୍ଧବିରତି ଆରମ୍ଭ ହେବ ଏବଂ ପରମାଣୁ ଚୁକ୍ତି ପାଇଁ ଆଲୋଚନା ମଧ୍ୟ ହେବ ।

ସେ ଆହୁରି କହିଛନ୍ତି "ମୁଁ ଏହି ଚୁକ୍ତିରେ ସାମିଲ ସମସ୍ତ ପକ୍ଷଙ୍କୁ ଧନ୍ୟବାଦ ଜଣାଉଛି । ମୁଁ ହର୍ମୁଜ୍ ପ୍ରଣାଳୀକୁ ଟୋଲ୍ ଫ୍ରି ଓପନିଂ ମଧ୍ୟ ଘୋଷଣା କରୁଛି । ଏହା ସହିତ ମୁଁ ହର୍ମୁଜରୁ ଆମେରିକୀୟ ନୌସେନାକୁ ପ୍ରତ୍ୟାହାର କରୁଛି । ବିଶ୍ୱର ଜାହାଜଗୁଡ଼ିକ ଏବେ ସେମାନଙ୍କର ଇଞ୍ଜିନ ଆରମ୍ଭ କରିବା ଉଚିତ । ତେଲ ବାଣିଜ୍ୟ ଆରମ୍ଭ ହେଉ ।" ଅନ୍ୟ ଏକ ପୋଷ୍ଟରେ ଟ୍ରମ୍ପ କହିଛନ୍ତି ଯେ ଚୁକ୍ତିନାମା ଆନୁଷ୍ଠାନିକ ଭାବରେ ଅନୁମୋଦନ ହେବା ପରେ ହର୍ମୁଜ୍ ପ୍ରଣାଳୀ ଶୁକ୍ରବାର ଦିନ ଖୋଲିବ ।

ସେପଟେ କିନ୍ତୁ ଇସ୍ରାଏଲ ଏହି ଚୁକ୍ତିରେ ଖୁସି ନାହିଁ। ଇରାନ୍‌ ଉପରେ ଆମେରିକା ଆକ୍ରମଣ କରିବ ନାହିଁ । କିନ୍ତୁ ଇସ୍ରାଏଲ ଆକ୍ରମଣ କରିପାରେ । ଯାହାକୁ ନେଇ ଟ୍ରମ୍ପ କହିଛନ୍ତି କି ଯଦି ଇସ୍ରାଏଲ ପୁଣି ଇରାନ୍‌ ଉପରେ ଆକ୍ରମଣ କରେ ତାହା ଇସ୍ରାଏଲ ଉପରେ ଦୃଢ଼ କାର୍ଯ୍ୟାନୁଷ୍ଠାନ ହେବ । ସବୁଠାରୁ ବଡ଼ କଥା ହେଉଛି ଯଦି ଇସ୍ରାଏଲ ପୁଣିଥରେ ଇରାନ୍‌ ଉପରେ ଆକ୍ରମଣ କରେ ତାହାଲେ ଆଉ ଗୋଟିଏ ନୂଆ ଯୁଦ୍ଧର ଆରମ୍ଭ ହୋଇପାରେ ।